La 81:3 - BAIBLO ALOO NGMAMI KLƆUKLƆU Ɔ

³ Nyɛ kpa titimati wa nyami ligbi ɔmɛ tsuo, be mi nɛ nyɔhiɔ da, kɛ be mi nɛ nyɔhiɔ ɔ wa.

La 81:3 ပူးပေါင်းရင်းမြစ်များ

Kronika II, 2:4

I yaa po we kɛ wo Yawɛ, ye Mawu ɔ hɛ mi nyami. We nɛ ɔ maa pee he klɔuklɔu nɛ a hla kɛ to ha Yawɛ. Lejɛ ɔ i kɛ ye ma a ma sɔmɔ Yawɛ ngɛ. Wa maa sã tsopa kɛ e he via, nɛ waa kɛ abolo klɔuklɔu ɔ maa ma Yawɛ hɛ mi daa ngɛ lejɛ ɔ. Daa mɔtu kɛ gbɔkuɛ ɔ, wa maa sã sami bɔhi ngɛ lejɛ ɔ. Wa maa sã sami bɔhi Hejɔɔmi ligbi, Nyɔhiɔhe nyami be, kɛ nyami be kpahi hu ngɛ lejɛ ɔ kɛ wo Yawɛ, wa Mawu ɔ hɛ mi nyami. Blɔ nya nɛ Yawɛ to kɛ ha Israel kɛ yaa neneene ji nɛ ɔ nɛ.

Mose IV, 15:3

nɛ nyɛ suɔ kaa nyɛɛ kɛ na, loo to maa sã bɔ nɛ je via ha mi ɔ, sami bɔ jio, si womi nɔ yemi bɔ jio, bɔ nɛ je nyɛ tsui mi faa jio, aloo bɔ nɛ a sãã ngɛ ligbi nguahi nɛ a to ɔ eko nɔ jio,

Kronika II, 13:14

Benɛ Yuda bi ɔmɛ maa hyɛ ɔ, a na kaa a sa a yi; he nyɛli ngɛ a hɛ mi kɛ a se tsuo. Kɛkɛ nɛ a fa kue ha Yawɛ, nɛ osɔfo ɔmɛ kpa titimati ɔmɛ.

Kronika II, 13:12

Mawu nitsɛ ji wa hɛ mi nyɛɛlɔ. E we osɔfo ɔmɛ ngɛ hiɛ ɔ kɛ a titimati ɔmɛ. Ke a kpa titimati ɔmɛ pɛ kɛkɛ pe wa he ose kɛ gba ta kɛ wo nyɛ ɔ nɛ. Nyɛ Israel ma, nyɛ ko gba ta kɛ wo Yawɛ, nyɛ nɛmɛ a Mawu ɔ! Nyɛ be kunimi yee!”

Kronika I, 16:42

Heman kɛ Yedutun a ní tsumi kpa hu ji a hyɛ titimati kpami, kɛ ngmlɛ kɛ saku fiami ɔ nɔ be mi nɛ a ngɛ yi jemi la amɛ lae ɔ. Agbo nya bumi ní tsumi ɔ, a kɛ ha Yedutun weku ɔ.

Kronika I, 16:6

nɛ osɔfohi enyɔ ma kpa titimati ngɛ somi daka a hɛ mi daa. Nɔ kake biɛ ji Benaya, nɛ nɔ kake hu biɛ ji Yahaziel.

Matsɛmɛ II, 4:23

E huno ɔ bi lɛ ke, “Mɛni he je o yaa Mawu nɔmlɔ ɔ ngɔ mwɔnɛ ɔ? Tsa pi Nyɔhiɔhe nyami be, aloo Hejɔɔmi ligbi ji mwɔnɛ ɔ.” E he nɔ ke, “E pee we nɔ́ ko!”

