La 83:4 - BAIBLO ALOO NGMAMI KLƆUKLƆU Ɔ

⁴ A ngɛ dee ke, “Nyɛ ha nɛ wa kpata ma a hɛ mi, konɛ biɛ Israel ɔ, nɔ ko kó kai hu.”

La 83:4 ပူးပေါင်းရင်းမြစ်များ

Nehemia 4:2

E de ngɛ e nyɛmimɛ, ɔmɛ kɛ Samaria ta buli ɔmɛ a hɛ mi ke, “Mɛni Yuda bi wudɔwudɔ nɛ ɔmɛ ngɛ pee nɛ ɔ? Ma a gbogbo ɔmɛ nɛ a to a yi mi kaa a maa fia ekohu lo? Anɛ a susu kaa bɔ ɔmɛ nɛ a ngɛ sãe ɔ ma ha a maa ngɔ ligbi kake pɛ kɛ gbe ní tsumi ɔ nya lo? Anɛ a ma nyɛ ma ha gli kokoehi nɛ sã pueɔ si nɛ ɔ ma plɛ pee tsu mami tɛhi lo?”

La 74:8

A to kaa a ma kpata wa hɛ mi pɛsɛpɛsɛ. Zugba a nɔ hehi nɛ a kpee ngɛ nɛ a jaa Mawu ɔ, a mɛ lɛ tsuo he la.

Mose II, 1:10

Nyɛ ha waa to a he ga, ke pi ja a, a ma ba hiɛ tsɔ pe nine, nɛ ke ta ko ba a, a ma ya piɛ wa he nyɛli ɔmɛ a he, nɛ a kɛ wɔ maa hwu, nɛ a maa tu fo kɛ je.”

Abɛ Womi 1:12

Waa mii mɛ hɛ ngmengmle kaa a yaa gbeje; waa ngɔ mɛ kaa yɔkɔ ngɔɔ gbogboe, be mi nɛ a ngɛ kpakpataa!

Yeremia 11:19

I pee kaa jijɔ nɛ he jɔ, nɛ a kɛ lɛ yaa nɛ a ya gbe, nɛ i li kaa a ngɛ ye he ga yayami ko toe. Nɔ́ nɛ a ngɛ dee ji, “Nyɛ ha nɛ waa po tso ɔ kɛ e yiblii ɔ tsuo ngɔ fɔ he; nyɛ ha nɛ waa gbe lɛ, konɛ nɔ ko nɛ ko kai lɛ hu.”

Yeremia 31:36

Yawɛ ngɛ si woe ke, be abɔ nɛ adebɔ mlaa nɛ ɔ ngɛ nɛ e se pui ɔ, ja nɔuu kɛ̃ nɛ Israel ma a hu be gue.

Yeremia 48:2

Moab hɛ mi nyami ɔ ta. He nyɛli ɔmɛ ngɔ Heshbon, nɛ a to kaa a ma kpata Moab zugba a hɛ mi. Madmen ma a hu, a ma ya tua lɛ, nɛ a ma kpata ma a hɛ mi.

Ezekiel 38:10

Bɔ nɛ Nyɔmtsɛ Yawɛ ngɛ Gog dee ji nɛ ɔ nɛ: “Ke jamɛ a be ɔ su ɔ, susumi slɔɔtoslɔɔtohi maa ba o yi mi, se ga yaya mohu o maa to.

Daniel 7:25

E maa tu munyu ngɔ si Hiɔwe No ɔ, nɛ e maa wa ni klɔuklɔu ɔmɛ yi mi. E ma hla kaa e tsake a Mawu jami mlaa amɛ, kɛ a nyami be ɔmɛ; nɛ a maa ngɔ ni klɔuklɔu ɔmɛ kɛ wo e dɛ jeha etɛ kɛ fa.

Ni Tsumi 4:17

Se kɛ̃ ɔ, bɔ nɛ pee nɛ munyu ɔ ko gbɛ fĩa fuu ko hu ngɛ ma a mi he je ɔ, nyɛ ha waa bɔ mɛ kɔkɔ ke a ko ngɔ Yesu biɛ kɛ tsɔɔ ní hu.”

Yoshua 9:2

Matsɛmɛ nɛ ɔmɛ tsuo bua a he nya, nɛ a so konɛ a kɛ Yoshua kɛ Israel nɛ hwu ta.