La 92:10 - BAIBLO ALOO NGMAMI KLƆUKLƆU Ɔ

¹⁰ O ha nɛ i na he wami kaa pu mi na. O gbaa mi kɛ bua jɔmi babauu.

La 92:10 ပူးပေါင်းရင်းမြစ်များ

La 23:5

O ngmɛɔ mi okplɔɔ ngɛ he nɛ ye he nyɛli tsuo maa na mi. O pɔɔ ye yi mi nu, nɛ o woɔ ye kplu ɔ nɛ e hyiɔ banebane.

La 89:17

Mo lɛ o haa nɛ a yeɔ kunimi nguahi. Mo lɛ o naa wɔ mɔbɔ loko wa yeɔ manye.

La 45:7

O suɔ nɔ́ nɛ da, se yayami lɛɛ o hĩɔ; enɛ ɔ he je ɔ, o Mawu ɔ wo mo matsɛ, nɛ e ha mo bua jɔmi pe matsɛmɛ ɔmɛ tsuo.

2 Korintobi 1:21

Mawu ji nɔ nɛ peeɔ waa kɛ nyɛ tsuo anɔkuale Kristo se nyɛɛli. Mawu nitsɛ lɛ hla wɔ ngɔ to,

La 75:10

E maa ba nimli yayamihi a he wami ɔ si; se nimli kpakpahi lɛɛ e ma ha nɛ a na he wami kɛ bɔ he.

1 Yohane 2:20

Se nyɛɛ lɛɛ, Kristo ha nyɛ Mumi Klɔuklɔu ɔ, nɛ lɔ ɔ he ɔ, nyɛ tsuo nyɛ le anɔkuale ɔ.

La 112:9

E keɔ ohiatsɛmɛ ní kɛ jeɔ e tsui mi faa. E naa mɔbɔ daa. E hɛ mi maa ba nyami, nɛ a maa bu lɛ.

Samuel I, 2:10

A ma kpata Yawɛ he nyɛli ɔmɛ a hɛ mi pɛsɛpɛsɛ; hiɔwe ma si wo mɛ. Yawɛ maa kojo je ɔ tsuo; e kɛ he wami ma ha e matsɛ ɔ, nɛ e ma ha matsɛ nɛ a pɔ lɛ nu ɔ maa ye kunimi.”

La 89:24

Ma suɔ lɛ, ma ye lɛ anɔkuale, nɛ ma ha e maa ye kunimi daa.

Samuel I, 2:1

Hana sɔle nɛ e de ke, “Yawɛ ha ye tsui mi hyi kɛ bua jɔmi; hyɛ bɔ nɛ ye bua jɔ ha ngɛ nɔ́ nɛ e pee ɔ he! I muɔ ye he nyɛli ɔmɛ; ye bua jɔ ye he, ejakaa Mawu ye bua mi!

Mose IV, 24:8

Benɛ Mawu je lɛ kɛ je Egipt kɛ ma a, e he wami ngɛ kaa pu mi na ku he wami. Ma je li ɔmɛ nɛ ji e he nyɛli ɔmɛ ɔ, e maa ye mɛ tsuatsuaatsua; e maa ywia a wu ɔmɛ mɔnyɔmɔnyɔ, nɛ e kɛ e kɛ̃ɛ̃ mi bi ɔmɛ maa gbɔ a mi mi kɛ ya pa si.

La 132:17

Ma pee David nina kake matsɛ agbo ngɛ hiɛmɛ nɛ ɔ; ma to lɛ si kaa nɔ nɛ imi nitsɛ i hla, nɛ i wo lɛ matsɛ.

Mose IV, 23:22

Mawu ji nɔ nɛ je mɛ kɛ je Egipt. Israel he wami ngɛ kaa na ku he wami.

La 148:14

E to e ma a sisi kɛ he wami saminya. lɔ ɔ he ɔ, e ma a tsuo ngɛ e yi jee; e ma a ji Israel, nɛ e he jua wa ha lɛ kaa nɔ́ ko. Nyɛ je Yawɛ yi!

Luka 1:69

E je kpɔlɔ kpanaa nɛ ji e tsɔlɔ David nina ha wɔ.

Manyadali 5:31

Yawɛ, ha o he nyɛli ɔmɛ tsuo a hɛ mi nɛ kpata kaa kikɛ nɛ ɔ. Se o huɛmɛ ɔmɛ lɛɛ ha nɛ a pee kaa pu nɛ ngɛ si tee kɛ he wami! Nɛ zugba a nɔ jɔ jeha nyingmi eywiɛ.

La 18:15

Yawɛ, benɛ o ké o he nyɛli ɔmɛ a yi, nɛ o kɛ abofu wo gbi ɔ, nyu dɔ ɔmɛ je kpo, nɛ je ɔ sisi tomi ɔmɛ fɔɔ si paa.

La 101:8

I kɛ yayami peeli be bɔe kɔkɔɔkɔ kɛ yaa si ma fie mɛ tsuo kɛ je Yawɛ ma a mi.

La 125:5

Nihi nɛ a blɔ ɔmɛ dɛ ɔ, Yawɛ maa gbla a kɛ yayami peeli tsuo a tue. He jɔmi nɛ hi Israel.