La 79:8 - BAIBLO ALOO NGMAMI KLƆUKLƆU Ɔ

⁸ Koo ngɔ wa nɛmɛ ɔmɛ a he yayami ɔmɛ kɛ gbla wa tue. Pee esɔ nɛ o na wɔ mɔbɔ, ejakaa wa kɔni mi jɔ̃.

La 79:8 ပူးပေါင်းရင်းမြစ်များ

Yesaya 64:9

Lɔ ɔ he ɔ, Yawɛ, wa kpa mo pɛɛ nɛ o mi mi ko fu wɔ tsɔ; ko kai wa yayami ɔmɛ kɛ ya neneene! O ma ji wɔ; naa wɔ mɔbɔ.

La 142:6

Moo bu ye kue fami ɔ tue koo, ejakaa peepee ta ye he kulaa. Kpɔ mi kɛ je yiwutsotsɛmɛ a dɛ mi.

La 116:6

Nihi nɛ peepee ta a he ɔ, Yawɛ baa a yi; benɛ i gbɔjɔ ɔ, lɛ nɛ e he ye yi wami.

La 21:3

O gbaa lɛ kɛ ní kpakpahi babauu; o fi lɛ jlasi nɛ a kɛ sika tsu ngmingmiingmi pee.

Kpojemi 18:5

Ejakaa a to e yayami ɔmɛ kɛ ya si hiɔwe tɔɔ. Nɛ Mawu miɔ nɛ e maa gbla ma a tue ngɛ e yayami ɔmɛ a he.

Hosea 9:9

Ma a puɛ kulaa kɛ yayami peemi kaa bɔ nɛ a pee ngɛ Gibea be ko ɔ. Yayami nɛ a pee ɔ, Mawu hɛ be nɔ jee; e maa gbla a tue kokooko.

Hosea 8:13

A gbeɔ lohwehi kɛ sãã bɔ kɛ haa mi, nɛ lo ɔ nɛ a kɛ ba sã bɔ ɔ lɛɛ mɛ nitsɛmɛ a yeɔ. Se imi Yawɛ, ye bua jɔɛ a he. Ma kai a he yayami ɔmɛ, nɛ ma gbla a tue kokooko ngɛ he; ma kpale mɛ kɛ ho Egipt ya!

Daniel 9:16

Mo ji nɔ nɛ fa wa he be ko nɛ be ɔ. Lɔ ɔ he ɔ, wa kpa mo pɛɛ nɛ o mi mi ko fu Yerusalem hu. Mo nitsɛ o ma ji lɛ; o yo klɔuklɔu. Wa he yayami ɔmɛ, kɛ wa nɛmɛ ɔmɛ a ní yayami ɔmɛ nɛ a pee ɔ a he je ɔ, je ma amɛ tsuo nɛ bɔle wɔ ɔ yeɔ Yerusalem kɛ o ma a a he fɛu.

Ezekiel 2:3

E de mi ke, “Nɔmlɔ adesa, ma tsɔ mo kɛ ya Israel bi ɔmɛ a ngɔ. A nɛmɛ ɔmɛ tsɔ atuã, nɛ a kua mi; nɛ mɛ hu a pee a he atuã tsɔli, nɛ a ngɛ ye nɔ tɔe kɛ mwɔɔ.

La 130:3

Ke mo Mawu o ke o maa kane yayamihi ɔ, Yawɛ, mɛnɔ maa ye e he.

La 106:43

Yawɛ je e ma a kɛ je a haomihi a mi si abɔ. Se pee se ɔ, a tsɔɔ e hɛ mi atuã nɛ a ya peeɔ yayamihi nɛ pe kekle ní ɔmɛ po.

La 25:7

Yawɛ, yayamihi nɛ i pee, kɛ tɔmihi nɛ i tɔ ngɛ ye nihe mi ɔ, ko kai hu. Mohu ɔ, o suɔmi nɛ ngɛ daa, kɛ kpakpa nɛ o peeɔ he je ɔ, o hɛ ko je ye nɔ.

Matsɛmɛ I, 17:18

Kɛkɛ nɛ yo ɔ de Eliya ke, “Mawu nɔmlɔ, mɛni he je o pee mi nɔ́ nɛ ɔ? Pe o ba hiɛ ɔ nɛ o ba kai Mawu ye he yayami ɔmɛ, konɛ ye binyumu ɔ nɛ gbo lo?”

Mose V, 28:43

“Jehanɛ, nibwɔhi nɛ ngɛ nyɛ zugba a nɔ ɔ maa ya nɔ ma plɔke; se nyɛɛ lɛɛ si kɛkɛ nyɛ maa hi gbee.

Mose II, 32:34

Moo lɛɛ yaa nɛ o ya kpaka ye ma a kɛ ya he nɛ i de mo ɔ. Ye bɔfo ɔ maa nyɛɛ o hɛ mi. Se be ma nɛ ma wo ma a hiɔ ngɛ a he yayami ɔ he.”

Mose I, 15:16

Yi nɔ eywiɛ se ɔ, o nina maa kpale kɛ ba hiɛmɛ nɛ ɔ ekohu; ejakaa i be Amor bi ɔmɛ fiee kɛ je zugba a nɔ kɛ yaa si jamɛ a be ɔ mi. Jamɛ a be ɔ mi ɔ, a yi mi wami ɔ nya maa wa, nɛ ma gbla a tue.”