La 8:1 - BAIBLO ALOO NGMAMI KLƆUKLƆU Ɔ

¹ Yawɛ, wa Nyɔmtsɛ! Hyɛ kaa o biɛ pɛɛ ngɛ je ɔ mi tsuo, nɛ a woɔ o hɛ mi nyami ngɛ hiɔwe lokoo!

La 8:1 ပူးပေါင်းရင်းမြစ်များ

Matsɛmɛ I, 8:27

“Se anɛ mo Mawu, o ma nyɛ maa hi zugba a nɔ niinɛ lo? Mo nɛ hiɔwe, kɛ hiɔwe se lokoo po kpi mo ɔ, kɛ maa pee kɛɛ nɛ we nɛ i po nɛ ɔ maa kpe mo?

La 145:1

Ye Mawu kɛ ye matsɛ, ma wo o hɛ mi nyami, nɛ ma na mo si daa.

La 148:13

Nimli nɛ ɔmɛ tsuo nɛ a je Yawɛ yi, ejakaa lɛ nɔ kake too lɛ ngɛ biɛ nɛ kle agbo; e hɛ mi nyami ha zugba a nɔ tsuo kɛ be hiɔwe tete he.

La 36:5

Yawɛ, o suɔmi nɛ be nyagbe ɔ kle agbo kaa hiɔwe ɔ tsuo. O we anɔkuale yemi ɔ ya suu bɔku ɔmɛ a he tɔɔ.

La 57:5

Mawu, ha nɛ o he wami kpetekpleenyɛ ɔ nɛ je kpo ngɛ hiɔwe lokoo ɔ, konɛ a na o hɛ mi nyami ɔ ngɛ je ɔ mi tsuo.

La 63:1

Mawu lee, niinɛ, mo ji ye Mawu; i ngɛ mo hlae kɛ ye tsui tsuo nɛ ma na; o he kuma ngɛ mi yee kaa zugba nɛ gbli kadokado nɛ ngɛ nyu hlae!

La 68:4

Nyɛ la ha Mawu; nyɛ la kɛ je e biɛ ɔ yi. Nɔ nɛ hii si ngɛ bɔku ɔmɛ a nɔ kɛ ngɛ nyɛɛe ɔ, nyɛ la kɛ je e yi. Yawɛ ji e biɛ; nyɛ la kɛ bua jɔmi ngɛ e hɛ mi.

La 8:9

Yawɛ, wa Nyɔmtsɛ! Hyɛ kaa o biɛ pɛɛ ngɛ je ɔ mi tsuo.

La 81:1

Nyɛ wo nyɛ gbi nɔ kɛ la ha Mawu, wa he bulɔ ɔ. Nyɛ hwɔ lele kɛ je Yakob Mawu ɔ yi.

La 84:1

Yawɛ Tabohiatsɛ, i suɔ o we ɔ saminya!

Mose II, 15:11

“Yawɛ lee, mɛnɔ ngɛ kaa mo? Mɛnɔ ngɛ kaa mo ngɛ mawu ɔmɛ a kpɛti? O je agbo; o he ngɛ gbeye; mo, mo nyakpɛ ní peelɔ.

Lahi 5:16

E nya mi munyu ngɔɔ; e he nɔ́ tsuaa nɔ́ peeɔ mi akɔnɔ. Yerusalem yihewi, ye suɔlɔ kɛ ye huɛ ɔ, bɔ nɛ e ngɛ ji nɛ ɔ nɛ.

Yesaya 26:13

Yawɛ, o se ɔ, nyɔmtsɛmɛ kpahi ba ye wa nɔ lɛɛ, se mo pɛ nɛ wa le.

Habakuk 3:3

Mawu je Edom kɛ ma ekohu; Mawu Klɔuklɔu ɔ ngɛ si kplee ngɛ Paran yo ɔmɛ a nɔ kɛ ma. E hɛ mi nyami ɔ ha hiɔwe ɔ tsuo; nɛ a ngɛ e yi jee ngɛ je ɔ mi he tsuaa he.

Mateo 22:45

Lɔ ɔ he ɔ, ke David tsɛ lɛ ‘Nyɔmtsɛ’ ɔ, kɛ peeɔ kɛɛ nɛ Kristo ɔ pa peeɔ e nina mɔ?”

Yohane 20:28

Toma he nɔ ke, “Ye Nyɔmtsɛ! Ye Mawu!”

Efesobi 4:10

Lɔ ɔ he ɔ, nɔ nɛ ba zugba a nɔ ɔ, lɛ nɔuu nɛ e kuɔ kɛ ho hiɔwe ya, konɛ a na lɛ ngɛ he tsuaa he.

Mose V, 28:58

“Ke nyɛ bui Mawu tsɔɔmi ɔmɛ tsuo, nɛ́ nyɛ pee bɔ nɛ a ngma ngɛ womi nɛ ɔ mi, nɛ nyɛ wui Yawɛ, nyɛ Mawu ɔ biɛ nɛ ngɛ nyakpɛ kɛ gbeye ɔ hɛ mi nyami ɔ,

Filipibi 3:8

Pi lɔ ɔmɛ kɛkɛ, anɔkuale mi ɔ, i bu nɔ́ tsuaa nɔ́ kaa níhi nɛ a he be se nami; ejakaa i ba na le kaa Kristo Yesu ji ye Nyɔmtsɛ. Nile nɛ ɔ he jua wa pe nile tsuo pɛpɛɛpɛ. Enɛ ɔ he je ɔ, ye níhi tsuo bɔ mi; ní ɔmɛ pee kaa kuku nɔ níhi kɛkɛ, konɛ Kristo mohu nɛ pee ye nɔ́.

Hebribi 7:26

Lɛɛ Yesu ji osɔfo nɔkɔtɔma pe kulaa nɛ sa wɔ. E ngɛ klɔuklɔu; sé ko be e he ɔ, e pee we yayami hulɔ. E je e he kɛ je yayami peeli a he, nɛ a wo e nɔ kɛ po mi kɛ ho hiɔwe tɔɔ ya.

Kpojemi 19:6

Jehanɛ ɔ, i nu nɛ nɔ́ ko ngɛ pɛe ngɛ hiɔwe kaa nihi babauu a gbi, loo pa nɛ hia kɛ bee, loo hiɔwe nɛ ngɛ sie wawɛɛ. I nu nɛ a ngɛ dee ke, “A je Mawu yi! Ejakaa Nyɔmtsɛ, wa Mawu Ope ɔ ngɛ matsɛ yee!