La 81:7 - BAIBLO ALOO NGMAMI KLƆUKLƆU Ɔ

⁷ Benɛ nyɛ ngɛ haomi mi ɔ, nyɛ tsɛ mi. I he nɔ kɛ je ye laami he ɔ, he nɛ hiɔwe siɔ kɛ jee ɔ, nɛ i he nyɛ yi wami. Jehanɛ se hu, i ka nyɛ ngɛ Meriba nyu ɔ he.

La 81:7 ပူးပေါင်းရင်းမြစ်များ

La 50:15

Ke nyɛ yi fi ɔ, nyɛ tsɛ mi; ma je nyɛ, konɛ nyɛɛ wo ye hɛ mi nyami.”

Mose II, 14:10

Benɛ Farao ɔ ná mɛ ta, nɛ Israel bi ɔmɛ wo a hɛ nɔ nɛ a na kaa Egipt bi ɔmɛ nyɛɛ a se kɛ ma a, sawale nu mɛ, nɛ a kpa bubuubui kɛ tsɛ Yawɛ.

Mose II, 14:24

Mɔtu kpla a, Yawɛ hyɛ Egipt tabo ɔ kɛ gu la titima a, kɛ bɔku titima a a mi, nɛ e ha nɛ sawale nu mɛ.

Mose II, 19:19

Benɛ bɛ pɛmi ɔ nya wa a, Mose tu munyu, nɛ Mawu ha lɛ heto kɛ hiɔwe simi.

Mose II, 2:23

Jeha komɛ a se ɔ, Egipt matsɛ ɔ ba gbo. Se Israel bi ɔmɛ lɛɛ kɛmɛmi kɛkɛ a ngɛ kɛmɛe ngɛ a nyɔguɛ yemi ɔ mi. A fa kue ha Mawu, nɛ Mawu hu nu a gbi.

Mose II, 20:2

“Imi ji Yawɛ, o Mawu ɔ nɛ je mo kɛ je Egipt zugba a nɔ kɛ je nyɔguɛ yemi mi ɔ nɛ.

Mose II, 6:6

Lɔ ɔ he ɔ, yaa nɛ o ya de Israel bi ɔmɛ ke, ‘Imi ji Yawɛ; ma je Egipt bi ɔmɛ a tlomi ɔmɛ kɛ je nyɛ nɔ, nɛ ma kpɔ nyɛ kɛ je a nyɔguɛ yemi ɔ sisi. Ma kpã ye nine mi kɛ he wami, nɛ ma ye dami sane ha nyɛ, nɛ ma kɛ kpɔ nyɛ.

Yeremia 16:14

Yawɛ ke, “Be ma nɛ nihi kɛ ye biɛ be kita kae hu kaa Mawu hɛ kalɔ ɔ nɛ jé Israel ma a kɛ je Egipt zugba a nɔ.

Mose IV, 20:13

Sane nɛ ɔ ba ngɛ Meriba. Lejɛ ɔ ji he nɛ Israel bi ɔmɛ kɛ Yawɛ pɛ ngɛ; nɛ lejɛ ɔ nɛ e je e he kpo ngɔ tsɔɔ mɛ ngɛ kaa Mawu klɔuklɔu.

Mose IV, 20:24

“Aaron ma gbo, nɛ e nane enyɔ be zugba a nɛ i ngɔ ha Israel ma a nɔ mae; ejakaa nyɛ ni enyɔ ɔmɛ nyɛ tsɔ atuã wo mi ngɛ Meriba nyu ɔ he.

Mose V, 33:8

Jehanɛ, Mose gbaa Levi wɛtso ɔ hulɔ ke, “Yawɛ, mo je o suɔmi kpo kɛ gu Tumim kɛ Urim a nɔ. Ní nɛ ɔmɛ ji níhi nɛ Levi bi ɔmɛ, nɛ ji sɔmɔli nɛ yeɔ mo anɔkuale ɔ kɛ biɔ mo gbi ɔ nɛ. O ka Levi wɛtso ɔ ngɛ Masa, nɛ o kɛ mɛ pɛ ngɛ Meriba pa a nya.

Mose V, 5:6

Nɔ́ nɛ Yawɛ de ji nɛ ɔ nɛ: ‘Imi ji Yawɛ, o Mawu ɔ nɛ je mo kɛ je Egipt zugba a nɔ, kɛ je nyɔguɛ yemi mi ɔ nɛ.