La 83:18 - BAIBLO ALOO NGMAMI KLƆUKLƆU Ɔ

¹⁸ konɛ a le kaa mo Yawɛ, mo nɔ kake too lɛ o ngɛ he wami pe nɔ tsuaa nɔ ngɛ je ɔ mi tsuo.

La 83:18 ပူးပေါင်းရင်းမြစ်များ

Mose I, 22:14

Abraham wo lejɛ ɔ biɛ ke, “Yawɛ ha.” Lɔ ɔ he ɔ, kɛ ba si mwɔnɛ ligbi nɛ ɔ, nihi deɔ ke, “Yawɛ haa nɔ nɔ́ ngɛ e yo ɔ nɔ.”

Matsɛmɛ I, 18:37

Moo bu mi tue, Yawɛ; moo bu mi tue, konɛ ma nɛ ɔ nɛ ná nɛ a le kaa mo, Yawɛ ji Mawu, nɛ o kpale ngɔ mɛ kɛ ma o ngɔ ekohu.”

Matsɛmɛ II, 19:19

Lɔ ɔ he ɔ, Yawɛ, wa Mawu, i kpa mo pɛɛ nɛ o kpɔ wɔ kɛ je Asiria matsɛ ɔ dɛ mi, konɛ je ma amɛ tsuo pɛpɛɛpɛ nɛ a le kaa mo Yawɛ, mo nɔ kake too ji Mawu.”

La 18:13

Jehanɛ Yawɛ ha hiɔwe si; Hiɔwe No ɔ wo gbi; gbiɛ ngo ngu nɛ, nɛ oslabai gba.

La 35:4

Nihi nɛ ngɛ hlae nɛ a gbe mi ɔ, ha nɛ zo nɛ gbe mɛ, nɛ a yi mi tomi ɔ nɛ bɔ mɛ. Ni nɛmɛ nɛ ngɛ ye yi nɔ soe ɔ, ha nɛ basabasa nɛ sɛ a kpɛti, nɛ a kpale a se.

La 59:13

Ngɔɔ mi mi la kɛ kpata a hɛ mi; ee, mo kpata a hɛ mi pɛsɛpɛsɛ, konɛ nimli adesahi tsuo nɛ a na nɛ a le kaa Mawu ngɛ matsɛ yee ngɛ Israel, nɛ e matsɛ yemi ɔ ngɛ kɛ yaa su je mi nyagbe he tɔɔ.

La 9:16

Yawɛ je e he kpo; e ye dami sane, nɛ yayami peeli a nane ya du klama a nɛ mɛ nitsɛmɛ a tsɔ ɔ.

La 9:2

Mawu Ope, o he ɔ, ma la kɛ bua jɔmi; ma la kɛ je o yi.

La 92:8

Se mo Yawɛ, moo lɛɛ o maa ye tsɛ daa.

La 97:9

Yawɛ, je ɔ tsuo nɔ yelɔ ji mo; o kle; mawu ko mawu ko kɛ mo sɔɛ.

Mose II, 6:3

I je ye he kpo tsɔɔ Abraham, Isak, kɛ Yakob kaa Mawu Ope; se ye biɛ Yawɛ ɔ lɛɛ i ha we nɛ a le.

Yesaya 42:8

“Ye biɛ ji Yawɛ; imi pɛ ji Mawu. I be ye hɛ mi nyami ɔ ngɔe kɛ ha mawu kpahi, nɛ ye yi jemi ɔ hu i be ngɔe kɛ ha amagahi.

Yesaya 5:16

Se Yawɛ Tabohiatsɛ ɔ lɛɛ nɔ́ nɛ da pɛ e peeɔ kɛ tsɔɔ e we agbo jemi; nɛ e gblaa e ma a tue kɛ tsɔɔ kaa Mawu klɔuklɔu ji lɛ.

Yesaya 54:5

O bɔlɔ ɔ ma ba pee o huno. E biɛ ji Yawɛ Tabohiatsɛ. Israel Mawu Klɔuklɔu ɔ ma he o yi wami; lɛ ji je ɔ tsuo Mawu.

Yeremia 16:21

Yawɛ ke, “Lɔ ɔ he ɔ, jehanɛ lɛɛ ma ha nɛ je ma amɛ maa na ye he wami kɛ ye kɔni si wami; a maa na kaa imi ji Yawɛ.”

Ezekiel 30:19

Ke i gbla Egipt tue wawɛɛ kikɛ nɛ ɔ, kɛkɛ ɔ, a maa le kaa imi ji Yawɛ.”

Ezekiel 38:23

Ke e ba mi kikɛ nɛ ɔ, je ma amɛ tsuo maa na kaa i kle, nɛ i ngɛ klɔuklɔu. Kɛkɛ ɔ, a maa le jehanɛ kaa imi ji Yawɛ.”

Daniel 4:25

A maa fie mo kɛ je nimlihi a kpɛti, nɛ o kɛ pu mi lohwehi ma ya hi si. O ma kpe nga kaa na, nɛ bɔ́ maa nɛɛ mo jeha kpaago. Jamɛ a be ɔ mi loko o maa le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.

Daniel 4:32

A maa fie mo kɛ je nimlihi a kpɛti; o kɛ pu mi lohwehi ma ya hi si, nɛ o ma kpe nga kaa na jeha kpaago. Jamɛ a be ɔ mi loko o maa le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.”

Mika 4:13

Yawɛ ke, “Nyɛ Yerusalem bi, nyɛɛ ya nɛ nyɛ ya gbla nyɛ he nyɛli ɔmɛ a tue! Ma ha nyɛ dade tso nyɛ, kɛ dade tso mi bihi nɛ nyɛɛ kɛ maa gbee je mahi babauu. Nyɛ ma kpata a hɛ mi, nɛ níhi nɛ a kpɔ pani nya ngɛ nihi a dɛ ɔ, nyɛ maa ngɔ kɛ ba ha imi, je ɔ tsuo Nyɔmtsɛ ɔ.” Mawu lɛ de.

Zakaria 4:14

E ya nɔ nɛ e de mi ke, “Ni nɛ ɔmɛ ji ni enyɔ nɛ a pɔ mɛ nu, nɛ a daa si ngɛ je ɔ tsuo Nyɔmtsɛ ɔ hɛ mi ɔ nɛ.”