La 9:2 - BAIBLO ALOO NGMAMI KLƆUKLƆU Ɔ

² Mawu Ope, o he ɔ, ma la kɛ bua jɔmi; ma la kɛ je o yi.

La 9:2 ပူးပေါင်းရင်းမြစ်များ

La 138:1

Yawɛ, i ngɛ mo si nae kɛ ye tsui tsuo. I ngɛ lae kɛ ngɛ o yi jee ngɛ Mawu kpa amɛ a hɛ mi po.

La 26:7

Ma la sina la, nɛ ma gba nyakpɛ níhi tsuo nɛ o pee.

La 27:6

Kikɛ nɛ ɔ ma pee kɛ ye ye he nyɛli tsuo nɛ bɔle mi ɔ a nɔ kunimi. I kɛ bua jɔmi maa sã bɔ ngɛ Yawɛ we ɔ, nɛ ma la kɛ je e yi.

La 28:7

Yawɛ ji ye he bulɔ, kɛ ye yi baalɔ; e nɔ lɛ i ngɔ ye hɛ kɛ fɔ. E piɛɔ ye he, nɛ e haa mi bua jɔmi. Ma la kɛ je e yi.

La 43:4

Kɛkɛ ɔ, ma ya su o bɔ sami la tɛ ɔ he, ngɛ mo Mawu, ye bua wolɔ nitsɛnitsɛ ɔ o ngɔ. Ma fia kpa saku kɛ je o yi, mo Mawu, ye Mawu.

La 5:11

Se nihi tsuo nɛ ba saa we ngɛ o ngɔ ɔ, ha nɛ a nya, nɛ a la kɛ bua jɔmi daa. Ni nɛmɛ nɛ suɔ mo ɔ, buu a he, konɛ a na bua jɔmi ngɛ o mi.

La 7:17

Ma na Yawɛ si; ejakaa e yeɔ dami sane. Ma la kɛ je Yawɛ Hiɔwe No ɔ yi.

La 83:18

konɛ a le kaa mo Yawɛ, mo nɔ kake too lɛ o ngɛ he wami pe nɔ tsuaa nɔ ngɛ je ɔ mi tsuo.

La 86:12

Nyɔmtsɛ, ye Mawu, ma je o yi kɛ ye tsui tsuo, nɛ o he wami kpetekpleenyɛ ɔ, ma wo ta daa.

La 92:1

Yawɛ, e hi kaa a na mo si. E hi kaa a la kɛ je mo, Hiɔwe No ɔ o yi.

La 92:4

Yawɛ, o ní tsumi ɔmɛ haa mi bua jɔmi; Ma la kɛ bua jɔmi ngɛ o nine nya ní tsumi ɔmɛ a he.

La 96:3

Nyɛɛ fiɛ nɛ je ma amɛ tsuo nɛ a nu kaa Yawɛ hɛ mi ngɛ nyami, kaa e tsuɔ ní nguanguahi.

La 97:12

Nyɛ dali, nyɛ bua nɛ jɔ nyɛ he ngɛ nɔ́ nɛ Yawɛ pee ɔ he. Nyɛ kai nɔ́ nɛ Mawu klɔuklɔu ɔ pee ha nyɛ ɔ nɛ nyɛɛ na lɛ si.

La 97:9

Yawɛ, je ɔ tsuo nɔ yelɔ ji mo; o kle; mawu ko mawu ko kɛ mo sɔɛ.

Daniel 5:18

“Nɛnɛ, Mawu nɛ ngɛ hiɔwe lokoo ɔ pee o tsɛ Nebukadnezar matsɛ ngua, nɛ e ha lɛ he wami kɛ hɛ mi nyami.

Filipibi 4:4

Kaa nihi nɛ ngɛ Nyɔmtsɛ ɔ mi ɔ, nyɛ bua nɛ jɔ daa! I ngɛ dee ekohu ke, nyɛ bua nɛ jɔ!