La 79:5 - BAIBLO ALOO NGMAMI KLƆUKLƆU Ɔ

⁵ Yawɛ, mɛni be o mi mi ma fu wɔ kɛ yaa si? O mi mi ma fu wɔ kɛ maa ya neneene lo? Anɛ o mi mi fumi ɔ ma tsa nɔ kaa la nɛ ngɛ tsoe nɛ gbo we lo?

La 79:5 ပူးပေါင်းရင်းမြစ်များ

La 89:46

Yawɛ, mɛni be o maa laa o he kɛ ya si? O maa laa o he kɛ maa ya neneene lo? O mi mi fumi nɛ ngɛ kaa la nɛ ngɛ tsoe ɔ, mɛni be lɛ e se maa po?

La 85:5

Anɛ o mi mi ma fu wɔ daa lo? Anɛ o mi mi fumi ɔ ma tsa nɔ kɛ ya yi nɔhi tsuo lo?

La 74:1

Mawu, mɛni he je lɛ o hɛ wɔ ngɔ fɔ he ɔ? Anɛ o mi mi ma fu mo nitsɛ o ma a daa kikɛ nɛ ɔ lo?

Zefania 3:8

Yawɛ ke, “Lɔ ɔ he ɔ, nyɛɛ mlɛ keii kɛ yaa si ligbi ɔ nɛ ma te si nɛ ma po je ma amɛ a nya. I to ye yi mi kaa ma bua je ma amɛ, kɛ nɔ yemi he ɔmɛ a nya, nɛ ma je ye mi mi la nɛ nya wa a kpo kɛ tsɔɔ mɛ. Ejakaa ye mi mi la nɛ ɔ ma kpata je ɔ tsuo hɛ mi.

Mose V, 29:20

Yawɛ be nɔ nɛ tue wa nɛ ɔ he yayami ngɔe kɛ pa lɛ. Niinɛ, Yawɛ mi mi ma fu wawɛɛ kɛ wo lɛ, nɛ gbiɛmihi tsuo nɛ a ngma ngɛ womi nɛ ɔ mi ɔ maa ba e nɔ kɛ yaa si Yawɛ ma kpata e hɛ mi kulaa kɛ pi si.

Ezekiel 36:5

“Imi Nyɔmtsɛ Yawɛ, i kɛ hɛdɔ, kɛ abofu tu munyu kɛ si je ma amɛ, kɛ Edom zugba a tsuo. Mɛɛ lɛɛ a nya, nɛ a gbe ye ma a he guɛ; ejakaa a ngɔ ye zugba a, kɛ lohwe lɛmi he ɔmɛ ngɔ pee a weto ní.

La 80:4

Yawɛ Tabohiatsɛ Mawu! O ma mi bi ɔmɛ a kue fami ɔ maa wo o mi mi la kɛ yaa si mɛni be?

Kpojemi 6:10

A kpa ngmlaa wawɛɛ ke, “Nyɔmtsɛ Ope, mo nɛ o ngɛ klɔuklɔu, nɛ o yeɔ anɔkuale! Mɛni be o maa mlɛ kɛ yaa si? Ni ɔmɛ nɛ ngɛ je ɔ mi nɛ a gbe wɔ ɔ, kojo mɛ nɔuu nɛ o gbla a tue!”

Zefania 1:18

Ligbi ɔ nɛ Yawɛ ma je e mi mi fumi ɔ kpo ɔ, nɔ́ ko nɔ́ ko be nyɛe ma he ma a yi wami: sika hiɔ jio, sika tsu jio. E kɛ e mi mi fumi ɔ ma kpata je ɔ tsuo hɛ mi kaa bɔ nɛ la sãã nɔ́ ɔ. E maa gbe níhi tsuo ngɛ je ɔ mi si kake too.

Mika 7:18

Yawɛ, mawu kpa ko be nɛ kɛ mo sɔ. O ma a nɛ piɛ ɔ, o kɛ a he yayami paa mɛ. O mi mi fu we kɛ yɛ neneene, se mohu ɔ, o suɔ kaa o je o suɔmi nɛ se pui gblegbleegble ɔ ngɔ tsɔɔ wɔ.

Yesaya 64:9

Lɔ ɔ he ɔ, Yawɛ, wa kpa mo pɛɛ nɛ o mi mi ko fu wɔ tsɔ; ko kai wa yayami ɔmɛ kɛ ya neneene! O ma ji wɔ; naa wɔ mɔbɔ.

La 103:9

E hɛɛ we pɛ munyu kake mi kpamisa. Ke e mi mi fu ɔ, e kɛ we kulaa kɛkɛ e tsui he jɔ ekohu.

Mose V, 32:22

Ye mi mi fumi nya maa wa wawɛɛ kaa la nɛ ngɛ tsoe; e maa sã nɔ́ tsuaa nɔ́ ngɛ je ɔ mi kɛ ya su gbeje tɔɔ; e maa sã yo ɔmɛ a sisi tomi ɔmɛ hulɔ.

Mose V, 32:16

A kɛ mawuhi nɛ a li ye e tsui, nɛ a ngɔ ní hiemi nihi kɛ wo e mi mi la.

La 6:4

Yawɛ, ba he ye yi wami koo! Naa mi mɔbɔ nɛ o kpɔ mi, ejakaa o suɔmi ɔ be nyagbe.

La 80:5

Ngma nɛ o haa wɔ nɛ wa yeