La 97:1 - BAIBLO ALOO NGMAMI KLƆUKLƆU Ɔ

¹ Yawɛ ngɛ matsɛ yee! Mo je, mo nya koo! Nyɛ zugbahi tsuo nɛ wo bɔle nyɛ, nyɛ bua nɛ jɔ, nɛ nyɛ nya!

La 97:1 ပူးပေါင်းရင်းမြစ်များ

Kolosebi 1:13

E kpɔ wɔ kɛ je diblii he wami ɔ sisi, nɛ e kɛ wɔ ba e Bi nɛ e suɔ lɛ saminya a matsɛ yemi ɔ mi.

La 99:1

Yawɛ ngɛ matsɛ yee; je ma amɛ a he ngɛ doe blibliibli. E hii si ngɛ e sɛ ɔ nɔ ngɛ kerub ɔmɛ a nɔ, nɛ zugba ngɛ mimiɛe.

La 93:1

Yawɛ ngɛ matsɛ yee. E mia kɛ agboje, kɛ he wami. Ee, e ngɔ je ɔ ngɔ ma si kpɛii, nɛ a be nyɛe ma je kɛ je e blɔ he.

Kpojemi 11:17

nɛ a de ke, “Nyɔmtsɛ Mawu Ope, Mo nɛ o ngɛ amlɔ nɛ ɔ, nɛ o hi si hyɛ hulɔ ɔ, Wa naa mo si kaa o tsu o he wami kpetekpleenyɛ ɔ he ní, nɛ o bɔni matsɛ yemi!

Marko 11:10

A gbaa wa tsɛ David matsɛ yemi nɛ ma a! Mo kpɔ wɔ! Mo Hiɔwe No!”

Zefania 2:11

Yawɛ hɛ maa dɔ kɛ wo mɛ. Yawɛ ma kpata wɔ ɔmɛ tsuo a hɛ mi ngɛ zugba a nɔ, nɛ je ma amɛ, wo kpo ɔ, kɛ zugbahi nɛ wo bɔle mɛ ɔ tsuo ma ja lɛ, nɔ tsuaa nɔ ngɛ lɛ nitsɛ e zugba nɔ.

Yesaya 49:13

Nyɛ hiɔwe níhi, nyɛ la kɛ bua jɔmi! Zugba, hwɔ lele! Nyɛ yo ɔmɛ hu nyɛ la! Yawɛ maa jɔɔ e ma a bua; nihi nɛ ngɛ nɔ́ nae ɔ, e maa na mɛ mɔbɔ.

Mose I, 10:5

Nihi nɛ ngɛ wo nya zugba amɛ kɛ wo kpɔ ɔmɛ a nɔ ɔ, a nɛmɛ ji ni nɛ ɔmɛ nɛ. Yafet nina ji mɛ tsuo. A ngɛ mɛ nitsɛmɛ a zugbahi a nɔ wɛtso nya wɛtso nya, nɔ tsuaa nɔ kɛ e ma mi gbi.

Mateo 6:13

Nɛ o kɛ wɔ ko ya ka mi; se mohu, je wɔ kɛ je nɔ yayami ɔ dɛ mi.’

Mateo 6:10

O Matsɛ yemi ɔ nɛ ba; a pee nɔ́ nɛ o suɔ ngɛ zugba a nɔ kaa bɔ nɛ a peeɔ ngɛ hiɔwe ɔ.

Mateo 3:3

Yohane ji nɔ nɛ gbalɔ Yesaya de ngɛ e he ke, “Nɔ ko ngɛ ngmlaa kpae ngɛ nga a nɔ ke, ‘Nyɛɛ je blɔ kɛ ha Nyɔmtsɛ ɔ; nyɛ ha e blɔ ɔ nɛ da tlɔmɔɔ.’ ”

Obadia 1:21

Yerusalem manye yeli ɔmɛ ma ya tua Edom, nɛ a maa ye ma a nɔ. Nɛ Yawɛ nitsɛ maa pee a matsɛ.” Mawu lɛ de.

Yesaya 66:19

Jamɛ a be ɔ loko a maa le kaa imi lɛ i ngɛ a tue gblae. “Se ma he a ti ni komɛ a yi wami, nɛ ma tsɔ mɛ kɛ maa ya je ma amɛ a ngɔ, kɛ zugbahi a nɔ ngɛ tsitsaa lokoo, he nɛ a nui ye we agbo jemi, kɛ ye he wami kpetekpleenyɛ ɔ he ngɛ lolo. Ma tsɔ mɛ Spania, Libia, Lidia he nɛ kɛ̃ɛ̃ tsɛ̃li kpakpahi ngɛ ɔ, Tubal, kɛ Hela. A ma ya fiɛ ngɛ je ma nɛ ɔmɛ a mi ke Mawu kpetekpleenyɛ ji mi.

Yesaya 60:9

Spania lɛhi nɛ a nyɛɛ hɛ mi kɛ je tsitsaa wo se zugbahi a nɔ kɛ ma a nɛ. A ngɔ bimɛ kɛ ma we. A hɛɛ sika tsu, kɛ sika hiɔ kɛ ma, konɛ a kɛ ba ha Israel Mawu klɔuklɔu ɔ, nɛ a kɛ wo Yawɛ hɛ mi nyami. Ejakaa e wó e ma a nɔ gojoo ngɛ je ma amɛ tsuo a hɛ mi.

Yesaya 51:5

Ma ba esɔesɔ, konɛ ma ba he a yi wami. Ye kunimi yemi be ɔ su ta. Imi nitsɛ ma ye je ma amɛ a nɔ. Wo nya zugba amɛ ngɛ mi mlɛe, a ngɔ a hɛ ngɔ fɔ ye nɔ kɛ ngɛ mi blɔ hyɛe kaa ma ba he a yi wami.

Yesaya 49:1

Nyɛ wo nya mahi, nyɛɛ bu tue, Nyɛ je mahi nɛ nyɛ ngɛ se lokoo, nyɛ ta tue! Yawɛ hla mi loko a fɔ mi. Benɛ i ngɛ ye nyɛ mi mi lokoo nɛ e wo ye biɛ ta.

Yesaya 42:4

E kɔni mi be jɔ̃e, nɛ pɔ be lɛ tɔe kɛ yaa si dami sane yemi ma he si ngɛ je ɔ mi tsuo. Zugbahi nɛ ngɛ tsitsaa lokoo ɔ po maa hyɛ lɛ blɔ nɛ e ba wo mɛ ga.”

Yesaya 41:5

“Nihi nɛ a ngɛ wo nya ma amɛ a mi ɔ na nɔ́ nɛ i tsu ɔ, nɛ a ye gbeye; je ɔ tsuo mimiɛ. Lɔ ɔ he ɔ, mɛ tsuo a bua a he nya nɛ a ba.

Yesaya 11:11

Jamɛ a ligbi ɔ, Nyɔmtsɛ ɔ ma tsu ní kɛ he wami; e maa kpale e ma mi bi ɔmɛ nɛ piɛ ngɛ zugba nɛ ɔmɛ a nɔ ɔ kɛ maa ba we ekohu. A maa je Asiria, Egipt, Patros, Sudan, Elam, Babilonia, Hamat, kɛ mahi nɛ ngɛ wo nya a kɛ ba.

La 2:11

Nyɛ sɔmɔ Yawɛ kɛ gbeye yemi.

Zakaria 14:9

Nɛ Yawɛ maa ye tsɛ ngɛ je ɔ mi he tsuaa he. Nɔ tsuaa nɔ ma ja Mawu kake too ɔ, nɛ e biɛ pɛ a ma tsɛ.