La 89:3 - BAIBLO ALOO NGMAMI KLƆUKLƆU Ɔ

³ O de ke, “I kɛ nɔ nɛ i hla lɛ ɔ so somi ko. I ka ye tsɔlɔ David kita ke,

La 89:3 ပူးပေါင်းရင်းမြစ်များ

La 132:11

Yawɛ, kita nɛ o ka David nɛ o be o nya se kpalee ji, “Ma wo o bimɛ ɔmɛ a ti nɔ kake matsɛ, nɛ e maa ye tsɛ ngɛ o se.

Ni Tsumi 2:30

Gbalɔ ji lɛ, nɛ si nɛ Mawu wo lɛ ɔ, e le. Mawu wo David si kaa e ma ha e nina ma ba ye tsɛ kaa bɔ nɛ lɛ David ɔ ye tsɛ ɔ.

La 89:28

Ma suɔ lɛ, nɛ ma na lɛ mɔbɔ daa; somi nɛ i kɛ lɛ so ɔ se be poe gblegbleegble.

Matsɛmɛ I, 8:16

‘Kɛ je be nɛ i je ye ma Israel kɛ je Egipt ɔ, i hla we ma ko ma ko kɛ ji Israel wɛtso ko mi nɛ a po we ha mi nɛ a ja mi ngɛ lejɛ ɔ. Se i hla mo David, nɛ o ye ye ma, Israel ɔ nɔ.’ ”

Samuel II, 23:5

Kikɛ nɛ ɔ Mawu maa gbaa ye weku kɛ nina. Mawu kɛ mi so neneene somi, somi nɛ a be mi poe gblegbleegble. Nɔ́ nɛ i ngɛ hlae ɔ pɛ ji nɛ ɔ nɛ; e maa pee ye kunimi yemi, nɛ Yawɛ ma ha nɛ e ba mi.

Hebribi 7:21

Se Yesu lɛɛ, Mawu ka kita nɛ e kɛ wo lɛ osɔfo. Mawu de lɛ ke, “I ngɛ mo kita kae, nɛ i be ye nya se kpalee. ‘Osɔfo ji mo kɛ yaa neneene.’ ”

Hosea 3:5

Se pee se ɔ, Israel bi ɔmɛ maa kpale kɛ ba a ma a mi ekohu; a ma ba hla Yawɛ, a Mawu ɔ, kɛ David nɛ ji matsɛ ɔ nina se blɔ ekohu. Jamɛ a be ɔ, a maa ye Yawɛ gbeye, nɛ a ma na nike ní kpakpahi kɛ je e dɛ mi.

Yesaya 55:3

“Ye ma, nyɛ ta tue, nɛ nyɛɛ ba ye ngɔ; nyɛɛ ba ye ngɔ, konɛ nyɛ yi nɛ na wami. I kɛ nyɛ maa so somi ko nɛ maa hi si kɛ maa ya neneene; nɛ gbaami nɛ i wo David si ke ma ha e nina a, ma kɛ ha nyɛ.

Samuel II, 3:9

Yawɛ wo David si kaa e ma kpɔ matsɛ yemi ɔ ngɛ Saul kɛ e weku kɛ nina a dɛ, nɛ e maa to David matsɛ sɛ ɔ si, konɛ e ye Israel kɛ Yuda tsuo a nɔ kɛ maa je Dan kɛ yaa si Beersheba. Lɔ ɔ he ɔ, ke i ha we nɛ nɔ́ nɛ ɔ nɛ ba mi ɔ, lɛɛ Mawu nɛ fia mi nɔ́ nɛ e gbe!”

Mateo 3:17

Kɛkɛ nɛ gbi ko je hiɔwe de ke, “Imi nitsɛ ye bi nɛ i suɔ ji nɛ ɔ nɛ! Ee, i ngɛ e he bua jɔmi saminya.”

Yeremia 30:9

Se mohu, a ma sɔmɔ imi Yawɛ, a Mawu ɔ, kɛ David nina ko nɛ ma wo matsɛ ha mɛ ɔ.

La 89:39

Somi nɛ o kɛ o tsɔlɔ ɔ so ɔ, o je se; o sake e matsɛ pɛɛ ɔ ngɔ fɔ zugba, nɛ o ble lɛ.

La 78:70

E hla e tsɔlɔ David hulɔ; e je lɛ kɛ je to lɛmi he ɔ.

Yesaya 42:1

Yawɛ ke, “Ye tsɔlɔ, nɔ nɛ i kplɛɛ we nɔ́ ngɛ e he ɔ, lɛ ji nɛ ɔ nɛ. Nɔ nɛ i hla nɛ i suɔ e sane ɔ, lɛ ji nɛ ɔ nɛ. I ngɔ ye mumi ɔ kɛ wo e mi, nɛ e maa ye dami sane kɛ kojo je ma amɛ tsuo.

La 89:19

Be ko ɔ, o kɛ o tsɔli klɔuklɔu ɔmɛ tu munyu ngɛ nina mi, nɛ o de mɛ ke, “I fi katsɛ ko jlasi. I ngɔ matsɛ sɛ ɔ kɛ ha nɔ ko nɛ i hla kɛ je ma mi bi ɔmɛ a kpɛti.

Manyadali 2:1

Yawɛ bɔfo ɔ je Gilgal kɛ ba Bokim, nɛ e ba de Israel ma a ke, “I je nyɛ kɛ je Egipt, nɛ i kɛ nyɛ ba zugba nɛ i wo nyɛ nɛmɛ ɔmɛ si ke ma ha mɛ ɔ nɔ. I de ke, ‘Somi nɛ i kɛ nyɛ so ɔ, i be se jee gblegbleegble.