La 82:5 - BAIBLO ALOO NGMAMI KLƆUKLƆU Ɔ

⁵ “Nyɛ li nɔ́ ko nɔ́ ko fɛɛ! Nyɛ be juɛmi! Diblii mi kɛkɛ lɛ nyɛ ngɛ nyɛɛe. Dami sane yemi se po ngɛ je ɔ mi.

La 82:5 ပူးပေါင်းရင်းမြစ်များ

Hiob 8:9

Wa wami be ɔ ngɛ kpiti; wa li nɔ́ ko nɔ́ ko; wa ngɛ kaa nini kɛkɛ nɛ bee ngɛ je ɔ mi.

La 11:3

Be mi nɛ mlaa gbo, nɛ blɔ nya tomi kpakpa be hu ɔ, mɛni dalɔ ma nyɛ maa pee?”

La 14:4

Yawɛ ngɛ bie ke, “Yayami peeli nɛ ɔmɛ ɔ, anɛ a be juɛmi lo? A ní tsumi kɛkɛ ji kaa a fia ye ma a ojo, se imi, Yawɛ lɛɛ a tsɛ we ye biɛ.”

La 53:4

Mawu ngɛ bie ke, “Ni nɛmɛ nɛ ngɛ yayami pee ɔ, a li nɔ́ lo? A ngɔ ojo fiami kɛ pee a nyangma. Se imi, a Mawu ɔ lɛɛ a ja we mi.”

La 75:3

Je ɔ kɛ e mi níhi tsuo ma mimiɛ; se imi ma ha je ɔ sisi tomi ɔmɛ maa ma si kpɛii.

La 99:1

Yawɛ ngɛ matsɛ yee; je ma amɛ a he ngɛ doe blibliibli. E hii si ngɛ e sɛ ɔ nɔ ngɛ kerub ɔmɛ a nɔ, nɛ zugba ngɛ mimiɛe.

Abɛ Womi 1:29

Ejakaa nyɛ bui nile he akɔtaa; Yawɛ hu, nyɛ yi lɛ gbeye.

Abɛ Womi 2:13

nihi nɛ gba kɛ je blɔ nɛ da nɔ kɛ ya ngɛ diblii blɔhi a nɔ nyɛɛe,

Abɛ Womi 4:19

Yayami peeli lɛɛ a blɔ nɔ woɔ diblii kpii kaa nyɔ mi. A tɛɔ nɔ́ nɛ a nɔɔ si, se a li nɔ́ nɛ ji.

Fiɛlɔ 2:14

Ní lelɔ le he nɛ e yaa; kuasia lɛɛ e li. Se kɛ̃ ɔ, amanehlu kake ɔ nɔuu lɛ baa mɛ ni enyɔ ɔmɛ tsuo a nɔ.

Fiɛlɔ 3:16

Jehanɛ hu, i kpa si kaa ngɛ je nɛ ɔ mi ɔ, he nɛ sa kaa a ye dami sane, nɛ a pee nɔ́ nɛ da ngɛ ɔ, yi wu tso níhi mohu lɛ a peeɔ ngɛ lejɛ ɔ.

Yesaya 5:7

Israel ma a ji Yawɛ Tabohiatsɛ ɔ wai ngmɔ ɔ nɛ; Yuda bi ɔmɛ ji wai tso kpakpa amɛ nɛ e du ɔ nɛ. E hyɛ blɔ kaa a maa ye dami sane, se muɔ si mohu a ngɛ puee. E hyɛ blɔ kaa a maa pee nɔ́ nɛ da, se amimi mohu a ngɛ ma a yee, nɛ nɔ́ nɛ ɔ ha ni ɔmɛ ngɛ ngmlaa kpae.

Yesaya 59:9

Bɔ nɛ ma a ngɛ dee ji nɛ ɔ nɛ: “Jehanɛ lɛɛ wa na le nɔ́ he je nɛ Mawu je we wɔ kɛ ji nihi nɛ ngɛ wɔ yi mi wae ɔ a dɛ mi. Wa hyɛɛ blɔ kaa wa ma na la kɛ nyɛɛ, se wa ná we; diblii kpii mi mohu wa nyɛɛɔ;

Mika 3:1

Nyɛ Israel ma a nɔ yeli, nyɛɛ bu tue! Nyɛ blɔ nya ji kaa nyɛɛ ye dami sane,

Yohane 12:35

Yesu he nɔ ke, “Be bɔɔ ko pɛ nɛ e piɛ nɛ la a kɛ nyɛ maa hi si kɛ yaa si. Be mi nɛ la a ngɛ nɛ ɔ, nyɛɛ nyɛɛ blɔ ɔ nɔ, konɛ diblii ɔ nɛ ko ba na nyɛ, ejakaa nɔ nɛ nyɛɛɔ diblii mi ɔ, e li he nɛ e yaa.

Yohane 3:19

Nɔ́ nɛ nɔ nɛ a da kɛ bu mɛ fɔ ji nɛ ɔ nɛ: la a ba je ɔ mi, se adesa suɔ diblii ɔ mohu pe la a, ejakaa a peeɔ yayami.

Romabi 1:28

Jehanɛ ɔ hu, akɛnɛ nimli nɛ ɔmɛ bui a he kaa e sa mɛ kaa a leɔ Mawu ɔ, Mawu hu ngmɛɛ a he ngɔ ha juɛmi nɛ sɛ́, konɛ a pee níhi nɛ sɛ́.

2 Timoteo 2:19

Se tsu sisi tomi tɛ nɛ Mawu ngɔ kɛ ma si ha hemi kɛ yemi ɔ he wa, nɛ e be mimiɛe. Munyu nɛ a kɛ sɔu tɛ ɔ nya ji, “Nyɔmtsɛ ɔ le lɛ nitsɛ e nihi.” Ekpa hu deɔ ke, “Nɔ tsuaa nɔ nɛ deɔ ke Mawu nɔ́ ji lɛ ɔ, é kpa yayami peemi.”

1 Yohane 2:11

Se nɔ nɛ nyɛɛ e nyɛmi ɔ, e ngɛ diblii ɔ mi, nɛ e ngɛ diblii ɔ mi nyɛɛe nɛ́ e li he nɛ e yaa. Ejakaa diblii ɔ yu e hɛ.