Lahi 1:3 - BAIBLO ALOO NGMAMI KLƆUKLƆU Ɔ

³ O he ngɛ via jee kaa nɔ́ ko; ke a wo o biɛ ta pɛ a kaiɔ o he via a; lɔ ɔ he nɛ yi ɔmɛ tsuo suɔ mo ɔ nɛ.

Lahi 1:3 ပူးပေါင်းရင်းမြစ်များ

La 133:2

Nyɛmimɛ a kake peemi ngɛ kaa nu nɛ he jua wa nɛ a kɛ pɔ Aaron yi mi, nɛ ngɛ dɛe kɛ ngɛ e kpɛni mi puee hluu kɛ ba su e tade klɔii ɔ nya tɔɔ!

La 45:14

Bo nɛ a lo ní saminyawiiwi kɛ wo mi nɛ e bu kɛ ba matsɛ ɔ ngɔ. E mawa amɛ nɛ a kpaka lɛ kɛ ba; e he biali, kɛ e huɛmɛ nyɛɛ e se yuu.

Mose II, 33:12

Mose de Yawɛ ke, “Mo kai kaa o de mi ke ma kpaka ma a kɛ ho, se o tsɔɔ we mi nɔ nɛ o maa tsɔ kɛ piɛ ye he. Mo nɔuu nɛ o de ke o le mi saminya, nɛ o bua jɔ ye he.

Mose II, 33:19

Yawɛ de Mose ke, “Ma ha ye hɛ mi nyami ɔ tsuo maa be ngɛ o hɛ mi, nɛ ye biɛ nɛ ji Yawɛ ɔ hu ma wo nɔ ta ngɛ o hɛ mi. Nihi nɛ sa dloomi ɔ, ma dloo mɛ; nɛ ni nɛmɛ nɛ sa mɔbɔ nami ɔ, ma na mɛ mɔbɔ.”

Abɛ Womi 27:9

Ke haomi ba nɔ nɔ nɛ e ná bua wolɔ ɔ, e ngɛ kaa nu je via nɛ e kpa; nɛ e naa bua jɔmi.

Fiɛlɔ 7:1

Biɛ kpakpa hi pe nu je via nɛ he jua wa. Ligbi nɛ o gbo ɔ hi pe ligbi nɛ a fɔ mo.

Lahi 3:6

Mɛni je nga kplanaa a nɔ kɛ ma nɛ ɔ? Mɛni lɛ ma kaa la su ku kusuu nɛ ɔ? Mɛni ji nɛ ɔ kɛ e he via kaa tsopa kɛ e he via, aloo mimɛ, aloo jua yeli a tsopa kpa komɛ nɛ jee via a?

Lahi 4:10

O suɔmi ɔ jɔɔ ye bua. Ye tsui kpa, kɛ ye we ayɛflo nɛ i suɔ mo saminya, o suɔmi ɔ ngɔɔ pe wai. O nu via a he via pe tsopa kɛ e he via slɔɔto ɔmɛ tsuo.

Lahi 5:13

E tsitsa ngɛ kaa abɔɔ ko nɛ tsopa kɛ e he via ngɛ via jee liliili ngɛ mi. E nya lo ngɛ kaa nga nɔ mɔmɔhi nɛ mimɛ nyu pɔ mɛ.

Lahi 5:5

I te si, konɛ ma bli sinya a ha ye suɔlɔ ɔ. I kpa ye kɔni ɔmɛ a he mimɛ, nɛ e he nyu ɔ ngɛ dɛe ngɛ ye nine nguɛ nya kɛ ngɛ sinya a se lami nɔ́ ɔ nɛ i pɛtɛ he ɔ nɔ puee.

Lahi 6:8

Imi matsɛ ɔ, i ngɛ yihi nyingmi ekpa, plãhi nyingmi kpaanyɔ, kɛ yihewi nɛ a li a yibɔ!

Yesaya 61:3

Kɛkɛ ɔ, nihi nɛ ngɛ kɔmɔ yee ngɛ Zion ɔ, e ma bu mɛ jlasi nɛ a kɛ mɔmɔ pee, se pi la zu; a bua maa jɔ; a ma kpa kɔmɔ yemi, nɛ a ma la yi jemi la. A maa bɔ kaa tso nguaa nɛ Yawɛ nitsɛ ma. Mɛ tsuo a maa pee nɔ́ nɛ da, nɛ a maa wo Yawɛ hɛ mi nyami.

Mateo 25:1

“Jamɛ a be ɔ, hiɔwe matsɛ yemi ɔ maa hi kaa kikɛ nɛ ɔ. Be ko ɔ, yihewi nyɔngma komɛ wo a kanehi, nɛ a ho konɛ a ya hyɛ ayɛflo huno blɔ.

Yohane 12:3

Kɛkɛ nɛ Maria ngɔ nardo nu ngmingmiingmi nɛ he jua wa saminya lita fa, nɛ e kɛ ba pɔ Yesu nane, nɛ e kɛ e yi bwɔmi tsu e nane ɔmɛ a he. Nu ɔ he via a kpe we ɔ mi tsuo;

2 Korintobi 11:2

I suɔ nyɛ saminya kaa bɔ nɛ Mawu nitsɛ suɔ nyɛ ɔ. I suɔ kaa nyɛɛ ye Kristo anɔkuale kaa bɔ nɛ yomiyo yeɔ nyumu nɛ ba bi e si ɔ anɔkuale, nɛ e hyɛɛ e he nɔ saminya kɛ ya siɔ yo kpeemi ligbi ɔ.

Filipibi 4:18

Níhi tsuo nɛ nyɛ mane ɔ ba su mi; a hiɛ kulaa pe bɔ nɛ i susu! Epafrodito ngɔ nyɛ manemi ɔmɛ tsuo kɛ ba, nɛ nɔ́ ko nɔ́ ko hia we mi hu. Nike ní nɛ ɔmɛ ngɛ kaa bɔ ko nɛ a sã ha Mawu. Bɔ kaa kikɛ nɛ ɔ jeɔ via liliili; e saa Mawu hɛ mi, nɛ e naa he bua jɔmi.

Kpojemi 14:4

Ni nɛ ɔmɛ ji nyumuhi nɛ a kɛ yihi fiɛ we yakayaka fiɛmi, nɛ a ble we a he; a he tsɔ. He tsuaa he nɛ To bi ɔ yaa a, a kɛ lɛ yaa. Mɛ pɛ ji nihi nɛ Mawu he a yi wami ngɛ je ɔ mi tsuo. Mawu kɛ To bi ɔ a nihi ji nimli nɛ ɔmɛ; a ngɛ kaa kekleekle tso yiblii nɛ a hla ngɔ to ha Mawu.