La 82:2 - BAIBLO ALOO NGMAMI KLƆUKLƆU Ɔ

² “Kɛ yaa si mɛni be lɛ nyɛ maa hyɛ nimli a hɛ mi kɛ kojo? Kɛ yaa si mɛni be lɛ nyɛ ma fi nimli yayamihi a se?

La 82:2 ပူးပေါင်းရင်းမြစ်များ

Matsɛmɛ I, 18:21

Eliya hɛ lɛ kɛ su ma a he, nɛ e bi mɛ ke, “Kɛ yaa si mɛni be loko nyɛ maa pee nyɛ juɛmi ngɛ nɔ́ enyɔ nɛ ɔmɛ a he? Ke Yawɛ ji Mawu ɔ, nyɛ ja lɛ; ke Baal ji Mawu ɔ, nyɛ ja lɛ.” Se ma a ha we lɛ heto.

Kronika II, 19:7

Nyɛɛ ye Yawɛ gbeye, nɛ nyɛɛ pee nyɛ níhi ngɛ blɔ nɛ da nɔ; ejakaa Yawɛ, wa Mawu ɔ sume kaa a plɛ dami sane hɛ mi ngɔ bu si, aloo a hyɛ nɔ hɛ mi, aloo a he nyɔ mi ní.”

Hiob 32:21

I be nɔ ko hɛ mi hyɛe kɛ tu munyu; nɛ i be munyu dɔkɔdɔkɔ tue ngɛ nɔ ko he.

Hiob 34:19

Mawu hyɛ we ganɔhi a hɛ mi. E bui niatsɛmɛ pe ohiatsɛmɛ; ejakaa lɛ nɛ e bɔ mɛ tsuo.

La 62:3

Kɛ yaa su mɛni be nyɛ tsuo nyɛ ma bla kɛ hao nɔ kake too kikɛ nɛ ɔ, nɔ nɛ ngɛ kaa gbogbo nɛ ku, nɛ miɔ nɛ e maa nɔ si ɔ?

Mose II, 10:3

Mose kɛ Aaron ho Farao ɔ ngɔ ya, nɛ a ya de lɛ ke, “Bɔ nɛ Yawɛ, Hebri bi ɔmɛ a Mawu ɔ de ji nɛ ɔ nɛ: ‘Mɛni be o ma kua o he si bami ha mi kɛ yaa si? Ha ye ma a nɛ ya nɛ a ya ja mi.

Abɛ Womi 18:5

Nɔ nɛ sane be mi ɔ, e sɛ kaa a hyɛɔ e hɛ mi nɛ a plɛɔ nɔ nɛ nɔ́ da mohu sane hɛ mi ngɔ buɔ si ngɛ kojomi he.

Ezekiel 45:9

Yawɛ ke, “Nyɛ Israel ganɔhi, e hiɛ oo e hiɛ! Nyɛ kpa amimi kɛ awi yemi! Nyɛɛ ye dami sane, nɛ nyɛɛ pee nɔ́ nɛ da. Nyɛ ko fie ye ma a kɛ je a zugba nɔ hu. Imi, Nyɔmtsɛ Yawɛ lɛ i de.

Mose III, 19:15

“Nyɛɛ ye dami sane ngɛ kojomi mi; nyɛ ko hyɛ nɔ ko hɛ mi, ohiatsɛ ji lɛ jio, niatsɛ ji lɛ jio.

Mateo 17:17

Yesu he nɔ ke, “Nyɛ yi nɔ yayami bi nɛ nyɛ be hemi kɛ yemi! Mɛni be i kɛ nyɛ maa hi si kɛ yaa si? Mɛni be ma to ye tsui si ha nyɛ kɛ yaa si? Nyɛɛ ngɔ jokuɛ ɔ kɛ ba ye ngɔ ngɛ hiɛ ɔ.”

Galatabi 2:6

Se ni nɛmɛ nɛ a buu mɛ kaa a ngɛ biɛ ɔ, bɔ tsuaa bɔ nɛ a ngɛ sa a, pi ye he sane ko. Mawu hyɛ we nimli a hɛ mi; ejakaa imi lɛɛ ni nɛmɛ nɛ a buu mɛ ɔ tsɔɔ we mi nɔ́ ko ngɔ piɛ he.

Mose V, 1:17

Nyɛ ko hyɛ nɔ hɛ mi ngɛ sane yemi mi; nyɛɛ bu nɔ tsuaa nɔ tue pɛpɛɛpɛ. Nyɛ ko ye nɔmlɔ adesa hɛ mi gbeye; ejakaa Mawu ji nɔ nɛ buáá sane he. Se ke sane ko pa nyɛ ɔ, lɛɛ nyɛ kɛ ba ye hɛ mi, konɛ imi nitsɛ ma hyɛ mi.’