La 94:4 - BAIBLO ALOO NGMAMI KLƆUKLƆU Ɔ

⁴ Yayami peeli maa hi munyu tue puu kɛkɛ, nɛ a maa hi fĩae kɛ yaa si mɛni be?

La 94:4 ပူးပေါင်းရင်းမြစ်များ

La 31:18

Lakpatsɛmɛ, kɛ he nɔ woli, kɛ nɔ he guɛ gbeli nɛ tuɔ munyu yaya kɛ siɔ dali ɔ, ha nɛ mɛ tsuo a ma a nya.

La 52:1

Mo katsɛ, o ngɛ dalɔ yayami pee nɛ o ngɛ fĩae. Mɛni he je? Mawu suɔmi ɔ ngɛ daa.

Daniel 7:25

E maa tu munyu ngɔ si Hiɔwe No ɔ, nɛ e maa wa ni klɔuklɔu ɔmɛ yi mi. E ma hla kaa e tsake a Mawu jami mlaa amɛ, kɛ a nyami be ɔmɛ; nɛ a maa ngɔ ni klɔuklɔu ɔmɛ kɛ wo e dɛ jeha etɛ kɛ fa.

La 140:3

A lilɛ ngɛ kaa sinɔ duɔtsɛ nɔ́. A munyu ngɛ kaa sanga duɔ.

Mateo 12:34

Nyɛ sinɔhi a nina! Nyɛ nimli yayamihi! Kɛ nyɛ maa pee kɛ tu munyu kpakpa kɛɛ? Ejakaa nɔ́ nɛ hyi tsui mi tɔ ɔ, lɔ ɔ nya deɔ.

Mateo 12:24

Benɛ Farisi bi ɔmɛ nu he ɔ, a de ke, “Mumi yayamihi a tsɛ Beelzebul ɔ biɛ mi pɛ nyumu nɛ ɔ ngɛ mumi yayami ɔmɛ hiae ngɛ ɔ nɛ.”

Daniel 8:11

Hiɔwe tabo ɔ ganɔ ɔ nitsɛ po, koli nɛ ɔ bui lɛ fɛɛ. Daa ligbi bɔ nɛ a sãã ngɔ haa lɛ ɔ, koli nɛ ɔ tsi nya. Yawɛ we ɔ hu, koli ɔ ble lejɛ ɔ.

Daniel 7:11

Benɛ i ngɛ nɔ́ nɛ ɔ hyɛe ɔ, i nu nɛ koli nyafii ɔ ngɛ munyu tue putɛputɛɛ kɛ mwɔɔ. Tlukaa a, a gbe lohwe eywiɛne ɔ; a tsɔtslɔɔ e mi, nɛ a sake lɛ ngɔ fɔ la a mi.

Daniel 7:8

Benɛ i ngɛ koli ɔmɛ hyɛe kɛ mwɔɔ ɔ, tlukaa a, koli wayo ko ba hia kpo ngɛ koli ɔmɛ a kpɛti. Koli wayo nɛ ɔ hia kolihi nɛ ngɛ lejɛ ɔ momo ɔ etɛ kɛ pue si. Nɔmlɔ adesa hɛngmɛhi ngɛ koli wayo nɛ ɔ he, kɛ nya hu nɛ ngɛ munyu tue putɛputɛɛ.

Yeremia 18:18

Kɛkɛ nɛ ma a de ke, “Nyɛ ha nɛ waa to Yeremia he ga. Daa nɛ ɔ, wa ma na osɔfohi nɛ maa tsɔɔ wɔ ní. Wa ma na ní leli nɛ maa wo wɔ ga, kɛ gbali nɛ ma ha wɔ Mawu sɛ gbi. Ke wa to ga nɛ ɔ, pi lɔ ɔ nɛ ma ha nɛ ní nɛ ɔmɛ a se maa po. Nyɛ ha nɛ waa po sane ngɔ fɔ e nɔ, nɛ waa jɔɔ e munyu ɔmɛ tue bumi.”

Abɛ Womi 30:14

Ni komɛ sisiɔ ohiatsɛmɛ, kɛ nihi nɛ a ní ngɛ mɔbɔ, nɛ a kpɔɔ níhi ngɛ a dɛ. Bɔ nɛ jamɛatsɛmɛ ɔmɛ peeɔ kɛ yeɔ ní ji nɛ ɔ nɛ.

La 59:12

Munyuhi nɛ jeɔ a nya a, yayami sɔuu, nɛ a hlaa kaa a wo a he nɔ. Lɔ ɔ he ɔ, ba mɛ si! Akɛnɛ a gbiɛɛ nɔ, nɛ a yeɔ lakpa he je ɔ, ha nɛ a he nɔ womi ɔ nɛ pee klama nɛ du mɛ.

La 59:7

Mɛ lɛ a ngɛ ngmlaa kpae hoo ngɛ lejɛ ɔ nɛ; a ngɛ huãe kɛ ngɛ pɛe ke, “Mɛnɔ maa nu wa he?”

Samuel I, 2:3

Nyɛ kpa fiami munyu puu tumi; he nɔ womi munyu nɛ ko je nyɛ nya mi. Yawɛ ji Mawu nɛ le níhi tsuo, nɛ e kojoɔ nɔ́ tsuaa nɔ́ nɛ nimli peeɔ.

Hiob 20:5

yiwutsotsɛ hɛ mi nyami ɔ, e se kɛ we; nɛ nɔmlɔ nɛ li Mawu ɔ, e bua jɔmi peeɔ kuku kɛkɛ.

La 125:5

Nihi nɛ a blɔ ɔmɛ dɛ ɔ, Yawɛ maa gbla a kɛ yayami peeli tsuo a tue. He jɔmi nɛ hi Israel.