La 85:11 - BAIBLO ALOO NGMAMI KLƆUKLƆU Ɔ

¹¹ Adesa we anɔkuale ɔ maa je zugba kɛ ya hiɔwe; nɛ Mawu dami ɔ maa hyɛ zugba a kɛ je hiɔwe.

La 85:11 ပူးပေါင်းရင်းမြစ်များ

Yohane 14:6

Yesu he nɔ ke, “Imi ji blɔ ɔ, imi ji anɔkuale ɔ, nɛ imi ji wami ɔ hulɔ. Nɔ ko nɔ ko yɛ Tsɛ ɔ ngɔ kaa ja e gu ye nɔ.

Yesaya 45:8

Hiɔwe tsuo, nyɛ ha nɛ dami sane yemi nɛ kple si kɛ ba; é nɛ kɛ pue si kaa bɔ. Nyɛ ha nɛ dami sane yemi nɛ pue si kɛ je bɔku ɔmɛ a mi; é nɛ kɛ pue si kaa hiɔmi. Zugba a hu nɛ bli e nya, konɛ yi wami hemi nɛ bɔni kpo jemi; enɛ ɔ kɛ dami sane yemi tsuo maa je kpo paa si kake. Imi Yawɛ lɛ i ha enɛ ɔ ba mi.”

Efesobi 1:6

E sa kaa wa je Mawu yi kaa e gu e dloomi nɛ hɛ mi ngɛ nyami ɔ nɔ ngɔ e bi nɛ e suɔ ɔ ngɔ ke wɔ yaka gu!

Luka 2:14

“Hɛ mi nyami ha Mawu ngɛ hiɔwe lokoo, nɛ he jɔmi nɛ ba zugba a nɔ ha nihi nɛ e naa a he tsui ɔ!”

Mateo 17:5

Benɛ e ngɛ munyu ɔ tue kɛ mwɔɔ ɔ, bɔku hleii ko ba ha a nɔ, nɛ gbi je bɔku ɔ mi de ke, “Ye Bi nɛ i suɔ lɛ, nɛ i naa e he tsui ji nɛ ɔ nɛ! Nyɛɛ bu lɛ tue.”

Mateo 3:17

Kɛkɛ nɛ gbi ko je hiɔwe de ke, “Imi nitsɛ ye bi nɛ i suɔ ji nɛ ɔ nɛ! Ee, i ngɛ e he bua jɔmi saminya.”

Yesaya 53:2

Yawɛ tsɔlɔ ɔ ngɛ kaa tso wayoo ko nɛ puɛ kɛ je zugba gbigbli mi. Agboje ko be e he ɔ, he fɛu hu bɔ lɛ, lɔ ɔ he ɔ, wa bui lɛ. Nɔ́ ko nɔ́ ko be e he nɛ maa pee wɔ akɔnɔ.

Yesaya 42:21

Yawɛ ji Mawu nɛ suɔ kaa e ma he o yi wami; lɔ ɔ he ɔ, e wo mlaa kpakpahi, e to blɔ nya nɛ hi saminya, nɛ e suɔ kaa e ma a nɛ ye a nɔ.

Yesaya 4:2

Be ma, nɛ Yawɛ ma ha tso tsuaa tso ngɛ zugba a nɔ ɔ maa bɔ, nɛ e maa pee fɛu. Israel bi tsuo nɛ a yi ma na wami ɔ, a bua maa jɔ, nɛ a ma na gɛjɛmi ngɛ niba ní nɛ a ma na ngɛ zugba a mi ɔ he.

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

La 72:3

Zugba a nɛ ba ní saminya, nɛ á ye dami sane ngɛ he tsuaa he.