La 82:3 - BAIBLO ALOO NGMAMI KLƆUKLƆU Ɔ

³ Nyɛɛ ye ohiatsɛmɛ, kɛ awusahi a sane ha mɛ. Nyɛɛ tu munyu ha nɔ́ nali, kɛ ni nɛmɛ nɛ be nɔ́ ko.

La 82:3 ပူးပေါင်းရင်းမြစ်များ

Hiob 29:12

Ejakaa ke ohiatsɛmɛ kpa ngmlaa kɛ tsɛ balɔ ɔ, i jeɔ mɛ; awusahi hu i piɛɔ a he ja nɔuu.

Hiob 31:21

Ke i ya ye awusa ko amimi, ejakaa i le kaa bɔ tsuaa bɔ nɛ pee ɔ, a maa wo mi nguɔ ngɛ kojomi he ɔ,

La 10:18

Moo ye awusahi, kɛ nɔ́ nali a sane ha mɛ, konɛ nɔmlɔ adesa kó wo a he gbeye hu.

Mose II, 23:3

Ko dla ohiatsɛ sane he ha lɛ ngɛ kojomi he.

Mose II, 23:6

“Ko plɛ ohiatsɛ sane hɛ mi ngɔ bu si ngɛ kojomi he.

Abɛ Womi 31:9

Tu munyu kɛ fa a he; ye dami sane. Hyɛ nɔ́ nali, kɛ dɛgutsɛmɛ a nɔ saminya.”

Yesaya 1:17

nɛ nyɛɛ kase kpakpa peemi. Nyɛɛ ye dami sane; nihi nɛ a ngɛ mɛ yi mi wae ɔ, nyɛɛ ye a sane ha mɛ; nyɛ ha awusahi a blɔ nya níhi, nɛ nyɛɛ ye yalɔyihi a sane ha mɛ.”

Yesaya 1:23

Atuã tsɔli ji o ganɔ ɔmɛ, nɛ juli ji o huɛmɛ; be tsuaa be ɔ, nike ní, kɛ nyɔ mi ní a ngɛ hee. A yi awusahi a sane ha we mɛ ngɛ sane yemi he, nɛ a bui yalɔyihi hu a sane tue.

Yeremia 22:16

E ye ohiatsɛmɛ, kɛ nɔ́ nali a sane ha mɛ, nɛ e nɔ́ tsuaa nɔ́ ya nɔ bɔ nɛ sa. Anɛ pi enɛ ɔ peemi ji Yawɛ lemi lo?

Yeremia 22:3

‘Imi Yawɛ, i wo nyɛ mlaa ke nyɛɛ ye dami sane, nɛ nyɛɛ pee nɔ́ nɛ da. Nyɛ je nɔ nɛ a ngɛ lɛ amimi yee ɔ kɛ je amimi yelɔ ɔ dɛ mi. Nyɛ ko wa nibwɔhi, awusahi, kɛ yalɔyihi yi mi; nɛ nyɛ ko pue nɔ nɛ pee we nɔ́ ko ɔ muɔ si ngɛ he klɔuklɔu nɛ ɔ.

Yeremia 5:28

A plɔke, nɛ a pee tɔfutɔfu, nɛ a yi mi wa kaa nɔ́ ko. A ha we awusahi a blɔ fa mi níhi nɛ sa, nɛ dɛgutsɛmɛ hu a yi dami sane ha we mɛ.

Zakaria 7:9

“Blema lokoo ɔ, i wo ye ma a mlaa nɛ ɔmɛ ke, ‘Nyɛɛ hyɛ nɛ a ye dami sane; nyɛ mi mi nɛ jɔ, nɛ nyɛɛ na nyɛ sibi mɔbɔ.

Mose V, 10:18

E hyɛɛ kaa a ye awusahi, kɛ yalɔyihi a sane pɛpɛɛpɛ ha mɛ. E suɔ nihi nɛ ba to wɔ nibwɔ ɔ, nɛ e haa mɛ a niye ní, kɛ a heha ní.

Mose V, 24:17

“Ko plɛ nubwɔ nɛ ba ngɛ o ma a mi, kɛ awusa a sane hɛ mi kɛ bu si; nɛ ko he yalɔyo he ha nɔ́ kaa awaba tomi nɔ́.

Yakobo 1:27

Bɔ nɛ nɔ ko ma ja Mawu nɛ maa sa Tsɛ Mawu ɔ nitsɛ hɛ mi ji nɛ ɔ nɛ: awusahi kɛ yalɔyihi nɛ e fi mɛ ɔ, e hyɛ a nɔ. Jehanɛ e hyɛ lɛ nitsɛ e he nɔ saminya, konɛ je mi akɔnɔ yaya ko tɔtɔ e nane.