La 86:9 - BAIBLO ALOO NGMAMI KLƆUKLƆU Ɔ

⁹ Nyɔmtsɛ, je ma amɛ tsuo nɛ o bɔ ɔ ma ba kpla si ngɛ o hɛ mi, nɛ a ma je o he wami kpetekpleenyɛ ɔ yi.

La 86:9 ပူးပေါင်းရင်းမြစ်များ

Kpojemi 15:4

Nyɔmtsɛ, nihi tsuo maa wo o hɛ mi nyami! Nihi tsuo ma de ke o kle; ejakaa mo pɛ ji nɔ klɔuklɔu. Nihi tsuo nɛ ngɛ je ɔ mi ɔ maa ba nɛ a ma ba ja mo; ejakaa dami sane nɛ o ngɛ yee ɔ, nɔ tsuaa nɔ na paa!”

Yesaya 66:23

Nyɔhiɔhe nyami be tsuaa Nyɔhiɔhe nyami be, kɛ Hejɔɔmi ligbi tsuaa Hejɔɔmi ligbi ɔ, nimli adesahi nɛ ngɛ je ma amɛ tsuo a mi ɔ ma ba ja mi ngɛ Yerusalem.” Yawɛ lɛ de.

La 66:4

Nihi tsuo nɛ ngɛ je ɔ mi jaa mo, a laa kɛ jeɔ o yi, a jeɔ o biɛ ɔ yi!”

Kpojemi 11:15

Jehanɛ ɔ, bɔfo kpaagone ɔ kpa e titimati ɔ, nɛ i nu gbihi nɛ ngɛ pɛe wawɛɛ ngɛ hiɔwe ke, “Amlɔ nɛ ɔ, wa Nyɔmtsɛ ɔ kɛ e Kristo ɔ nɛ a ngɛ je ɔ nɔ yee. Nɛ a maa ye matsɛ kɛ maa ya neneene!”

La 102:15

Je ma amɛ tsuo maa ye Yawɛ gbeye. Zugba a nɔ matsɛmɛ ɔmɛ tsuo maa ye e hɛ mi nyami ɔ gbeye.

Yesaya 43:7

Imi nitsɛ ye ma ji mɛ; nɛ i bɔ mɛ, konɛ a wo ye hɛ mi nyami.’ ”

Romabi 15:9

E pee ja, konɛ ma je li ɔmɛ tete nɛ a wo Mawu hɛ mi nyami, ejakaa e na mɛ hu mɔbɔ. Kaa bɔ nɛ ngmami ɔ deɔ ɔ, “Enɛ ɔ he ɔ, ma je o yi ngɛ ma je li ɔmɛ a kpɛti, Nɛ ma wo o biɛ ta kɛ la.”

Romabi 11:25

Ye nyɛmimɛ, anɔkuale laami sane ko ngɛ nɛ i suɔ kaa nyɛɛ le, bɔ nɛ pee nɛ nyɛ ko susu kaa nyɛ hɛ mi lɛ tɛ̃. Sane ɔ ji kaa Israel bi ɔmɛ ɔ, pe a ha a wa tue be kuku kɛkɛ kɛ yaa si ma je li ɔmɛ tsuo ma ba le Mawu.

Zakaria 14:9

Nɛ Yawɛ maa ye tsɛ ngɛ je ɔ mi he tsuaa he. Nɔ tsuaa nɔ ma ja Mawu kake too ɔ, nɛ e biɛ pɛ a ma tsɛ.

Yesaya 59:19

Kɛ je beleku je kɛ yaa su bonyoku je ɔ, nɔ tsuaa nɔ maa ye Yawɛ gbeye. E maa ba kaa pa nɛ hia; e maa ba kaa ahumi nɛ hia kɛ ma.

Yesaya 11:9

Nɔ ko nɔ ko be e nyɛmi awi yee ngɛ ye yo klɔuklɔu ɔ nɔ, nɛ nɔ ko nɔ ko be e nyɛmi hɛ mi kpatae. Ejakaa zugba a tsuo maa le Yawɛ kaa bɔ nɛ wo hyi tɔ kɛ nyu ɔ.

La 102:18

A maa ngma nɔ́ nɛ ɔ kɛ to ha yi nɔ bi nɛ maa ba ngɛ se, konɛ nihi nɛ a na we nɛ a fɔ mɛ lolo ɔ nɛ a ba je Yawɛ yi.

La 72:19

A je e biɛ klɔuklɔu ɔ yi kɛ ya neneene! A wo e hɛ mi nyami ngɛ je ɔ mi tsuo! Amen! Amen!

La 67:7

Mawu gbaa wɔ; je ɔ tsuo nɛ a ye lɛ gbeye!

Kpojemi 20:3

Kɛkɛ nɛ e hɛ lɛ ngɔ fɔ muɔ voo ɔ mi, nɛ e nga sinya ngɔ wo e yi, nɛ e sɔu muɔ ɔ nya, konɛ e hi lejɛ ɔ jeha akpe. Jamɛ a be ɔ, e be nyɛe maa sisi je ma amɛ hu. Jeha akpe ɔ se ɔ, a maa pɛne lɛ be bɔɔ ko.

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

Efesobi 1:12

Lɔ ɔ he ɔ, wɔ nɛ wa ji kekleekle nihi nɛ wa ngɔ wa hɛ ngɔ fɔ Kristo nɔ ɔ, nyɛ ha wa je Mawu yi kaa e hɛ mi ngɛ nyami.

La 72:8

É ye tsɛ kɛ je wo nya hiɛ kɛ ya su wo nya hiɛ, kɛ je Yufrate pa a nya kɛ ya su je ɔ nyagbe he ɔmɛ!

Kronika II, 6:33

moo nu e pɛɛ kpami ɔ ngɛ o hi he ɔ ngɛ hiɔwe, nɛ o pee nɔ́ nɛ e ngɛ hlae ɔ ha lɛ, konɛ nimli tsuo nɛ ngɛ je ɔ mi ɔ nɛ a le mo, nɛ a bu mo kaa bɔ nɛ o ma, Israel buu mo ɔ. Kɛkɛ ɔ, a maa le kaa we nɛ ɔ nɛ i po ɔ, o biɛ ngɛ he.

Zefania 3:9

“Jamɛ a be ɔ, ma ha je ma amɛ gbi nɛ he tsɔ. Mɛ tsuo a maa fa kue ha imi Yawɛ, nɛ a maa pee a nya kake kɛ sɔmɔ mi.

Malaki 1:11

Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.