La 91:8 - BAIBLO ALOO NGMAMI KLƆUKLƆU Ɔ

⁸ O hɛngmɛ kɛkɛ lɛ o kɛ maa hyɛ bɔ nɛ a maa gbla yayami peeli a tue ha.

La 91:8 ပူးပေါင်းရင်းမြစ်များ

La 37:34

Ngɔɔ o hɛ ngɔ fɔ Yawɛ nɔ, nɛ o ye e mlaa amɛ a nɔ; nɛ e ma ha nɛ o nine maa su zugba a nɔ. Ke a ngɛ yayami peeli a hɛ mi kpatae ɔ, o hɛngmɛ kɛkɛ o kɛ maa hyɛ mɛ.

Malaki 1:5

Nyɛ maa na nɔ́ nɛ ɔ kɛ nyɛ nitsɛmɛ nyɛ hɛngmɛ, nɛ nyɛ ma de ke, “Yawɛ kle, nɛ zugbahi nɛ ngɛ Israel huzu ɔmɛ a se po, e ngɛ he wami ngɛ a nɔ!”

La 92:11

Ye he nyɛli ɔmɛ a hɛ mi kpata, nɛ i na kɛ ye hɛngmɛ. I nu hulɔ kɛ ye tue kaa nihi nɛ te si wo mi ɔ nɔ si.

Yesaya 3:11

Se yayami peeli lɛɛ musu tloo mɛ; yayami nɛ a pee ní kpahi ɔ, jehanɛ, a ma ngɔ pee mɛ nitsɛmɛ.

Hebribi 2:2

Sɛ gbi nɛ Mawu bɔfo ɔmɛ kɛ ba a ngɛ mi sisiisi; nɛ nɔ tsuaa nɔ nɛ gbo tue, loo e bui ɔ, a gbla e tue bɔ nɛ sa lɛ.

Mose II, 14:13

Se Mose de ma a ke, “Nyɛ ko je fɔ̃, nyɛɛ da si kaa nyumuhi, nɛ nyɛ maa na bɔ nɛ Yawɛ maa pee kɛ he nyɛ yi wami mwɔnɛ ɔ. Egipt bi ɔmɛ nɛ nyɛ ngɛ mɛ hyɛe mwɔnɛ ɔ, nyɛ be mɛ nae hu gblegbleegble.

Mose II, 14:30

Bɔ nɛ Yawɛ pee kɛ kpɔ Israel bi ɔmɛ kɛ je Egipt bi ɔmɛ a dɛ jamɛ a ligbi ɔ ji nɛ ɔ nɛ. Israel bi ɔmɛ na Egipt bi ɔmɛ nɛ a gbo kɛ pueɔ si ngɛ wo ɔ nya.