La 85:12 - BAIBLO ALOO NGMAMI KLƆUKLƆU Ɔ

¹² Niinɛ, Yawɛ ma ha wɔ ní kpakpahi, nɛ wa zugba a maa ba ní bɔ nɛ sa.

La 85:12 ပူးပေါင်းရင်းမြစ်များ

La 67:6

Zugba a ba ní saminya. Mawu gbaa wɔ, wa Mawu ɔ gbaa wɔ.

La 72:16

Zugba a nɛ ba ní saminya, nɛ a na blɛfo babauu ngɛ yo ɔmɛ tsuo pɛpɛɛpɛ a nɔ. Á na tso yiblii saminya kaa bɔ nɛ a naa ngɛ Lebanon ɔ. Ma amɛ a mi nɛ hyi tɔ kɛ nimli adesahi kaa nga.

La 84:11

Yawɛ Mawu ji wa pu kɛ wa tsɛ̃i. E naa wɔ mɔbɔ, nɛ e woɔ wa hɛ mi nyami. Nihi nɛ peeɔ nɔ́ nɛ da a, e ha we nɛ nɔ́ ko hiaa mɛ.

Yesaya 32:15

Se wɔ lɛɛ, Mawu ma ha wɔ e mumi ɔ kɛ je hiɔwe ekohu, nɛ wa ma na niye ní babauu kɛ je ngmɔ ɔmɛ a mi.

Yesaya 45:8

Hiɔwe tsuo, nyɛ ha nɛ dami sane yemi nɛ kple si kɛ ba; é nɛ kɛ pue si kaa bɔ. Nyɛ ha nɛ dami sane yemi nɛ pue si kɛ je bɔku ɔmɛ a mi; é nɛ kɛ pue si kaa hiɔmi. Zugba a hu nɛ bli e nya, konɛ yi wami hemi nɛ bɔni kpo jemi; enɛ ɔ kɛ dami sane yemi tsuo maa je kpo paa si kake. Imi Yawɛ lɛ i ha enɛ ɔ ba mi.”

Mose III, 25:19

Zugba a maa ba ní, nɛ nyɛ maa ye ní nɛ nyɛ maa tɔ; nɛ nyɛ maa hi zugba a nɔ ngɛ he jɔmi mi.

Mose III, 26:4

ma ha hiɔmi maa nɛ ngɛ e be mi; zugba a maa ba ní babauu, nɛ tso ɔmɛ maa wo yiblii.

Mika 6:8

Dɛbi! Yawɛ tsɔɔ wɔ nɔ́ nɛ hi. Nɔ́ nɛ e ngɛ hlae ngɛ wa dɛ kɛkɛ ji kaa waa ye dami sane, nɛ waa na mɔbɔ, nɛ waa ba wa he si ha wa Mawu ɔ.

Zakaria 8:12

Ma ha tue mi jɔmi maa ba zugba a tsuo nɔ. Hiɔmi maa nɛ; zugba a maa ba ní, nɛ wai tso ɔmɛ maa wo yiblii. Ma ngɔ ní nɛ ɔmɛ tsuo kɛ ha nihi nɛ maa piɛ ngɛ zugba a nɔ.

Mateo 13:23

Se wu nɛ ya pue zugba kpakpa nɔ ɔ lɛɛ e daa si ha nihi nɛ nuɔ sɛ gbi ɔ, nɛ a kɔɔ se hulɔ. Mɛ ji ni nɛmɛ nɛ woɔ yiblii ɔ, ni komɛ lafa, ni komɛ nyingmi ekpa, kɛ ni komɛ hu nyingmi etɛ.”

Mateo 13:8

Se ekomɛ hu ya pue zugba kpakpa nɔ, nɛ tso ɔmɛ wo yiblii, ekomɛ lafa, ekomɛ nyingmi ekpa, kɛ ekomɛ hu nyingmi etɛ.”

Ni Tsumi 2:41

Nihi babauu he e sɛ gbi ɔ ye, nɛ a sɔle mɛ. Jamɛ a ligbi ɔ, a na nimli maa pee akpe etɛ kɛ piɛ a he.

Ni Tsumi 21:20

Benɛ a bu lɛ tue kɛ ya si nyagbe ɔ, mɛ tsuo a je Mawu yi. Kɛkɛ nɛ a de lɛ ke, “Wa nyɛmi Paulo, hyɛ, Yuda bi akpe abɔ nɛ he ye nɛ ɔ, o le bɔ nɛ a fiɛ we Mose mlaa a he ha.

1 Korintobi 1:30

Se Mawu ngɔ nyɛ kɛ ba, konɛ nyɛɛ kɛ Kristo Yesu ba bɔ. E ha nɛ Kristo ba pee wa nile. Kɛ gu Kristo nɔ ɔ, Mawu pee wɔ nihi nɛ da. Wa ba plɛ pee e ma klɔuklɔu, nɛ a he wa yi wami.

Efesobi 1:3

Sina ha Mawu, wa Nyɔmtsɛ Yesu Kristo Mawu ɔ, kɛ e Tsɛ ɔ! Ejakaa nɛ wa ngɛ Kristo mi ɔ, Mawu dloo wɔ mumi mi ní kpakpahi tsuo nɛ ngɛ hiɔwe ɔ.

Yakobo 1:17

Nike ní kpakpa, kɛ níhi nɛ hi kɛ pi si nɛ wa naa yaka a, lɛ tsuo Mawu lɛ haa wɔ. Mawu lɛ bɔ pu, nyɔhiɔ, kɛ dodoehi nɛ ngɛ hiɔwe ɔ. E haa nɛ a haa wɔ la daa, nɛ lɛ nitsɛ hu e tsakee we gblegbleegble.