La 85:10 - BAIBLO ALOO NGMAMI KLƆUKLƆU Ɔ

¹⁰ Mɔbɔ nami, kɛ anɔkuale kpe hɛ mi kɛ hɛ mi; dami kɛ tue mi jɔmi fua a sibi atuu.

La 85:10 ပူးပေါင်းရင်းမြစ်များ

Abɛ Womi 3:3

Koo ngmɛɛ si himi kpakpa, kɛ anɔkuale yemi he. Fi kɛ wo o kuɛ, nɛ o ngma kɛ fɔ o tsui nɔ.

La 89:14

O matsɛ yemi ɔ, dami sane yemi nɔ a to lɛ sisi kɛ fɔ. Suɔmi kɛ anɔkuale yemi jeɔ kpo ngɛ o nɔ́ tsuaa nɔ́ peemi mi.

Yohane 1:17

Mawu ha wɔ mlaa kɛ gu Mose nɔ, se dloomi kɛ anɔkuale gu Yesu Kristo nɔ kɛ ba.

La 100:5

Yawɛ hi; e naa wɔ mɔbɔ daa, nɛ e we anɔkuale ɔ ngɛ kɛ yaa neneene.

Romabi 5:21

Lɔ ɔ he ɔ, bɔ nɛ yayami ye tsɛ kɛ gu gbenɔ nɔ ɔ, ja nɔuu Mawu dloomi ɔ ngɛ tsɛ yee kɛ gu dami nɔ; nɛ kɛ gu wa Nyɔmtsɛ Yesu Kristo nɔ ɔ, wa ma na neneene wami.

La 72:3

Zugba a nɛ ba ní saminya, nɛ á ye dami sane ngɛ he tsuaa he.

Mika 7:20

Wɔ o ma, Abraham kɛ Yakob a nina a, o maa gbaa wɔ, nɛ o maa na wɔ mɔbɔ daa kaa bɔ nɛ o wo wa nɛmɛ ɔmɛ si blema lokoo ɔ.

Yesaya 45:24

“A ma de ke, ‘Yawɛ pɛ lɛ yeɔ dami sane; lɛ pɛ lɛ e ngɛ he wami.’ Se nihi tsuo nɛ sume mi ɔ, zo maa gbe mɛ.

Hebribi 7:2

Abraham hu ha lɛ ta yibu ní tsuo nɛ e na a mi mi dlami nyɔngma mi kake. Kekleekle ɔ, e biɛ Melkizedek ɔ sisi ji, “Matsɛ nɛ yeɔ dami sane.” Jehanɛ hu, Salem matsɛ ji lɛ; lɔ ɔ he ɔ, e biɛ ɔ tsɔɔ kaa e ji, “Matsɛ nɛ e kɛ tue mi jɔmi baa.”

Romabi 5:1

Amlɔ nɛ ɔ, kɛ gu hemi kɛ yemi nɔ ɔ, Mawu wo wɔ nguɔ. Lɔ ɔ he ɔ, he jɔmi ba waa kɛ Mawu wa kpɛti kɛ gu Yesu Kristo nɔ.

Luka 2:14

“Hɛ mi nyami ha Mawu ngɛ hiɔwe lokoo, nɛ he jɔmi nɛ ba zugba a nɔ ha nihi nɛ e naa a he tsui ɔ!”

Yesaya 46:13

I ha ye kunimi yemi ligbi ɔ na nyɛ haa; e be tsitsaa lokoo kulaa. Ye kunimi yemi ɔ be se kpɛe. Ma he Yerusalem yi wami, nɛ ma wo Israel hɛ mi nyami.”