La 99:3 - BAIBLO ALOO NGMAMI KLƆUKLƆU Ɔ

³ Nihi tsuo ma je e biɛ kpetekpleenyɛ ɔ yi; a ma je e biɛ nɛ he ngɛ gbeye ɔ yi. E ngɛ klɔuklɔu!

La 99:3 ပူးပေါင်းရင်းမြစ်များ

Yesaya 6:3

A ti nɔ tsuaa nɔ ngɛ e sibi dee boboobo ke, “Klɔuklɔu, klɔuklɔu, klɔuklɔu! Yawɛ Tabohiatsɛ ɔ ngɛ klɔuklɔu! E hɛ mi nyami ɔ hyi je ɔ tsuo.”

Mose V, 28:58

“Ke nyɛ bui Mawu tsɔɔmi ɔmɛ tsuo, nɛ́ nyɛ pee bɔ nɛ a ngma ngɛ womi nɛ ɔ mi, nɛ nyɛ wui Yawɛ, nyɛ Mawu ɔ biɛ nɛ ngɛ nyakpɛ kɛ gbeye ɔ hɛ mi nyami ɔ,

La 111:9

E ha e ma a ye a he, nɛ e kɛ mɛ so somi nɛ ngɛ daa. E he tsɔ, nɛ e he ngɛ gbeye!

Kpojemi 4:8

Hɛ kali eywiɛ ɔmɛ a ti nɔ tsuaa nɔ ngɛ pɛli ekpa, nɛ a mi mi je kɛ kpo nɔ je tsuo hɛngmɛ sɔuu. Nɛ nyɔ kɛ pia tsuo ɔ, a hii lae nɛ a kpa we ke, “Klɔuklɔu, klɔuklɔu, klɔuklɔu ji Nyɔmtsɛ Mawu Ope, nɔ nɛ ngɛ sa a, nɛ e ngɛ amlɔ nɛ ɔ, nɛ́ e maa ba a.”

Yohane 17:11

Amlɔ nɛ ɔ, i be je ɔ mi hu. Mɛɛ a ngɛ je ɔ mi, se imi lɛɛ i ma o ngɔ. Tsaatsɛ klɔuklɔu! Bu a he kɛ mo nitsɛ o he wami nɛ o ngɔ ha mi ɔ, konɛ a pee kake kaa bɔ nɛ i kɛ mo wa ngɛ ɔ.

La 145:17

Nɔ́ tsuaa nɔ́ nɛ Yawɛ peeɔ ɔ da; e naa mɔbɔ be tsuaa be.

La 66:3

Nyɛ de Mawu ke, “Bɔ nɛ o peeɔ níhi ɔ ngɛ gbeye loo! O he wami kpetekpleenyɛ ɔ nya a, o he nyɛli ɔmɛ ba a he si ha mo.

Nehemia 4:14

Jehanɛ, i na kaa ni ɔmɛ hao; lɔ ɔ he ɔ, i de ma nimeli ɔmɛ, ma ní tsuli ɔmɛ, kɛ ma a tsuo ke, “Nyɛ ko ye wa he nyɛli ɔmɛ gbeye. Nyɛ kai kaa Nyɔmtsɛ ɔ kle, nɛ e he ngɛ gbeye, konɛ nyɛɛ hwu ha nyɛ nyɛmimɛ ɔmɛ, nyɛ bimɛ ɔmɛ, nyɛ yi ɔmɛ, kɛ nyɛ we ɔmɛ.”

Nehemia 1:5

“Yawɛ Mawu nɛ ngɛ hiɔwe lee! O kle, nɛ o he ngɛ gbeye. O yeɔ anɔkuale, nɛ o yeɔ o siwo nɔ. Nihi nɛ suɔ mo, nɛ a peeɔ níhi nɛ o fa ke a pee ɔ, o naa mɛ mɔbɔ.

Yoshua 24:19

Yoshua ya nɔ, nɛ e de ma a ke, “E ngɛ mi ja; se eko ɔ, nyɛ be Yawɛ nyɛe ma sɔmɔ. Mawu klɔuklɔu ji lɛ, nɛ e kɛ nyɛ tɔmi ɔmɛ, kɛ yayami ɔmɛ be nyɛ pae. A kɛ lɛ plee we nɔ́ he,

Mose V, 7:21

Lɔ ɔ he ɔ, nyɛ ko ye nyɛ he nyɛli ɔmɛ gbeye. Yawɛ, nyɛ Mawu ɔ kɛ nyɛ ngɛ; e ji Mawu kpetekpleenyɛ nɛ sa nɛ a ye lɛ gbeye.

La 76:1

A le Mawu ngɛ Yuda, a woɔ e biɛ ɔ hɛ mi nyami ngɛ Israel.

Samuel I, 2:2

Nɔ ko be nɛ ngɛ klɔuklɔu kaa Yawɛ. E se ɔ, nɔ ko be. Ee, Mawu se ɔ, wesa he kpa ko be.

Yeremia 20:11

Se mo Yawɛ, moo lɛɛ o ngɛ ye se kpɛii kaa tatsɛ kpanaa; ni nɛmɛ nɛ ngɛ mi yi mi wae ɔ be mi nyɛe. Zo maa gbe mɛ daa, ejakaa a be nyɛe maa pee nɔ́ ko nɔ́ ko. A zo ɔ hu nɔ ko hɛ be nɔ jee gblegbleegble.

La 76:12

Ganɔhi nɛ woɔ a he nɔ ɔ, e baa mɛ si; e woɔ matsɛmɛ nguanguahi hu a he gbeye.

Nehemia 9:32

“Wa Mawu, mo Mawu kpetekpleenyɛ, mo nɛ o he ngɛ gbeye, nɛ o kɔni si wa. Moo lɛɛ o yeɔ o somi, kɛ si womi ɔmɛ a nɔ pɛpɛɛpɛ. Kɛ je benɛ Asiria matsɛmɛ ɔmɛ bɔni wɔ haomi kɛ ba su mwɔnɛ ɔ, moo hyɛ amanehlu sɔuu nɛ wa na! Wa matsɛmɛ ɔmɛ, wa ma nimeli ɔmɛ, wa osɔfo ɔmɛ, gbali ɔmɛ, wa nɛmɛ ɔmɛ, kɛ wa ma kpekpemi ɔ tsuo na nɔ́ tsɔ. Mo kai wɔ, ejakaa wa we amanehlu ɔ hiɛ tsɔ!

Nehemia 9:5

Levi bi nɛ ɔmɛ ji ni nɛmɛ nɛ nyɛɛ ma a hɛ mi kɛ sɔle ha Mawu: Yeshua, Kadmiel, Bani, Hashabneya, Sherebia, Hodia, Shebania, kɛ Petahia. Bɔ nɛ a de ji nɛ ɔ nɛ, “Nyɛɛ te si nɛ nyɛ je Yawɛ, nyɛ Mawu ɔ yi. Nyɛ je e yi daa kɛ daa. Mawu lee, ha nɛ nɔ tsuaa nɔ nɛ je o biɛ ɔ yi. Nɔmlɔ adesa yi jemi pi ha mo lɛɛ, se ha nɛ wa je o yi kɛ̃.”

La 100:4

Nyɛɛ ngɔ sina ba ha lɛ ngɛ e we ɔ; nyɛ je e yi ngɛ e kue ɔmɛ a mi. Nyɛɛ na lɛ si, nɛ nyɛ je e yi.

La 103:1

Ma je Yawɛ yi! Ma je e biɛ klɔuklɔu ɔ yi kɛ ye tsui tsuo.