La 97:10 - BAIBLO ALOO NGMAMI KLƆUKLƆU Ɔ

¹⁰ Yawɛ suɔ nihi tsuo nɛ hiee yayami. E baa e ni klɔuklɔu ɔmɛ a yi, nɛ e jeɔ mɛ kɛ jeɔ yiwutsotsɛmɛ a dɛ mi.

La 97:10 ပူးပေါင်းရင်းမြစ်များ

Abɛ Womi 8:13

Ke nɔ ko ke e yeɔ Yawɛ gbeye ɔ, e sa kaa e kua yayami. Hewo, he tsɔɔmi, je mi bami yaya, kɛ lakpa a, i sume.

Romabi 12:9

Suɔmi ɔ, e je nyɛ tsui mi tɔɔ. Nyɛɛ nyɛ yayami kulaa; nɛ nyɛɛ pɛtɛ nɔ́ kpakpa he.

La 145:20

Nihi tsuo nɛ suɔ Yawɛ ɔ, e baa a yi; se yiwutsotsɛmɛ lɛɛ e ma kpata a hɛ mi.

La 34:14

Jɔɔ yayami peemi, nɛ o pee kpakpa. Hla tue mi jɔmi, nɛ o nyɛɛ se.

Yeremia 15:21

Ma je mo kɛ je yiwutsotsɛmɛ, kɛ nimli yayamihi a dɛ mi. Imi, Yawɛ lɛ i de.”

Amos 5:15

Nyɛɛ hie nɔ́ nɛ dɛ blɔ. Nyɛɛ suɔ nɔ́ kpakpa, nɛ nyɛɛ hyɛ nɛ a ye dami sane ngɛ kojomi he ɔmɛ. Alini, Yawɛ Tabohiatsɛ Mawu ɔ maa na Yosef nina nɛ piɛɔ mɔbɔ.

Daniel 3:28

Kɛkɛ nɛ Nebukadnezar de ke, “A je Shadrak, Meshak kɛ Abednego mɛ a Mawu ɔ yi! E tsɔ e bɔfo ɔ kɛ ba je nimli nɛ ɔmɛ nɛ a sɔmɔɔ lɛ, nɛ a ngɔ a hɛ ngɔ fɔ e nɔ ɔ. A kua ye mlaa amɛ a nɔ yemi, nɛ a ngɔ a wami ngɔ ha. A pee enɛ ɔ, ejakaa a sume kaa a ma kpla si nɛ a sɔmɔ mawu kpa ko, pe a Mawu ɔ pɛ.

2 Tesalonikabi 3:2

Nyɛɛ sɔle, konɛ Mawu nɛ je wɔ kɛ je yiwutsotsɛmɛ, kɛ nimli yayamihi a dɛ mi; ejakaa pi nɔ tsuaa nɔ nɛ heɔ yeɔ.

Abɛ Womi 2:8

Yawɛ buu dami sane yeli a he, nɛ e baa e ni klɔuklɔu ɔmɛ a yi.

La 31:23

Nyɛɛ suɔ Yawɛ, nyɛ e ni klɔuklɔuhi tsuo! Yawɛ baa nihi tsuo nɛ yeɔ lɛ anɔkuale ɔ a yi, se he nɔ woli lɛɛ e gblaa a tue bɔ nɛ sa mɛ.

1 Yohane 5:18

Wa le kaa nɔ tsuaa nɔ nɛ ji Mawu bi ɔ, e bua jɔɛ yayami peemi he. Ejakaa Mawu Bi ɔ baa e yi, nɛ Abosiami na we e he blɔ.

1 Yohane 4:19

Wa suɔ Mawu, ejakaa lɛ nɛ suɔ wɔ kekle.

1 Petro 1:5

Mawu ngɔ ní nɛ ɔmɛ ngɔ ha nyɛ nihi nɛ nyɛ heɔ lɛ Mawu ɔ yeɔ, nɛ́ e kɛ e he wami ɔ ngɛ nyɛ he bue ɔ. Mawu pee klaalo kaa e ma he nyɛ yi wami nyagbe be ɔ mi.

Yakobo 2:5

Ye nyɛmimɛ nɛ i suɔ, nyɛɛ bu tue. Tse nyɛ le kaa nihi nɛ je ɔ buu mɛ ohiatsɛmɛ ɔ, mɛ Mawu hla a. Akɛnɛ a heɔ Yesu yeɔ ɔ, nimli nɛ ɔmɛ ba pee mumi mi niatsɛmɛ, nɛ matsɛ yemi ɔ nɛ Mawu wo si ha nihi nɛ suɔ lɛ ɔ ba pee a nɔ.

