La 92:14 - BAIBLO ALOO NGMAMI KLƆUKLƆU Ɔ

¹⁴ A ngɛ kaa tsohi nɛ woɔ yiblii ngɛ a bwɔmi be mi tete po, tsohi nɛ ngɛ flɔflɔɔflɔ, nɛ́ nyu tɛ a mi gblegbleegble.

La 92:14 ပူးပေါင်းရင်းမြစ်များ

Hiob 17:9

Se bɔ tsuaa bɔ nɛ pee ɔ, dalɔ hii e blɔ nɔ kɛ̃. Nɔmlɔ nɛ yayami ko be e he ɔ, e naa he wami he ekohu.

La 1:3

E ngɛ kaa tso nɛ a du ngɛ pa tue, nɛ woɔ yiblii ngɛ be nɛ sa mi. E bahi gbli we gblegbleegble. E yeɔ manye ngɛ nɔ́ tsuaa nɔ́ mi.

La 71:18

Lɔ ɔ he ɔ, amlɔ nɛ ɔ nɛ i bwɔ, nɛ ye yi mi hiɛ futaa kɛ mua a, Mawu, ko kua mi! O kɛ mi nɛ hi si kɛ yaa si ma sɛɛ nyakpɛ ní nguanguahi nɛ o tsu ɔ kɛ ha yi nɔhi nɛ maa ba ngɛ se ɔ.

Abɛ Womi 4:18

Blɔ nɛ dali nyɛɛɔ nɔ ɔ ngɛ kaa mɔtu pu la nɛ ngɛ kpɛe hluu kɛ yaa si piani.

Yesaya 46:4

Imi nɔuu ji nyɛ Mawu nɛ maa hyɛ nyɛ nɔ kɛ ya su be nɛ nyɛ maa wa nɛ nyɛ maa puɛ mua. Imi lɛ i bɔ nyɛ; ma baa nyɛ yi; ma piɛ nyɛ he, nɛ ma he nyɛ yi wami.

Yeremia 17:8

Jamɛatsɛ ɔ ngɛ kaa tso nɛ a du ngɛ pa tue nɛ je sipoku kɛ wo nyu mi. Ke sa pu ba a, e yi gbeye, ejakaa e ba amɛ hii mumumumu flɔflɔɔflɔ kɛ mwɔɔ. Ke nyu hwɔ ba hu, e yi kɔmɔ, ejakaa e woɔ yiblii kɛ mwɔɔ.

Ezekiel 47:12

Tso slɔɔtoslɔɔtohi maa bɔ ngɛ pa a nya hiɛ kɛ pa a se tsuo. Tso ba amɛ be nglae, nɛ a yiblii ɔmɛ hu be tae. Nyɔhiɔ tsuaa nyɔhiɔ ɔ, a maa wo yiblii he; ejakaa nyu nɛ a naa a, Yawɛ we ɔ mi a naa kɛ jeɔ. Tso ɔmɛ ma ha niye ní babauu, nɛ a ba amɛ ma ba pee tsopa nɛ a kɛ ma tsa ma a.”

Mateo 3:10

Amlɔ nɛ ɔ, gbiɛ ɔ fɔɔ si ngɛ tso sipoku ɔmɛ a nɔ momo; tso tsuaa tso nɛ wui yiblii kpakpa a, a maa po, nɛ a ma sake ngɔ fɔ la mi.

Filipibi 1:11

Kristo Yesu nitsɛ ma ha nyɛ ma na subai nɛ hi saminya ngɛ nyɛ wami si himi mi, konɛ a wo Mawu hɛ mi nyami, nɛ a je e yi.

Yuda 1:12

Ke nimli nɛ ɔmɛ ba futu nyɛ kɛ ngɛ suɔmi niye ní yee ɔ, a woɔ ní ɔ he mu. A yeɔ ní tsuatsuaatsua nɛ a susuu we ni kpahi a he. A ngɛ kaa bɔku nɛ nyu be mi nɛ kɔɔhiɔ ngɛ lɛ fiae kɛ bee. A ngɛ kaa tsohi nɛ ní kpami be po a nɛ yiblii ngɛ a nɔ; tsohi nɛ gbo, nɛ a hia mɛ kɛ sipoku tsuo ngɔ fɔ si.