La 8:5 - BAIBLO ALOO NGMAMI KLƆUKLƆU Ɔ

⁵ Nɛ́ o bɔ nɔmlɔ ɔ, nɔ́ ko bɔɔ pɛ lɛ mo, Mawu ɔ o ngɔ kɛ pe lɛ. Se o wo e hɛ mi nyami babauu.

La 8:5 ပူးပေါင်းရင်းမြစ်များ

Hebribi 2:7

Nɛ o bɔ lɛ ɔ, nɔ́ ko bɔɔ pɛ o ha bɔfo ɔmɛ kɛ pe lɛ. O wo e hɛ mi nyami, nɛ o ha bu ba e he.

Hebribi 2:9

Se Yesu lɛɛ wa na kaa gbenɔ mi amanehlu ɔ nɛ e na a ha nɛ a kɛ hɛ mi nyami kɛ bu fi lɛ jlasi. Nɛ Mawu bɔ lɛ ɔ, nɔ́ ko bɔɔ pɛ e ha bɔfo ɔmɛ kɛ pe lɛ. Mawu pee lɛ jã, konɛ lɛ Mawu ɔ dloomi ɔ nya a, Yesu nɛ ba gbo kɛ ha nihi tsuo.

Hebribi 2:16

Niinɛ, e fɔɔ si paa kaa tsa pi Mawu bɔfohi a he nɛ e ba ngɛ, se mohu Abraham nina a he.

Efesobi 1:21

Lejɛ ɔ Kristo ngɛ tsɛ yee ngɛ kɛ he wami kpetekpleenyɛ nɛ pã nihi tsuo nɛ ngɛ tsɛ yee ngɛ hiɔwe a he wami. Biɛ nɛ Kristo hɛɛ ɔ hu pã biɛhi tsuo ngɛ je nɛ ɔ, kɛ je nɛ maa ba a tsuo mi.

La 103:4

E heɔ ye yi wami, konɛ ye hɛ mi ko kpata. E jeɔ e suɔmi ɔ kpo kɛ tsɔɔ mi, nɛ e naa mi mɔbɔ daa.

Mose I, 2:7

Jamɛ a be ɔ mi ɔ, Yawɛ Mawu ngɔ zugba zu kɛ puɛ nɔmlɔ, nɛ e mu mumi nɛ haa nɔ wami ngɔ wo nɔmlɔ gugwɔ puɔ mi; nɛ nɔmlɔ pee adesa hɛngmengmletsɛ.

La 103:20

Nyɛ, Yawɛ Mawu bɔfohi, nyɛ katsɛmɛ nɛ nyɛ buɔ lɛ, nɛ nyɛ yaa tsɔmi ha lɛ; nyɛ je Yawɛ yi!

La 45:6

Matsɛ sɛ klɔuklɔu ɔ maa hi si kɛ maa ya neneene. O matsɛ tso ɔ ji dami sane yemi he okadi.

Samuel II, 14:29

Pee se ɔ, Absalom tsɔ ke a tsɛ Yoab ha lɛ nɛ e tsɔ lɛ matsɛ ɔ ngɔ; se Yoab bɛ. E tsɔ si enyɔne; se Yoab bɛ.

Hiob 7:17

Mɛnɔ ji nɔmlɔ adesa, loko e he hia mo kikɛ nɛ ɔ? Mɛnɔ ji lɛ, loko o susuɔ e he kikɛ nɛ ɔ?

La 144:3

Yawɛ, mɛnɔ kulaa ji nɔmlɔ nɛ o peeɔ e he akɔtaa, loo nɔmlɔ adesa nɛ o susuɔ e he ɔ?