La 97:2 - BAIBLO ALOO NGMAMI KLƆUKLƆU Ɔ

² Bɔku kɛ diblii kpii bɔle lɛ kɛ kpe. Matsɛ ji lɛ; anɔkuale, kɛ dami sane e yeɔ.

La 97:2 ပူးပေါင်းရင်းမြစ်များ

La 89:14

O matsɛ yemi ɔ, dami sane yemi nɔ a to lɛ sisi kɛ fɔ. Suɔmi kɛ anɔkuale yemi jeɔ kpo ngɛ o nɔ́ tsuaa nɔ́ peemi mi.

Mose II, 19:9

Yawɛ de Mose ke, “Hyɛ, i ma o ngɔ ngɛ bɔku kpii mi, konɛ ke ma a nu nɛ i kɛ mo ngɛ munyu tue ɔ, a he mo nɛ a ye kɛ ya neneene.” Mose ho nɛ e ya bɔ Yawɛ heto nɛ ma a ha lɛ ɔ.

Abɛ Womi 16:12

Matsɛmɛ hiɔ yayami peemi; ejakaa matsɛ sɛ ɔ, dami sane yemi nɔ lɛ a to lɛ sisi ngɛ.

La 99:4

Matsɛ kpetekpleenyɛ, mo nɛ o suɔ nɔ́ nɛ da! O to anɔkuale, kɛ dami sane yemi si ngɛ Israel.

Mose I, 18:25

Dɛbi, e ko ba mi kaa o maa pee nɔ́ nɛ ɔ, kaa o maa gbe dali kɛ nimli yayamihi kɛ bla. Ke o pee ja a, kɛkɛ o gbla dali kɛ nimli yayamihi tsuo a tue kɛ bla. Dɛbi, e ko ba mi ja; je ɔ tsuo kojolɔ ɔ, e sa kaa e yeɔ dami sane.”

Romabi 11:33

Niatsɛ mi niatsɛ ji Mawu! Hyɛ bɔ nɛ e nile, kɛ juɛmi hiɛ ha! Mɛnɔ le bɔ nɛ e toɔ e yi mi ha? Blɔ nɔ nɛ e guu kɛ tsuɔ ní ɔ, mɛnɔ le?

Nahum 1:3

Yawɛ mi mi fu we mla, se kɛ̃ ɔ, e we abofu nya wa wawɛɛ nitsɛ; e ngmɛ́ blɔ nɛ nɔ tɔli yeɔ a he kɔkɔɔkɔ. Yawɛ jeɔ e he wami kpo ngɛ lasiogblee kɛ ahumi mi; nɛ bɔku ngɛ kaa e nane se bunyuku!

La 77:19

O nyɛɛ kɛ gu wo ɔ mi; o po wo nɛ mi kuɔ ɔ kɛ be, se o nane mami he ɔmɛ lɛɛ nɔ ko nɔ ko li.

Mose II, 20:21

Se ma a daa si ngɛ se lokoo, nɛ Mose pɛ nɛ e hɛ lɛ kɛ su diblii kpii ɔ he ngɛ he nɛ Mawu ngɛ ɔ.

Hiob 23:14

Nɔ́ nɛ e to ha mi ɔ, lɔ ɔ e ngɛ pee ɔ nɛ; níhi kaa kikɛ nɛ ɔ babauu hu ngɛ e yi mi.

Hiob 26:9

Mawu lɛ e ngɔɔ nyɔhiɔ kɛ laa ngɛ bɔku ɔmɛ a se.

La 89:15

A gbaa nihi nɛ le bɔ nɛ a laa kɛ jaa mo. Mo Yawɛ, o maa na mɛ mɔbɔ daa.