La 9:17 - BAIBLO ALOO NGMAMI KLƆUKLƆU Ɔ

¹⁷ Nimli yayamihi, kɛ mahi tsuo nɛ a hɛ je Mawu nɔ ɔ, a nyagbe ji gbenɔ.

La 9:17 ပူးပေါင်းရင်းမြစ်များ

La 50:22

“Nyɛ nihi tsuo nɛ nyɛ hɛ je imi Mawu, ye nɔ ɔ, nyɛ susu nɔ́ nɛ ɔ he saminya. Ke pi ja a, ma tsɔtslɔɔ nyɛ, nɛ nɔ ko nɔ ko be nɛ ma kpɔ nyɛ.

Hiob 8:13

Nimlihi nɛ a hɛ je Mawu nɔ ɔ, a ngɛ kaa ngɔwu nɛ ɔmɛ pɛ. Ke o li Mawu ɔ, o be hɛ nɔ kami ko.

Kpojemi 21:8

Se fɔ̃li, nihi nɛ he we yi, nihi nɛ peeɔ níhi nɛ a hiee, nɔmlɔ gbeli, yaholi, nyuali, wɔ jali, kɛ lakpatsɛmɛ tsuo lɛɛ he nɛ fɔɔ si ha mɛ ji taku kɛ e mi la nɛ ngɛ tsoe gegeege ɔ. Lɔ ɔ ji gbenɔ enyɔne ɔ nɛ.”

Yeremia 18:15

Se ye ma a lɛɛ, a hɛ je ye nɔ; a sãã tsopa kɛ e he via kɛ haa amagahi. A je blema blɔ kpakpa amɛ a nɔ, nɛ a ya ngɛ lakpa blɔhi a nɔ nyɛɛe. A nyɛɛ we gbɛjegbɛ ɔmɛ a nɔ hu; nane blɔhi a nɔ mohu lɛ a ngɛ nyɛɛe.

Yeremia 13:25

Yawɛ de to ke nɔ́ nɛ maa ba nyɛ nɔ ji nɛ ɔ nɛ. Bɔ nɛ e to nɛ e maa pee nyɛ ji nɛ ɔ nɛ, ejakaa nyɛ hɛ je e nɔ nɛ nyɛ ngɔ nyɛ hɛ ya fɔ lakpa níhi a nɔ.

Yeremia 2:32

Anɛ yiheyo hɛ maa je e june nɔ lo? Anɛ ayɛflo hɛ maa je e tade nɔ lo? Se ye ma a lɛɛ a hɛ je ye nɔ ligbi babauu nɛ e be hie kanemi.

Kpojemi 20:15

Nɔ tsuaa nɔ nɛ a nɛ kaa a ngma e biɛ ngɛ hɛ kali a womi ɔ mi ɔ, kɛkɛ a hɛ lɛ ngɔ fɔ taku kɛ e mi la nɛ ngɛ tsoe gegeege ɔ mi.

Yesaya 5:14

Hwɔ ngɛ gbeje yee, nɛ e gbɛ e nya mi hatoo nɛ e maa mii mɛ. E ngɛ Yerusalem odehe ɔmɛ, kɛ ni gu ɔmɛ nɛ a ngɛ hoo pee ɔ tsuo miie si kake too.

Yesaya 3:11

Se yayami peeli lɛɛ musu tloo mɛ; yayami nɛ a pee ní kpahi ɔ, jehanɛ, a ma ngɔ pee mɛ nitsɛmɛ.

Abɛ Womi 14:32

Yayami peelɔ ɔ, lɛ nitsɛ e ní yayamihi nɛ ngɔɔ lɛ kɛ woɔ haomi mi. Se nɔmlɔ kpakpa lɛɛ gbenɔ mi tete po e ngɛ hɛ nɔ kami.

La 106:13

Se e kɛ we kulaa nɛ a hɛ je níhi tsuo nɛ e pee ha mɛ ɔ nɔ; nɛ a bui e ga womi tue hu.

La 49:14

a ma gbo kaa to gboɔ; gbenɔ maa ngɔ mɛ kɛ ya gbeje tɔɔ. Se ni nɛmɛ nɛ peeɔ nɔ nɛ da a maa ye yayami peeli a nɔ; yayami peeli a nɔmlɔ tso ɔ ma puɛ kulaa, nɛ gbeje maa pee a hi he.

La 44:20

Kaa pe wa hɛ je mo, wa Mawu ɔ o nɔ, nɛ wa ya ja ma se mawu ko ɔ,

Hosea 2:13

Ma gbla Gomer tue ngɛ níhi nɛ e pee be ko ɔ a he. Ke pee ɔ, Gomer ma dla e he saminyayoo kɛ nguɛ ní, kɛ june kpakpa, nɛ e ma ya sã tsopa kɛ e he via ha Baal. E ma dla e he saminyayoo kikɛ nɛ ɔ, nɛ e ma ya hi e pla amɛ a nɔ kpae; kɛkɛ ɔ, e hɛ maa je ye nɔ pɛsɛpɛsɛ. Ma gbla e tue ngɛ ní nɛ ɔmɛ a he. Yawɛ lɛ de.

Yeremia 3:21

Ngmlaa ko ngɛ pɛe ngɛ yoku kpataa amɛ a nɔ; Israel bi lɛ a wo yana, nɛ a ngɛ kue fae; ejakaa a pee yayami, nɛ a hɛ je Yawɛ, a Mawu ɔ nɔ.

La 44:17

Ní nɛ ɔmɛ tsuo ba wa nɔ, se kɛ̃ ɔ, wa hɛ ji o nɔ, nɛ somi nɛ o kɛ wɔ so ɔ hu wa tɔ̃ we nɔ.

Hiob 5:13

Ke ní leli tsɔ nihi klama a, lɛ nɛ e haa klama amɛ fɛɔ yaka nɛ a puɛ we ní.

Abɛ Womi 5:22

Yiwutsotsɛ ɔ, lɛ nitsɛ e he yayamihi nɔuu lɛ maa du lɛ klama; e he yayami kpa amɛ nɔuu a kɛ maa fi lɛ.

Ezekiel 22:16

O hɛ mi ma pue si ngɛ je ma amɛ a hɛ mi; se moo lɛɛ, o ma na maa le kaa imi ji Yawɛ.”