La 86:3 - BAIBLO ALOO NGMAMI KLƆUKLƆU Ɔ

³ Nyɔmtsɛ, naa mi mɔbɔ; ejakaa mo lɛ i faa kue kɛ haa daa ligbi.

La 86:3 ပူးပေါင်းရင်းမြစ်များ

La 57:1

Mawu, naa mi mɔbɔ oo, naa mi mɔbɔ! Ejakaa o ngɔ lɛ i saa we ngɛ. Ma laa ye he ngɛ o pɛli ɔmɛ a sisi ngɛ hɔ̃ ɔ mi kɛ yaa si hɛ mi kpatami nɛ nya wa nɛ ɔ se maa po.

Efesobi 6:18

Nyɛɛ sɔle kɛ kpa Mawu pɛɛ kaa bɔ nɛ mumi ɔ maa tsɔɔ nyɛ. Enɛ ɔ he ɔ, nyɛɛ bu mumi ɔ tue, konɛ nyɛ mia nyɛ hɛ mi kɛ kpa pɛɛ ha ni klɔuklɔu ɔmɛ daa.

La 88:9

Aywilɛho sɔuu ha nɛ ye hɛngmɛ nɔ ha. Yawɛ, i tsɛɔ mo daa nɛ; i woɔ ye nine nɔ, nɛ i faa kue kɛ haa mo daa.

La 25:5

Tsɔɔ mi nɛ ma hi si ngɛ o we anɔkuale ɔ nya, ejakaa mo Mawu ɔ ji ye yi wami helɔ. Daa nɛ ɔ, o nɔ lɛ i ngɔɔ ye hɛ kɛ fɔɔ.

Luka 2:37

nɛ e ba pee yalɔyo hluu kɛ ya si e ye jeha nyingmi kpaanyɔ kɛ eywiɛ. Yo nɛ ɔ nane pui ngɛ sɔlemi we ɔ; nyɔ kɛ pia tsuo e ngɛ Mawu jae kɛ hwɔ hami, kɛ kue fami.

La 56:1

Mawu lee, naa mi mɔbɔ, ejakaa nimli adesahi ngɛ mi yi mi wae; ye futsɛmɛ ngɛ mi haoe daa ligbi.

La 55:17

Mɔtu, piani, kɛ nyɔ mi tsuo i ngɛ kɔmɔ yee, nɛ i ngɛ kɛmɛe; e maa bu mi tue kɛ̃.

La 4:1

Ye Mawu nɛ faa ye he, moo bu ye kue fami ɔ tue koo! Be ko nɛ ye yi fi ɔ, mo lɛ o ba je mi. Naa mi mɔbɔ koo, nɛ o bu ye pɛɛ kpami ɔ tue.

Luka 18:7

Yoo, lɛɛ nihi nɛ Mawu nitsɛ hla a, ke a fa kue ha lɛ nyɔ kɛ pia a, anɛ e be mɛɛ a sane yee ha mɛ lo? Anɛ e maa to tsle hluu loko e ma ba piɛ a he lo?

La 41:5

Ye he nyɛli ɔmɛ tuɔ ye he munyu yaya. A deɔ ke, “Mɛni be po e ma gbo nɛ e biɛ maa laa?”

La 88:2

Moo bu ye kue fami ɔ tue koo, nɛ o pee ye hiami ní ɔmɛ ha mi.

La 88:10

Anɛ ni gbogboehi lɛ o peeɔ nyakpɛ ni kɛ haa lo? Anɛ gbogboehi maa te si, nɛ a ma je o yi lo?