La 80:1 - BAIBLO ALOO NGMAMI KLƆUKLƆU Ɔ

¹ Israel to hyɛlɔ, mo nɛ o nyɛɛɔ Israel hɛ mi kaa bɔ nɛ to hyɛlɔ tsɔɔ to ɔ, moo bu wɔ tue koo! Mo nɛ o hii si ngɛ hɛ kali a nɔ ɔ,

La 80:1 ပူးပေါင်းရင်းမြစ်များ

Kpojemi 21:23

Pu, loo nyɔhiɔ nɛ ma kpɛ he hia we ngɛ ma a mi; ejakaa Mawu hɛ mi nyami ɔ ji la nɛ kpɛɔ ngɛ ma a mi, nɛ To bi ɔ ji e kane.

La 77:20

O ngɔ Mose kɛ Aaron ngɔ to o ma a nya, nɛ o kpaka mɛ kaa to hyɛlɔ tsɔɔ to.

La 50:2

Mawu hɛ mi nyami ɔ ngɛ kpɛe saminyayoo; Zion, ma nɛ ngɛ fɛu kɛ pi si ɔ mi e ngɛ kpɛe kɛ ngɛ jee.

La 99:1

Yawɛ ngɛ matsɛ yee; je ma amɛ a he ngɛ doe blibliibli. E hii si ngɛ e sɛ ɔ nɔ ngɛ kerub ɔmɛ a nɔ, nɛ zugba ngɛ mimiɛe.

1 Petro 2:25

Jinɛ nyɛ laa blɔ kaa tohi. Se amlɔ nɛ ɔ, nyɛ kpale kɛ ba nyɛ hyɛlɔ, kɛ nyɛ he bulɔ ɔ ngɔ.

Ezekiel 34:23

Ma ngɔ to hyɛlɔ kake kɛ to a nya nɛ e hyɛ a nɔ. Lɛ ji ye tsɔlɔ David. E maa hyɛ a nɔ saminya.

Samuel II, 6:2

E kɛ mɛ tsuo ho Baala ya ngɛ Yuda, konɛ a ya ngɔ Mawu somi daka a ngɛ lejɛ ɔ kɛ ba. Somi daka nɛ ɔ, a kɛ Yawɛ Tabohiatsɛ ɔ nɛ ngɛ tsɛ yee ngɛ kerub ɔmɛ a nɔ ɔ biɛ tsɛɔ lɛ.

Samuel I, 4:4

Lɔ ɔ he ɔ, a tsɔ ya ngɔ Yawɛ somi daka a ngɛ Shilo kɛ ba. Somi daka a daa si ha Yawɛ Ope ɔ matsɛ sɛ. Eli binyumu enyɔ ɔmɛ, Hofni kɛ Finehas piɛ nihi nɛ ngɔ somi daka a kɛ ba a a he.

Hebribi 13:20

He jɔmi Mawu ɔ, nɔ nɛ gu muɔ nɛ a kɛ sɔu neneene somi ɔ nya a nɔ, nɛ e je to ɔmɛ a hyɛlɔ ngua a nɛ ji wa Nyɔmtsɛ Yesu kɛ je gbeje kɛ ba wami mi ekohu ɔ,

Ezekiel 10:4

Yawɛ hɛ mi nyami ɔ wo e he nɔ kɛ je kerub ɔmɛ a nɔ kɛ ba da we ɔ agbo ɔ nya. Bɔku ɔ hyi we ɔ mi tɔ, nɛ kue ɔ mi tsuo ngɛ kpɛe hleii kɛ Yawɛ hɛ mi nyami ɔ.

Yesaya 63:11

Kɛkɛ nɛ ma a kai blema, Yawɛ tsɔlɔ Mose be ɔ, nɛ a bi ke, “Yawɛ nɛ́ je ma a, kɛ a hɛ mi nyɛɛli ɔmɛ kɛ je wo ɔ mi ɔ, jije e ngɛ? Jije nɔ nɛ ngɔ e mumi klɔuklɔu ɔ kɛ wo a mi ɔ ngɛ?

Yesaya 60:1

Yerusalem, tee si nɛ o tso kaa pu; Yawɛ hɛ mi nyami ɔ ngɛ kpɛe ngɛ o nɔ.

La 80:7

Mawu Tabohiatsɛ, kpale wɔ kɛ ba o ngɔ ekohu. Naa wɔ mɔbɔ, konɛ wa yi nɛ na wami.

La 80:3

Mawu, kpale wɔ kɛ ba o ngɔ ekohu. Naa wɔ mɔbɔ, konɛ wa yi nɛ na wami.

1 Petro 5:4

Nɛ ke to hyɛlɔ nɔkɔtɔma a ba a, nyɛ nine maa su hɛ mi nyami jlasi nɛ maa hi kpɛe nylamnylam daa a nɔ.

