La 86:12 - BAIBLO ALOO NGMAMI KLƆUKLƆU Ɔ

¹² Nyɔmtsɛ, ye Mawu, ma je o yi kɛ ye tsui tsuo, nɛ o he wami kpetekpleenyɛ ɔ, ma wo ta daa.

La 86:12 ပူးပေါင်းရင်းမြစ်များ

Mose V, 6:5

Nyɛɛ suɔ Yawɛ, nyɛ Mawu ɔ kɛ nyɛ tsui tsuo, kɛ nyɛ klaa tsuo, kɛ nyɛ he wami tsuo.

Romabi 15:6

Kɛkɛ ɔ, nyɛ tsuo nyɛ maa pee kake, nɛ nyɛɛ kɛ gbi kake nɛ wo Mawu, wa Nyɔmtsɛ Yesu Kristo Tsɛ ɔ hɛ mi nyami.

1 Korintobi 6:20

Mawu hé nyɛ kɛ jua wawɛ. Lɔ ɔ he ɔ, nyɛɛ ngɔ nyɛ nɔmlɔ tso ɔ kɛ wo Mawu hɛ mi nyami.

Efesobi 5:19

Nyɛɛ kɛ nyɛ sibi nɛ sɛɛ munyuhi nɛ ngɛ saku fiami, yi jemi, kɛ mumi mi la amɛ a mi ɔ a he ní. Nyɛɛ fia saku, nɛ nyɛ la kɛ je nyɛ tsui mi tɔɔ nɛ nyɛ kɛ je Nyɔmtsɛ ɔ yi.

1 Korintobi 10:31

Lɔ ɔ he ɔ, nɔ́ tsuaa nɔ́ nɛ nyɛ ngɛ pee ɔ, ní nyɛ ngɛ yee jio, ní nyɛ ngɛ nue jio, nyɛɛ pee lɛ tsuo kɛ wo Mawu hɛ mi nyami.

Yesaya 12:1

Jamɛ a ligbi ɔ, nyɛ ma la ke, “Yawɛ i ngɛ o yi jee! Be ko ɔ, o mi mi fu mi, se jehanɛ lɛɛ mo nitsɛ o ngɛ mi bua woe, ejakaa o mi mi fumi ɔ se po.

La 104:33

Ma la kɛ je Yawɛ yi ye wami be ɔ tsuo. Be mi nɛ i ngɛ je mi kɛ mwɔɔ ɔ, ma la kɛ je ye Mawu ɔ yi.

La 9:1

Yawɛ, ma na mo si kɛ ye tsui tsuo; ma sɛɛ nyakpɛ níhi nɛ o pee ɔ.

Kronika I, 29:13

Lɔ ɔ he ɔ, wa Mawu, wa ngɛ mo si nae, nɛ wa ngɛ o biɛ nɛ hɛ mi ngɛ nyami ɔ yi jee.

La 34:1

Ma na Yawɛ si daa; ma la kɛ je e yi be tsuaa be.

Kronika I, 29:20

Jehanɛ, David de ma kpekpemi ɔ ke, “Nyɛ je Yawɛ, nyɛ Mawu ɔ yi!” Kɛkɛ nɛ ma kpekpemi ɔ tsuo je Yawɛ a nɛmɛ a Mawu ɔ yi. A kpla si nɛ a ja Yawɛ, nɛ a wo matsɛ ɔ hu hɛ mi nyami.

Ni Tsumi 8:36

Benɛ a ngɛ blɔ ɔ nɔ kɛ yaa a, a ya su he ko nɛ nyu ngɛ; kɛkɛ nɛ sɔmɔlɔ nɔkɔtɔma a de ke, “O nɛ nyu; mɛni maa tsi ye sɔlemi nya?” [

La 9:2

Mawu Ope, o he ɔ, ma la kɛ bua jɔmi; ma la kɛ je o yi.