La 88:6 - BAIBLO ALOO NGMAMI KLƆUKLƆU Ɔ

⁶ O sake mi kɛ fɔ yɔkɔ ɔ mi he nɛ kuɔ pe kulaa a. O sake mi kɛ fɔ muɔ voo kɛ e mi diblii kpii ɔ mi.

La 88:6 ပူးပေါင်းရင်းမြစ်များ

La 69:15

Ko ha nɛ nyu kpekpemi ɔ nɛ sa mi kɛ ho, loo ma tlɔ nyu ɔ sisi, loo ma ya sɛ muɔ voo ɔ mi, nɛ e ba ma e nya nɛ e mi mi.

La 86:13

O na mi mɔbɔ be babauu; gbeje tete po lɛ o je mi kɛ je.

Yohane 12:46

Imi lɛɛ i ba je ɔ mi kaa la, konɛ nɔ tsuaa nɔ nɛ heɔ mi yeɔ ɔ, e ko hi diblii ɔ mi.

Kɔmɔ Yemi 3:2

E tsɛ̃ mi ngɔ wo diblii kpii mi, nɛ la ko la ko be lejɛ ɔ.

La 143:3

Ye he nyɛlɔ ɔ nyɛɛ ye se nɛ e ma kpata ye hɛ mi. E fia mi nɔ́ wawɛɛ, nɛ e tsɛ̃ ye yi se ngɔ wo diblii kpii mi; i pee kaa nɔ ko nɛ gbo momoomo.

La 40:2

E gbla mi kɛ je muɔ nɛ mi ngɛ gbeye ɔ mi; e je mi kɛ je mɔsɔ nɛ mi ti ɔ mi. E ngɔ mi kɛ ma tɛ sa nɔ, nɛ e ha nɛ ye nane ma si ekohu.

Yuda 1:13

A ngɛ kaa wo mi oslɔke nɛ ngɛ kue hamahama, nɛ a zo ní ɔmɛ je kpo paa kaa hwɔli. A ngɛ kaa dodoehi nɛ ngɛ si bɔlee kɛ ngɛ yae kɛ ngɛ bae; nimli nɛ ɔmɛ ɔ, Mawu dla he ko ngɔ to mɛ momo ngɛ gbogboehi a je diblii nɛ mi ti ɔ mi.

Yuda 1:6

Nyɛ kai Mawu bɔfohi nɛ hɛɛ blɔ nya sa a, nɛ pee se ɔ, a tsɔ atuã kɛ je mɛ nitsɛmɛ a si himi he ɔ. Amlɔ nɛ ɔ, a kɛ kɔsɔkɔsɔ fi mɛ, nɛ Mawu ngɔ mɛ ngɔ to gbogboehi a je ngɛ diblii nɛ mi ti mi. Lejɛ ɔ nɛ a maa hi hluu kɛ yaa si ligbi ngua a maa su, nɛ a maa kojo mɛ.

Kɔmɔ Yemi 3:55

“I fa kue ha mo, Yawɛ kɛ je muɔ ɔ sisi tɔɔ.

Abɛ Womi 4:19

Yayami peeli lɛɛ a blɔ nɔ woɔ diblii kpii kaa nyɔ mi. A tɛɔ nɔ́ nɛ a nɔɔ si, se a li nɔ́ nɛ ji.

La 130:1

Yawɛ, i ngɛ kue fae ha mo, ejakaa ye yi fi wawɛɛ nitsɛ.

Mose V, 32:22

Ye mi mi fumi nya maa wa wawɛɛ kaa la nɛ ngɛ tsoe; e maa sã nɔ́ tsuaa nɔ́ ngɛ je ɔ mi kɛ ya su gbeje tɔɔ; e maa sã yo ɔmɛ a sisi tomi ɔmɛ hulɔ.

Yona 2:4

E pee mi kaa nɔ́ nɛ a je mi we nɛ i be o sɔlemi we klɔuklɔu ɔ nae hu.