La 91:5 - BAIBLO ALOO NGMAMI KLƆUKLƆU Ɔ

⁵ O be nyɔ mi ní yayamihi, loo piani oslaa kaa kɛ̃ɛ̃ mi bi kikɛ nɛ ɔ gbeye yee.

La 91:5 ပူးပေါင်းရင်းမြစ်များ

Yesaya 43:2

Ke o haomi ɔmɛ pee kaa pa nɛ o ngɛ poe po, ma piɛ o he; o haomi ɔmɛ be nyɛe maa ye o nɔ. Ke o nyɛɛ la mi po, la a be mo sãe. Haomihi tsuo nɛ maa ba o nɔ ɔ, o maa ye a nɔ.

Hebribi 13:6

Lɛɛ nyɛ ha waa kɛ kã nɛ de ke, “Nyɔmtsɛ ɔ ji ye he piɛlɔ, i be gbeye yee. Mɛni adesa ma nyɛ maa pee mi?”

La 112:7

E yi sane yobu ko nɛ maa ba a gbeye; nɔ́ ko nɔ́ ko pue we e tsui nɔ, ejakaa e ngɔ e hɛ kɛ fɔ Yawɛ nɔ.

Abɛ Womi 28:1

Yayami peelɔ tuɔ fo be mi nɛ nɔ ko nyɛɛ we e se. Nihi nɛ peeɔ nɔ́ nɛ da a, mɛɛ lɛɛ a peeɔ kã kaa jata.

La 46:2

Lɔ ɔ he ɔ, ke zugba mimiɛ, nɛ yohi hia kɛ ya pue wo mi po, wa be gbeye yee.

Mateo 8:26

Yesu de mɛ ke, “Mɛni he je nyɛ ngɛ gbeye yee? Tsia! Nyɛ be hemi kɛ yemi pɛ!” Jehanɛ ɔ, e te da si, nɛ e nga kɔɔhiɔ ɔ, kɛ wo ɔ tsuo yi, nɛ lejɛ ɔ jɔ dii.

Matsɛmɛ II, 7:6

Yawɛ ha nɛ Siria bi ɔmɛ nububuubui ko he kaa nɔ́ nɛ tabo agbo ko hia kɛ ma, kɛ okpɔngɔhi, kɛ ta zugba lɛhi; nɛ Siria bi ɔmɛ susu kaa Israel matsɛ ɔ ya bɔ Hit bi a matsɛmɛ ɔmɛ, kɛ Egipt bi ɔmɛ a matsɛmɛ ɔmɛ apaa nɛ a ba tua mɛ.

Luka 12:39

Nyɛ na nɛ nyɛɛ le kaa ke wetsɛ ko le ngmlɛfia tutuutu nɛ julɔ ma a, e be blɔ ngmɛe nɛ julɔ ɔ ba sɛ e we ɔ mi, nɛ e ju.

Luka 12:20

Se Mawu de lɛ ke, ‘Kuasia! Nyɔ nɛ ɔ mi nɔuu i ngɛ o wami ɔ hee ngɛ o dɛ. Lɛɛ níhi nɛ o bua nya ngɔ to ɔ, mɛnɔ níhi nɛ a maa pee?’ ”

Yesaya 21:4

E pee mi kaa ye hɛ mi ngɛ mi tsitsɛɛe, nɛ ye he ngɛ doe blibliibli kɛ sawale. Jinɛ i ngɛ blɔ hyɛe kaa du nɛ bu mla, se gbeye níhi mohu nɛ je mi kɛ ba.

Lahi 3:8

A ti nɔ tsuaa nɔ mia kɛ klaate nɛ e kɛ ma fa e he ke a ma ba tua mɛ nyɔ mi.

Hiob 6:4

Mawu Ope ɔ tsɛ̃ mi kɛ̃ɛ̃, nɛ duɔ ɔ ngɛ nyɛɛe ngɛ ye he womi mi tsuo. Mawu ní gbeyegbeye ɔmɛ gba ta kɛ wo mi.