La 85:3 - BAIBLO ALOO NGMAMI KLƆUKLƆU Ɔ

³ O mi mi la nɛ nya wa a se po, nɛ o mi mi fu we wɔ hu.

La 85:3 ပူးပေါင်းရင်းမြစ်များ

Kronika II, 6:39

bu a kue fami ɔ tue. Moo nu ngɛ o hi he ɔ ngɛ hiɔwe, nɛ o na mɛ mɔbɔ, nɛ o ngɔ o ma a he yayami ɔmɛ ngɔ pa mɛ.

La 106:23

Benɛ Mawu de ke e ma kpata e ma a hɛ mi ɔ, e tsɔlɔ Mose nɛ e hla a nɛ da mi ha ma a. Mose lɛ jɔɔ Mawu abofu ɔ he, loko e kpataa we ma a hɛ mi ɔ nɛ.

La 78:38

Se akɛnɛ mɔbɔ nalɔ ji Mawu he je ɔ, e ngɔ a he yayami ɔ ngɔ pa mɛ, nɛ e kpataa we a hɛ mi. Behi fuu ke e mi mi miɔ nɛ e ma fu, kɛkɛ e tsi nya amlɔ.

Mose II, 32:22

Aaron he nɔ ke, “Ye nyɔmtsɛ, o mi mi nɛ ko fu mi. Mo nitsɛ o le nimli nɛ ɔmɛ kaa nɔ́ yaya peemi he a nyaa.

Yesaya 12:1

Jamɛ a ligbi ɔ, nyɛ ma la ke, “Yawɛ i ngɛ o yi jee! Be ko ɔ, o mi mi fu mi, se jehanɛ lɛɛ mo nitsɛ o ngɛ mi bua woe, ejakaa o mi mi fumi ɔ se po.

Yesaya 40:1

Bɔ nɛ wa Mawu ɔ ngɛ dee ji nɛ ɔ nɛ: “Nyɛɛ jɔɔ ye ma a bua! Ee, nyɛɛ jɔɔ ye ma a bua!

Yesaya 40:2

Nyɛɛ wo Yerusalem ma a bua. Nyɛ de nɛ a nu kaa jehanɛ lɛɛ a nɔ́ nami babauu ɔ se po, nɛ a ngɔ a he yayami ɔmɛ ngɔ pa mɛ. I gbla a tue saminya ngɛ a tɔmi ɔmɛ tsuo a he.”

Yesaya 6:7

E ngɔ la ngu hɛuu ɔ ngɔ sa ye nya he nɛ e de ke, “Hyɛ, nɛ nɔ́ nɛ ɔ sa o nya he nɛ ɔ, a ngɔ o he yayami ɔmɛ ngɔ pa mo, nɛ piami ko be o he hu.”

Yeremia 50:20

Ke jamɛ a be ɔ su ɔ, a ma hla kaa a maa na Israel he yayami ko lo, se a be nae. Yuda hu a be yi wu tso nɔ́ ko nae ngɛ he e, ejakaa ni nɛmɛ nɛ i he a yi wami ɔ, ma ngɔ a he yayami ɔmɛ kɛ pa mɛ. Imi, Yawɛ lɛ i de.”

Ezekiel 16:63

Ma ngɔ o he yayami ɔmɛ tsuo kɛ pa mo; se kɛ̃ ɔ, o ma kai yayami ɔmɛ, nɛ zo maa gbe mo kpɔtɔɔ. Ma ngɔ tɔmi ɔmɛ tsuo kɛ pa mo, nɛ e maa pee mo nyakpɛ; o be nyɛe maa pa o nya mi tete po ngɛ zo ní nɛ o tsu ɔ he.” Nyɔmtsɛ Yawɛ lɛ de.

Yona 3:9

kaa alini Mawu ma tsake e yi mi tomi; kaa alini Mawu mi mi fumi ɔ nya maa ba si, nɛ wa hɛ mi be kpatae.”

Mika 7:19

O maa na wɔ mɔbɔ ekohu. O kɛ o nane maa naa wa ní yayami ɔmɛ a nɔ, nɛ o maa muɔ kɛ ya wo wo mi, kɛ yaa su wo ɔ sisi tɔɔ!

Yohane 1:29

E nɔ jena a, Yohane na Yesu nɛ ma e ngɔ. Kɛkɛ nɛ e de ke, “Hyɛ, Mawu To Bi ɔ nɛ woɔ je ɔ he yayami kɛ yaa a, lɛ ji nɛ ɔ nɛ.

Mose V, 13:17

Nyɛ ko ngɔ níhi nɛ a ma kpata a hɛ mi ɔ eko kɛ to ha nyɛ he. Kɛkɛ ɔ, Yawɛ mi mi nɛ fu nyɛ wawɛɛ ɔ nya maa ba si, nɛ e maa na nyɛ mɔbɔ. E maa na nyɛ mɔbɔ, nɛ e ma ha nyɛ he maa hiɛ babauu kaa bɔ nɛ e wo nyɛ nɛmɛ ɔmɛ si ɔ.

Mose V, 32:43

“Je mahi lee, nyɛ je Yawɛ ma a yi; nihi tsuo nɛ gbee e ma a, Yawɛ gblaa a tue. E yeɔ lue ngɛ e he nyɛli ɔmɛ a nɔ, nɛ e kɛ e ma a he yayami paa mɛ.”