La 81:2 - BAIBLO ALOO NGMAMI KLƆUKLƆU Ɔ

² Nyɛ je la, nɛ nyɛɛ fia gɔgɔ. Nyɛɛ fia saku nɛ gbi ngɔɔ, nɛ nyɛɛ fia miɛ kɛ piɛ he.

La 81:2 ပူးပေါင်းရင်းမြစ်များ

La 92:3

A fia kpa saku, kɛ saku kpahi nɛ a la kɛ to he.

Marko 14:26

Jehanɛ a la yi jemi la, lɔ ɔ se ɔ, a je kpo kɛ ho Oliv yo ɔ nɔ ya.

Mose II, 15:20

Kɛkɛ nɛ Aaron nyɛmiyo Miriam, gbalɔyo ɔ ngɔ fao, nɛ yi ɔmɛ tsuo nyɛɛ e se kɛ fao fiami kɛ domi.

Yakobo 5:13

Ke amanehlu ba nyɛ ti nɔ ko nɔ ɔ, e sɔle. Ke nyɛ ti nɔ ko bua jɔ ɔ, e la yi jemi la.

Kolosebi 3:16

Nyɛ ha nɛ Kristo sɛ gbi ɔ nɛ hyi nyɛ fuu. Nyɛɛ tsɔɔ nyɛ he ní, nɛ nyɛɛ wo nyɛ sibi ga kɛ juɛmi nɛ mi kuɔ. Nyɛ la La womi ɔ mi lahi, yi jemi lahi, kɛ mumi mi lahi kɛ je nyɛ tsui mi nɛ nyɛ kɛ na Mawu si.

Efesobi 5:19

Nyɛɛ kɛ nyɛ sibi nɛ sɛɛ munyuhi nɛ ngɛ saku fiami, yi jemi, kɛ mumi mi la amɛ a mi ɔ a he ní. Nyɛɛ fia saku, nɛ nyɛ la kɛ je nyɛ tsui mi tɔɔ nɛ nyɛ kɛ je Nyɔmtsɛ ɔ yi.

Nehemia 12:42

Ni nɛ ɔmɛ hu tsa nɔ: Maaseya, Shemaya, Eleazar, Uzi, Yehohanan, Malkiya, Elam, kɛ Ezer. Lali ɔmɛ, kɛ a nyatsɛ Yezrahia la wawɛɛ.

La 59:17

Mawu, mo o nɔ ma ngɔ ye hɛ kɛ fɔ, ejakaa mo Mawu ji ye wesa he. Ma la kɛ je o yi, ejakaa mo, Mawu lɛ o naa mi mɔbɔ daa.