Daniel 6:27

E jeɔ e ma a kɛ jeɔ haomi mi; e heɔ e ma a yi wami. E peeɔ okadihi kɛ nyakpɛ níhi ngɛ hiɔwe kɛ zugba a nɔ. E je Daniel kɛ je jatahi a dɛ mi, nɛ a nyɛ we nɛ a gbe lɛ.”

Kpojemi 13:8

Nihi tsuo nɛ ngɛ je ɔ mi ɔ ma ja lɛ. Ni nɛmɛ nɛ a ngma a biɛ kɛ wo hɛ kali a womi ɔ mi loko a bɔ je ɔ, mɛ pɛ lɛ a be lɛ jae. To bi ɔ nɛ a gbe ɔ nɔ́ ji jamɛ a womi ɔ.

Yakobo 1:12

Nɔ nɛ ke a ngɛ lɛ kae ɔ, e toɔ e tsui si, nɛ e ngmɛɛ we e hemi kɛ yemi he ɔ, á gbaa lɛ. Ejakaa ke e nyɛ gblee ka a mi ɔ, neneene wami nɛ Mawu wo si kaa a ma ha nihi nɛ suɔ lɛ ɔ, e nine maa su nɔ.

1 Korintobi 8:3

Se nɔmlɔ nɛ suɔ Mawu ɔ, Mawu le lɛ.

Yesaya 45:17

Se Israel ma a lɛɛ Yawɛ ma he a yi wami kɛ maa ya neneene; e be hae nɛ a hɛ mi ma pue si kɔkɔɔkɔ.’ ”

Abɛ Womi 3:7

Koo bu o he ní lelɔ; moo ye Yawɛ gbeye, nɛ o tu yayami nya fo.

La 125:3

Yiwutsotsɛmɛ be nihi nɛ peeɔ nɔ́ nɛ da a a zugba nɔ yee daa, ke pi ja a, dali po maa pee yayami.

La 119:163

I sume lakpa kulaa, i hiee lɛ; se o mlaa lɛɛ i suɔ.

La 91:14

Bɔ nɛ Mawu ngɛ dee ji nɛ ɔ nɛ: “Nɔ nɛ suɔ mi, nɛ e le ye biɛ Yawɛ ɔ, ma he e yi wami, nɛ ma bu e he.

1 Petro 1:8

Nyɛ nɛ́ lɛ hyɛ, se nyɛ suɔ lɛ; amlɔ nɛ ɔ hu nyɛ nɛ́ lɛ, se nyɛ heɔ lɛ yeɔ, nɛ nyɛ naa bua jɔmi nɛ nyɛ nyaa bɔ nɛ e be hie kalemi,

Romabi 7:24

Hyɛ kaa ye ní ngɛ mɔbɔ! Ye nɔmlɔ tso ɔ miɔ nɛ e ma kpata ye hɛ mi. Mɛnɔ ma he ye yi wami kɛ je nɔmlɔ tso nɛ kɛ nɔ yaa gbenɔ mi nɛ ɔ dɛ mi?

Romabi 7:15

Nɔ́ nɛ i tsuɔ ɔ, i li. Nɔ́ nɛ i suɔ kaa ma pee ɔ, i pee we lɔ ɔ; se nɔ́ nɛ i sume ɔ, lɔ ɔ mohu i peeɔ.

Daniel 6:22

Ye Mawu ɔ tsɔ e bɔfo ɔ, nɛ e ba má jata amɛ a nya, nɛ a yi mi awi. Mawu pee nɔ́ nɛ ɔ, ejakaa e le kaa i pee we nɔ́ ko nɔ́ ko nɛ dɛ; e le kaa mo nɛnɛ hu, i tɔ we o nɔ.”

La 119:104

O mlaa a jeɔ nile ha mi, lɔ ɔ he ɔ, i hiee je mi bami yaya.

La 101:3

I be yi wu tso níhi a he susue. Nihi nɛ kua Mawu ɔ, i kɛ mɛ be bɔe. A ní peemi níhi muɛ ye hɛ.

La 36:4

Ke e hwɔ si ɔ, nɔ́ yayami he ga lɛ e toɔ. E kpa we yayami peemi ɔ, e pee we nɔ́ kpakpa hulɔ.

La 121:7

Yawɛ maa bu o he kɛ je yayami tsuo mi; e maa baa o yi.

Amos 5:14

Nyɛɛ pee nɔ́ kpakpa, se pi nɔ́ yayami, konɛ nyɛ yi nɛ na wami. Ke nyɛ pee ja a, Yawɛ Tabohiatsɛ Mawu ɔ kɛ nyɛ maa hi si saminya kaa bɔ nɛ nyɛ deɔ daa ke e kɛ nyɛ ngɛ ɔ.