Yohane 10:14

Imi ji to hyɛlɔ kpakpa a nɛ. Tsɛ ɔ le mi, nɛ imi hu i le lɛ; nɛ jã nɔuu i le ye to ɔmɛ, nɛ ye to ɔmɛ hu le mi. Nɛ i suɔ hu kaa ma gbo ngɛ a he.

Daniel 9:17

Wa Mawu lee, moo bu ye sɔlemi kɛ pɛɛ kpami ɔ tue. O we ɔ nɛ a kpata hɛ mi, nɛ e pee we doku ɔ, to lɛ sisi ekohu, konɛ nɔ tsuaa nɔ nɛ e na kaa Mawu ji mo.

Ezekiel 43:2

Kɛkɛ nɛ i na Israel Mawu ɔ hɛ mi nyami ɔ nɛ ngɛ kpɛe plamplam kɛ je beleku je kɛ ma. Mawu gbi ngɛ pɛe hoo kɛ ma kaa wo nɛ gli; nɛ lejɛ ɔ tsuo pee hleii kɛ e hɛ mi nyami ɔ.

Ezekiel 1:13

Nɔ́ ko ngɛ hɛ kali ɔmɛ a kpɛti jee kaa la ngu nɛ ngɛ tsoe. E ngɛ pãe kaa jatɛ kɛ nyɛɛ hɛ kali ɔmɛ a kpɛti kɛ ngɛ yae kɛ ngɛ bae. La a ngɛ kpɛe, nɛ oslabai ngɛ gbae kɛ ngɛ mi jee.

Yesaya 40:11

E maa lɛ e to kuu ɔ kaa to hyɛlɔ kpakpa; e ma bua e to bi ɔmɛ a nya, nɛ e maa hɛɛ mɛ ngɛ e bɔkɔ mi; to nyɛ ɔmɛ hu e ma tsɔ̃ mɛ blɛuu.

La 94:1

Yawɛ, mo Mawu nɛ o yeɔ lue, mo je o he kpo koo!

La 80:19

Yawɛ Tabohiatsɛ Mawu! Moo kpale wɔ kɛ ba o ngɔ ekohu. Naa wɔ mɔbɔ, konɛ wa yi nɛ na wami!

La 78:67

E kua Yosef nina a; e hlɛ Efraim wɛtso ɔ.

La 78:52

Se lɛ nitsɛ e ma a lɛɛ e nyɛɛ a hɛ mi, nɛ e kpaka mɛ kɛ gu nga kplanaa a nɔ kaa to hyɛlɔ tsɔɔ to.

La 69:1

Mawu, mo he ye yi wami! Nyu ɔ ba su ye kuɛ mi;

La 60:1

Mawu lee, o sake wɔ kɛ pue he. O mi mi fu wɔ, nɛ o gbɛ wɔ ngɔ fĩa. Se kpale wɔ kɛ ba wa glɛ nɔ ekohu koo!

La 55:1

Mawu, bu ye kue fami ɔ tue; kue nɛ i ngɛ fae ha mo ɔ, koo tsi o tue.

La 45:1

Benɛ i ngɛ la nɛ ɔ poe kɛ ha matsɛ ɔ, munyu kpakpa sɔuu lɛ ba ye yi mi. La a ba ye nya amlɔ nɔuu kaa bɔ nɛ ní ngmalɔ kpakpa ngɔɔ e ningma tso kɛ ngmaa ni esɔesɔ ɔ.

La 5:1

Yawɛ, bu ye munyu ɔmɛ tue, nɛ huu nɛ i ngɛ faeɔ, o pee he nɔ́ ko ha mi.

Hiob 10:3

Imi nɔmlɔ nɛ mo nitsɛ o bɔ ɔ, anɛ e da ha mo kaa o wa mi yi mi, nɛ o hie mi kikɛ nɛ ɔ, konɛ yiwutsotsɛmɛ a yi mi tomi yayami ɔmɛ lɛɛ o bua nɛ jɔ he lo?

Matsɛmɛ II, 19:15

nɛ e fa kue ha Yawɛ ke, “Yawɛ, Israel Mawu lee, mo nɛ o hii si ngɛ o matsɛ sɛ ɔ nɔ ngɛ kerub ɔmɛ a yi mi lokoo. Mo nɔ kake too ji Mawu, nɛ je nɛ ɔ mi matsɛ yemi ɔmɛ tsuo ngɛ o sisi. Mo lɛ o bɔ hiɔwe kɛ zugba.

Mose V, 33:2

Yawɛ kple si kɛ je Sinai yo ɔ nɔ kaa pu nɛ gba ngɛ Edom yo ɔ nɔ, nɛ e tso ha e ma a kɛ je Paran yo ɔ he. Mawu bɔfohi akpe nyɔngma piɛ e he; a ngɛ kaa la nɛ ngɛ tsoe plamplam ngɛ e hiɔ nɔ.

La 50:1

Yawɛ Mawu Ope ɔ ngɛ munyu tue. E ngɛ je ɔ tsuo tsɛe; e ke a je beleku je, kɛ bonyoku je kɛ ba.