La 97:7 - BAIBLO ALOO NGMAMI KLƆUKLƆU Ɔ

⁷ Amaga jali, kɛ nihi tsuo nɛ fĩaa kɛ fɔɔ yakayaka wɔhi a nɔ, nyɛ hɛ mi pue si pɛ! Nyɛ mawuhi tsuo, nyɛ kpla si ngɛ Yawɛ hɛ mi.

La 97:7 ပူးပေါင်းရင်းမြစ်များ

Hebribi 1:6

Se benɛ Mawu miɔ nɛ e maa tsɔ e bitɛte ɔ je ɔ mi ɔ, e de ekohu ke, “Ha nɛ Mawu bɔfo ɔmɛ tsuo nɛ a ja lɛ.”

Yeremia 10:14

Nimli adesahi tsuo biɛ; a li nɔ́ ko nɔ́ ko. Sika gali a hɛ mi pue si pɛ; ejakaa amaga amɛ nɛ a puɛɛ ɔ, ní guhi ji mɛ; wami ko wami ko be a mi.

Yesaya 42:17

Se nihi nɛ ngɔɔ a hɛ ngɔ fɔɔ amagahi a nɔ, amagahi nɛ a kpɛ́, loo a puɛ, nɛ a kpale deɔ ke a mawuhi ji mɛ ɔ, a maa ba mɛ si, nɛ zo maa gbe mɛ.”

Mose III, 26:1

Yawɛ de ke, “Nyɛ ko puɛ amagahi, nɛ nyɛ ko pee tɛ amagahi, loo titimahi kɛ ma si; nyɛ ko ja mɛ hulɔ; ejakaa imi ji Yawɛ, nyɛ Mawu ɔ nɛ.

Mose II, 20:4

“Koo puɛ amaga, loo nɔ́ ko nɛ ngɛ kaa nɔ́ ko nɛ ngɛ hiɔwe, loo nɔ́ ko nɛ ngɛ zugba a nɔ, loo nɔ́ ko nɛ ngɛ nyu mi ngɛ zugba a sisi.

1 Petro 1:12

Mawu je tsɔɔ gbali nɛ ɔmɛ kaa ní tsumi nɛ a ngɛ tsue ɔ, pi mɛ nitsɛmɛ nɛ a ma na he se, se nyɛ mohu. Amlɔ nɛ ɔ, a fiɛ sane kpakpa ngɔ ha nyɛ tsuo. Mumi Klɔuklɔu ɔ nɛ a tsɔ kɛ je hiɔwe, nɛ e kɛ mɛ tu munyu ɔ, lɛ nɔuu e he wami a kɛ fiɛ ha nyɛ. Ní nɛ ɔmɛ ji níhi nɛ bɔfo ɔmɛ tete ko suɔ kaa a maa nu sisi.

Yesaya 41:29

Nyɛɛ hyɛ, mawu nɛ ɔmɛ tsuo pi nɔ́ ko nɔ́ ko kulaa; a nyɛ we nɔ́ ko kpakpa nɛ a tsu. Amaga amɛ nɛ a puɛ ɔ, a he be se nami; a ngɛ kaa kɔɔhiɔ kɛkɛ.”

Mose V, 27:15

“ ‘Mawu maa gbiɛ nɔ tsuaa nɔ nɛ ngɔɔ tɛ, loo tso, loo dade kɛ peeɔ amaga ko, nɛ e jaa lɛ ngɛ laami mi. Yawɛ hiɔ wɔ jami.’ Ma a tsuo ma he nɔ ke, ‘Amen!’

Mose V, 5:8

“ ‘Koo puɛ amaga ko, loo nɔ́ ko nɛ ngɛ kaa nɔ́ ko nɛ ngɛ hiɔwe, loo nɔ́ ko nɛ ngɛ zugba a nɔ, loo nɔ ko nɛ ngɛ nyu mi ngɛ zugba a sisi.

Mose II, 25:20

Kerub ɔmɛ nɛ a gbɛ a pɛlihi a mi kɛ ya hiɔwe nɛ a kɛ ha daka a nya nɔ́ ɔ he. A plɛ a hɛ mi ngɔ kpee a sibi, nɛ a hi nya nɔ́ ɔ nɔ hyɛe.

Samuel I, 5:3

E nɔ jena mɔtu mla benɛ Ashdod bi ɔmɛ te si ɔ, o nɛ Dagon nɛ kuɛli nɔ si, nɛ e hɛ mi bu si ngɛ Yawɛ somi daka a hɛ mi. A wo e nɔ kɛ ma e ma he ɔ ekohu.

Yesaya 42:7

O ma bli hɛ yuyuili a hɛngmɛ, nɛ nihi nɛ a wo mɛ tsu, nɛ a hii si ngɛ diblii mi ɔ, o ma ha a maa ye a he.

Yesaya 45:16

Amaga puɛli a hɛ mi ma pue si; zo maa gbe mɛ tsuo kpɔtɔɔ.

Yeremia 2:26

Yawɛ ke, “Kaa bɔ nɛ ke a nu julɔ nɛ a pueɔ e hɛ mi si ɔ, ja nɔuu lɛ a ma pue nyɛ Israel ma a tsuo, nyɛ matsɛmɛ ɔmɛ, ganɔ ɔmɛ, nyɛ we osɔfo ɔmɛ, kɛ gbali ɔmɛ nyɛ hɛ mi si.