La 81:13 - BAIBLO ALOO NGMAMI KLƆUKLƆU Ɔ

¹³ I na nɛ ye ma a bu mi tue; i na nɛ Israel bi ɔmɛ nyɛɛ ye se!

La 81:13 ပူးပေါင်းရင်းမြစ်များ

Yesaya 48:18

“I na nɛ nyɛ ye ye mlaa amɛ a nɔ! Jinɛ a maa gbaa nyɛ; nɛ nyɛ maa pee kaa pa nɛ nyu tɛ̃ mi gblegbleegble. Nyɛ maa ye kunimi nɔtonɔto kaa bɔ nɛ oslɔke kuɔ kɛ pueɔ wo dɔ mi.

Mose V, 5:29

I ná nɛ ma a na juɛmi daa kikɛ nɛ ɔ, nɛ a wo ye hɛ mi nyami be tsuaa be, nɛ a ye ye mlaa amɛ tsuo a nɔ, konɛ nɔ́ tsuaa nɔ́ nɛ hi ha mɛ kɛ a nina kɛ ya neneene!’

Mateo 23:37

“Yerusalem! Yerusalem! Mo nɛ o gbee gbali ɔmɛ, nɛ nihi nɛ Mawu tsɔ mɛ o ngɔ ɔ, o fiaa mɛ tɛ! Hyɛ kaa jinɛ i hla si abɔ kaa ma bua o bimɛ ɔmɛ tsuo a nya kaa bɔ nɛ kungwɔ buaa e bimɛ a nya kɛ woɔ e pɛli sisi ɔ. Se o kplɛɛ we!

Mose V, 32:29

A nyɛ we nɛ a na nɔ́ he je nɛ a ye a nɔ ɔ; a nui nɔ́ nɛ ba a sisi.

Abɛ Womi 1:31

Lɔ ɔ he ɔ, nɔ́ nɛ nyɛ tsu ɔ, lɔ ɔ he hiɔwo nyɛ ma na; nyɛ ní yaya amɛ nɔuu maa hao nyɛ.

Yeremia 7:24

Se nɔ́ nɛ i de mɛ ɔ, a bui tue fɛɛ; nɔ́ nɛ i ke a pee ɔ hu a pee we. Mohu, nɔ́ tsuaa nɔ́ nɛ a juɛmi de mɛ ke a pee ɔ, lɔ ɔ a kpliiɔ a tsui nɛ hyi kɛ yayami ɔ nɛ a peeɔ. Enɛ ɔ he je ɔ, a ya se, se pi hɛ mi.