La 92:2 - BAIBLO ALOO NGMAMI KLƆUKLƆU Ɔ

² Daa mɔtu ɔ, á tu o suɔmi nɛ ngɛ daa a he munyu; daa nyɔ mi hu, á fiɛ kaa o yeɔ anɔkuale.

La 92:2 ပူးပေါင်းရင်းမြစ်များ

Yohane 1:17

Mawu ha wɔ mlaa kɛ gu Mose nɔ, se dloomi kɛ anɔkuale gu Yesu Kristo nɔ kɛ ba.

Yesaya 63:7

Ma gba Yawɛ suɔmi nɛ ngɛ daa a he sane. Ní kpakpahi tsuo nɛ e ha wɔ ɔ he ɔ, ma je e yi. E gbaa Israel ma a babauu; ejakaa Yawɛ mɔbɔ nami, kɛ e suɔmi be nyagbe.

La 42:8

Piani ɔ, Yawɛ maa na mi mɔbɔ, konɛ nyɔ mi ɔ, ma la nɛ ma fa kue ha lɛ Mawu, ye yi baalɔ ɔ.

Ni Tsumi 16:25

Maa pee nyɔ mi kpɛti ɔ, Paulo kɛ Sila ngɛ sɔlee, nɛ a ngɛ lae kɛ ngɛ Mawu yi jee nɛ pamitsɛmɛ kpa amɛ ngɛ a he nue.

La 71:15

Ligbi mluku ɔ tsuo ma wo o ta kaa o yeɔ dami sane; ma de daa ke yi wami helɔ ji mo. Pohu níhi nɛ o peeɔ ɔ hiɛ babauu pe bɔ nɛ ye juɛmi maa su he hulɔ.

La 145:2

Ma na mo si daa ligbi, nɛ ma je o yi kɛ maa ya neneene.

Hiob 35:10

Se Mawu nɛ bɔ mɛ ɔ, nɔ nɛ baa a yi nyɔ mi tete po ɔ, lɛɛ nɔ ko hla we e se blɔ.

La 77:2

Benɛ i ngɛ haomi mi ɔ, i hla Nyɔmtsɛ se blɔ. Nyɔ mi ɔ, i wo ye nine nɔ kɛ ya hiɔwe, nɛ i sɔle nɛ ye kɔni gbo we. I na we bua jɔmi ko kulaa.

Kronika I, 25:1

Matsɛ David kɛ asafoatsɛmɛ ɔmɛ ngɔ ní tsumi pɔtɛɛ komɛ ngɔ ha Levi weku nɛ ɔmɛ: Asaf, Heman, kɛ Yedutun. A ní tsumi ji a gba, nɛ a fia saku kɛ ngmlɛ ngɔ to he. Nihi nɛ a hla a, kɛ ní tsumihi pɔtɛɛ nɛ a ngɔ wo a dɛ ɔ ji nɛ ɔmɛ nɛ:

La 9:3

Benɛ ye he nyɛli ɔmɛ kpale a se ɔ, a nɔɔ si nɛ a gbo ngɛ o hɛ mi.

La 101:1

Yawɛ, ma la kɛ je o yi kɛ tsɔɔ kaa mɔbɔ nalɔ, kɛ dami sane yelɔ ji mo.

La 147:1

Nyɛ je Yawɛ yi! E hi kaa a la kɛ je wa Mawu ɔ yi; ejakaa dloolɔ ji lɛ, nɛ e sa kaa a la kɛ je e yi.