La 88:4 - BAIBLO ALOO NGMAMI KLƆUKLƆU Ɔ

⁴ A bu mi ngɔ piɛ nihi tsuo nɛ a miɔ nɛ a ma gbo ɔ a he. Ye he wami ta.

La 88:4 ပူးပေါင်းရင်းမြစ်များ

La 28:1

Yawɛ, mo nɛ o faa ye he; i ngɛ mo tsɛe, moo bu mi tue koo! Ke o pui ye nya mi ɔ, lɛɛ ma pee kaa nihi nɛ ngɛ gbeje ɔ a ti nɔ kake.

2 Korintobi 1:9

Wa na paa kaa peepee ta wa he, nɛ gbenɔ ji nɔ́ nɛ fɔɔ si ha wɔ. Se nɔ́ nɛ ɔ ba mi, konɛ wa ko ngɔ wa hɛ kɛ fɔ wɔ nitsɛmɛ wa nɔ, se mohu waa ngɔ wa he kɛ fɔ Mawu nɔ. Ejakaa lɛ nɛ e tleɔ ni gbogboehi si.

La 143:7

Yawɛ, he mi nɔ esɔ koo! Ye hɛ kɛ nɔ fɔmi tsuo miɔ nɛ e ta. Koo ngɔ o he kɛ laa mi; ke pi ja a, i kɛ gbogboe ɔmɛ ngɛ gbeje maa sɔ.

La 31:12

Nɔ tsuaa nɔ hɛ je ye nɔ; nɔ ko nɔ ko kaii we mi hu. I pee kaa nɔ nɛ gbo, aloo buɛ nɛ ywia.

2 Korintobi 13:4

E ngɛ mi kaa benɛ a sɛu Kristo ɔ, e gbɔjɔ lɛɛ, se Mawu he wami ɔ nya a, e ba wami mi ekohu. Wɔ hu akɛnɛ waa kɛ Kristo pee kake ɔ, waa gbɔjɔɔ, se Mawu he wami nya a, wa ma nyɛ ma tsu nɔ́ nɛ sa nɛ waa kɛ nyɛ nɛ tsu ɔ.

Romabi 5:6

Ejakaa be nɛ sa mi, be mi nɛ peepee ta wa he ɔ, jamɛ a be ɔ Kristo ba gbo ngɛ yayami peeli a he.

Yona 2:6

I kple si kɛ ho yo ɔmɛ a sisi tomi he ɔ ya tɔɔ, kɛ ya gbeje, he nɛ a sa ye yi wo kɛ yaa neneene. Se mo Yawɛ, ye Mawu, o je mi kɛ je kikɛmɛ a muɔ nɛ ɔ mi hɛ ngmengmle.

Ezekiel 26:20

O ma kple si kɛ ya su gbeje nitsɛ, he nɛ blematsɛmɛ ɔmɛ nɛ a be je mi hu ɔ ngɛ ɔ. Lejɛ ɔ o kɛ mɛ maa hi ngɛ blema níhi nɛ a kpata a hɛ mi ɔ a mi ngɛ je ɔ sisi tɔɔ. Kɛkɛ ɔ, o be nyɛe maa pee ma nɛ nɔmlɔ adesa maa hi mi ngɛ je nɛ ɔ mi hu!

La 30:9

Ke i gbo nɛ a pu mi ɔ, mɛni se o ma na? Anɛ zu ma nyɛ ma je o yi lo? O we anɔkuale yemi ɔ, anɛ zu ma nyɛ maa ye he odase lo?

Hiob 17:1

Ye wami be ɔ ta; i nyɛ we nɛ i ngɛ mumi woe. Amlɔ nɛ ɔ lɛɛ nɔ́ nɛ ngɛ mi mlɛe ji yɔkɔ.

Yesaya 53:3

Wa gbe e he guɛ, nɛ wa kua lɛ. E na nɔ́, nɛ e pi wawɛɛ nitsɛ. Nɔ ko nɔ ko plɛ we nɛ e hyɛ lɛ; wa gbe e he guɛ, nɛ wa bui lɛ saasaa.

Kɔmɔ Yemi 3:15

E ha nɛ i na amanehlu nɛ nya wa. Ye we amanehlu ɔ ngɛ kaa agba ngɛ ye nya mi.