La 80:9 - BAIBLO ALOO NGMAMI KLƆUKLƆU Ɔ

⁹ O dla zugba a saminyayoo; o ha nɛ tso ɔ tsɛ̃ sipoku kɛ ya zu mi tsitsaa, nɛ wai tso ɔ ha zugba a nɔ tsuo.

La 80:9 ပူးပေါင်းရင်းမြစ်များ

Yoshua 24:12

Benɛ nyɛ ngɛ blɔ ɔ nɔ kɛ ma a, i ha sawale nu mɛ. I pee enɛ ɔ kɛ fie Amor matsɛmɛ enyɔ ɔmɛ kɛ je nyɛ blɔ mi. Pi nyɛ klaate, nɛ pi nyɛ kɛ̃ɛ̃ nɛ ye kunimi nɛ ɔ.

Yesaya 27:6

Hwɔɔ se ko ɔ, Israel ma nɛ ji Yakob nina a maa ma si kpɛii kaa tso nɛ sipoku sɛ zu mi; a ma gba mɔmɔ, nɛ a ma plɔke. A yiblii ma hyi je ɔ tɔ.

Yeremia 12:2

O toɔ mɛ si kaa bɔ nɛ a duɔ ní; a tsɛ̃ɛ̃ sipoku, a waa, nɛ a woɔ yiblii. A woɔ o biɛ ta ji nɛ, se a tsui be o he.

Yesaya 37:31

Yuda we ɔ mi ni nɛmɛ nɛ a yi ma na wami ɔ, a ma plɔke kaa tsohi; a ma tsɛ̃ sipoku kɛ ya zu mi ekohu, nɛ a maa wo yiblii.

La 105:44

Mawu ngɔ ma je li ɔmɛ a zugba a kɛ ha mɛ; nɛ nɔ́ nɛ ni kpahi gbo he dengme ɔ ba plɛ pee a nɔ́.

Kronika I, 21:5

E ba bɔ Matsɛ David amaniɛ ke a ya kane nyumuhi nɛ a he wa, nɛ a su ta yami ayɔ kɛ e nya akpe lafa, ngɛ Israel, kɛ akpe lafa eywiɛ kɛ nyingmi kpaago ngɛ Yuda.

Matsɛmɛ I, 4:25

Salomo yi nɔ ɔ, Yuda kɛ Israel tsuo hi si ngɛ he jɔmi mi kɛ je Dan kɛ ya si Beersheba; nɔ tsuaa nɔ ngɛ lɛ nitsɛ e wai tso kɛ ngmɔkɔ tso.

Matsɛmɛ I, 4:20

Nimli nɛ ngɛ Yuda kɛ Israel ɔ hiɛ babauu kaa wo nya zia; a yeɔ ní, nɛ a nuɔ ní, nɛ a náá bua jɔmi.

Samuel II, 7:10

I hla hi he ko ha ye ma Israel, nɛ i to mɛ si ngɛ lejɛ ɔ, he nɛ nɔ ko be a nya dooe ngɛ hu. Kɛ je benɛ a ba zugba nɛ ɔ nɔ ɔ, be nɛ manyadali lɛ ngɛ a nɔ yee ɔ, nɔ́ sɔuu nɛ ye ma a ngɛ nae ngɛ nimli yayamihi a dɛ mi. Se enɛ ɔ tsuo se maa po. I ngɛ si woe kaa ma ha o maa ye o he kɛ je o he nyɛli ɔmɛ tsuo a dɛ mi; nɛ o bimɛ ma ba ye zugba nɛ ɔ nɔ.

La 44:3

Ejakaa pi a klaate nɛ a kɛ ngɔ zugba a; pi a he wami nya nɛ a ye kunimi ɔ, se o he wami, kɛ o mɔbɔ nami nya; ejakaa o ngɛ o ma a he bua jɔmi.

Yesaya 5:2

E hu zugba a nɔ, e je tɛhi nɛ ngɛ mi ɔ tsuo, nɛ e du wai tso kpakpahi ngɛ mi. E ma mɔ ko nɛ a maa hi mi kɛ bu ngmɔ ɔ he, e tsua muɔ nɛ a maa nga wai yiblii kɛ wo mi. E mlɛ kɛ ya si be nɛ wai yiblii ɔ fu; se wai yiblii ɔmɛ tsuo dooɔ.

Yesaya 27:2

Bɔ nɛ Yawɛ ma de ngɛ e wai ngmɔ saminyayoo ɔ he jamɛ a ligbi ɔ ji nɛ ɔ nɛ:

Yeremia 2:21

O ngɛ kaa wai tso saminyayoo nɛ i du; wu kpakpa mi lɛ o puɛ kɛ je. Se hyɛ bɔ nɛ o ba plɛ pee kaa wai sasɛ nɛ he be se nami.