La 81:1 - BAIBLO ALOO NGMAMI KLƆUKLƆU Ɔ

¹ Nyɛ wo nyɛ gbi nɔ kɛ la ha Mawu, wa he bulɔ ɔ. Nyɛ hwɔ lele kɛ je Yakob Mawu ɔ yi.

La 81:1 ပူးပေါင်းရင်းမြစ်များ

La 66:1

Nyɛ je ɔ tsuo, nyɛ hwɔ lele kɛ je Mawu yi!

Yeremia 31:7

Yawɛ ke, “Nyɛɛ kɛ bua jɔmi nɛ la ha Israel; nyɛ hwɔ lele ha ma nɛ he wa pe je ma amɛ tsuo ɔ. Nyɛ la yi jemi la, nɛ nyɛɛ fiɛ ke, ‘Yawɛ he e ma a yi wami; Yawɛ he nihi nɛ piɛ ɔ tsuo a yi wami.’

La 46:11

Yawɛ Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

La 8:1

Yawɛ, wa Nyɔmtsɛ! Hyɛ kaa o biɛ pɛɛ ngɛ je ɔ mi tsuo, nɛ a woɔ o hɛ mi nyami ngɛ hiɔwe lokoo!

Filipibi 4:13

Kristo lɛ woɔ mi he wami, nɛ e haa nɛ i nyɛɔ peeɔ nɔ́ tsuaa nɔ́.

La 28:7

Yawɛ ji ye he bulɔ, kɛ ye yi baalɔ; e nɔ lɛ i ngɔ ye hɛ kɛ fɔ. E piɛɔ ye he, nɛ e haa mi bua jɔmi. Ma la kɛ je e yi.

Mateo 22:32

‘Imi ji Abraham Mawu, kɛ Isak Mawu, kɛ Yakob Mawu.’ Mawu ɔ, hɛ kali a Mawu ji lɛ, pi ni gbogboehi a Mawu.”

La 67:4

Ha nɛ je ma amɛ a bua nɛ jɔ nɛ a la kɛ bua jɔmi, ejakaa o kojoɔ je ma amɛ pɛpɛɛpɛ nɛ nɔ hɛ mi hyɛmi be mi. Mo lɛ o tsɔɔ ma amɛ tsuo blɔ ngɛ je ɔ mi.

La 52:7

“Hyɛ, nyumu nɛ ɔ ngɔɛ e hɛ kɛ fɔɛ Mawu nɔ kaa e he bulɔ, mohu ɔ, ní babauu nɛ e na a nɔ e ngɔ e hɛ kɛ fɔ, nɛ yi wu tso níhi nɛ e pee ɔ nɛ wo lɛ he wami.”

Mose I, 50:17

e ke wa de mo ke, ‘I kpa mo pɛɛ nɛ o kɛ o nyɛmimɛ ɔmɛ a yayami nɛ a pee mo ɔ ngɔ pa mɛ.’ Lɔ ɔ he ɔ, wa kpa mo pɛɛ nɛ o ngɔ wa yayami ɔ ngɔ pa wɔ; ejakaa wɔ hu o tsɛmɛ a Mawu ɔ lɛ wa jaa.” Benɛ a ya bɔ Yosef amaniɛ nɛ ɔ, e wo ya.

Kronika I, 6:17

Gershon bimɛ ji Libni kɛ Shimei.

La 50:1

Yawɛ Mawu Ope ɔ ngɛ munyu tue. E ngɛ je ɔ tsuo tsɛe; e ke a je beleku je, kɛ bonyoku je kɛ ba.