Mose V, 16:15

Nyɛ bua nɛ jɔ kɛ wo Yawɛ hɛ mi nyami ligbi kpaago ngɛ he kake ɔ nɛ Yawɛ, nyɛ Mawu ɔ to nɛ a ja lɛ ngɛ ɔ. Nyɛ bua nɛ jɔ saminya, ejakaa Yawɛ, nyɛ Mawu ɔ gbaa nyɛ ngmɔ niba ní, kɛ nyɛ nine nya ní tsumi tsuo pɛpɛɛpɛ nɔ.

Mose IV, 28:11

“Daa nyɔhiɔ sisije ɔ, nyɛɛ ngɔ na niheyo enyɔ, agbosu kake, kɛ jijɔ ku kpaago nɛ a ye jeha kakaaka, nɛ kpa ko kpa ko be a he kɛ sã sami bɔ kɛ ha Yawɛ.

Kolosebi 2:16

Lɔ ɔ he ɔ, nyɛ ko ha nɔ ko nɛ wo nyɛ mlaa ngɛ nɔ́ nɛ nyɛ maa ye, kɛ nɔ́ nɛ nyɛ maa nu he, aloo ngɛ nyami be, Nyɔhiɔhe nyami be, kɛ Hejɔɔmi ligbi he.

Nahum 1:15

Hyɛ, tsɔlɔ ko ma ngɛ yo ɔmɛ a nɔ kɛ manye munyu. E ngɛ fiɛe ngɛ dee ke wa ye kunimi. Yuda ma, nyɛɛ ye nyami ligbi ɔmɛ. Si nɛ nyɛ wo Mawu veveeve ɔ, nyɛɛ ye nɔ. Yiwutsotsɛmɛ nɛ ɔmɛ be bae nɛ a ba tua nyɛ zugba a hu. Ejakaa a kpata a hɛ mi pɛsɛpɛsɛ.

Kɔmɔ Yemi 2:6

Mawu we ɔ, he nɛ wa jaa lɛ ngɛ ɔ, e ywia lɛ dukuduku ngɔ pue si. E gu nyami be ɔmɛ, kɛ Hejɔɔmi ligbi ɔ. Abofu nɛ nya wa nɛ ɔ sa matsɛmɛ, kɛ osɔfohi tsuo a he.

La 98:6

Nyɛ kpa titimati, kɛ koli, nɛ nyɛɛ kɛ bua jɔmi hwɔ lele kɛ ha Yawɛ, wa matsɛ ɔ.

Kronika II, 8:13

E sã sami bɔhi, kaa bɔ nɛ Mose mlaa a tsɔɔ kaa a pee nyami be ɔmɛ, Hejɔɔmi ligbihi, Nyɔhiɔhe nyami behi, kɛ nyami be etɛ ɔmɛ nɛ a yeɔ ngɛ jeha mi ɔ. Mɛ ji Abolokplolo nyami be, Ngmakpami nyami be, kɛ Gbasisihimi nyami be.

Kronika I, 15:16

David fa Levi bi ɔmɛ a nya dali ɔmɛ ke a ha nɛ a nyɛmimɛ ɔmɛ nɛ a la kɛ bua jɔmi, nɛ a fia saku, kɛ ngmlɛ, gegeege.

Kronika I, 25:1

Matsɛ David kɛ asafoatsɛmɛ ɔmɛ ngɔ ní tsumi pɔtɛɛ komɛ ngɔ ha Levi weku nɛ ɔmɛ: Asaf, Heman, kɛ Yedutun. A ní tsumi ji a gba, nɛ a fia saku kɛ ngmlɛ ngɔ to he. Nihi nɛ a hla a, kɛ ní tsumihi pɔtɛɛ nɛ a ngɔ wo a dɛ ɔ ji nɛ ɔmɛ nɛ:

La 33:2

Nyɛɛ fia saku kɛ je Yawɛ yi. Nyɛɛ fia kpa saku, nɛ nyɛ la kɛ je Yawɛ yi.

La 149:3

Á do nɛ a kɛ je e yi. Á la nɛ a fiɛ do, nɛ a fia saku kɛ je e yi.