La 81:14 - BAIBLO ALOO NGMAMI KLƆUKLƆU Ɔ

¹⁴ Jinɛ i ba a he nyɛli ɔmɛ si momoomo; jinɛ i kpata a hɛ mi kɛ.

La 81:14 ပူးပေါင်းရင်းမြစ်များ

Amos 1:8

Ma gbe ma nɔ yeli ɔmɛ ngɛ Ashdod kɛ Ashkelon. Ma gbla Ekron ma a tue, nɛ Filisti bi nɛ a he maa je tue gblami nɛ ɔ mi ɔ ma gbo.” Yawɛ lɛ de.

Yoshua 23:13

nyɛ na nɛ nyɛɛ le kaa, ke nyɛ hia kɛ yaa a, Yawɛ, nyɛ Mawu ɔ be je ma nɛ ɔmɛ fiee kɛ je nyɛ blɔ mi hu. Mohu ɔ, nyɛ he nyɛli ɔmɛ maa pee kaa klama ko nɛ a tsɔ nyɛ, loo muɔ nɛ a tsua ngɛ nyɛ sisi. A maa pee kaa kpa nɛ a kɛ ngɛ nyɛ se mi fiae, nɛ maa sãã nyɛ, loo mio nɛ ngɛ nyɛ hɛngmɛ mi gbɔɔe. Nɔ́ nɛ ɔ ma tsa nɔ kɛ yaa si be nɛ nyɛ ti nɔ ko nɔ ko be piɛe ngɛ zugba kpakpa nɛ ɔ nɛ Yawɛ, nyɛ Mawu ɔ ngɔ ha nyɛ ɔ nɔ.

Mose IV, 14:9

Se, nyɛ ko tsɔ Yawɛ hɛ mi atuã. Nimli nɛ ngɛ zugba a nɔ hu, nyɛ ko ye mɛ gbeye; wa maa ye a nɔ kunimi hɛngmɛfia. A he wami nya ba si, se wɔɔ lɛɛ Yawɛ kɛ wɔ ngɛ. Lɔ ɔ he ɔ, nyɛ ko ye mɛ gbeye.”

Mose IV, 14:45

Kɛkɛ nɛ Amalek bi, kɛ Kanaan bi nɛ ngɛ jamɛ a yoku ɔ nɔ ɔ ba tua mɛ, nɛ a ye a nɔ; nɛ a fie mɛ kɛ ya si Horma tɔɔ.

Zakaria 13:7

Yawɛ Tabohiatsɛ ɔ ke, “Klaate, tee si ngɔ wo ye huɛ to hyɛlɔ nɛ ngɛ ní tsue ha mi ɔ! Moo fia lɛ nɔ konɛ to ɔmɛ nɛ a gbɛ fĩa. I kɛ tsɔwitsɔwi nɛ ɔmɛ maa to ní.

La 47:3

E jɔɔ ma amɛ a he ha wɔ, konɛ waa ye a nɔ.

Mose V, 10:12

“Jehanɛ, Israel bi, nyɛɛ bu nɔ́ nɛ Yawɛ, nyɛ Mawu ɔ ngɛ hlae kaa nyɛɛ pee ɔ tue. Nyɛ ja Yawɛ, nyɛ Mawu ɔ, nɛ nyɛɛ ye e mlaa amɛ tsuo a nɔ pɛpɛɛpɛ. Nyɛɛ suɔ lɛ, nɛ nyɛ sɔmɔ lɛ kɛ nyɛ tsui tsuo, kɛ nyɛ klaa tsuo.

Yesaya 48:18

“I na nɛ nyɛ ye ye mlaa amɛ a nɔ! Jinɛ a maa gbaa nyɛ; nɛ nyɛ maa pee kaa pa nɛ nyu tɛ̃ mi gblegbleegble. Nyɛ maa ye kunimi nɔtonɔto kaa bɔ nɛ oslɔke kuɔ kɛ pueɔ wo dɔ mi.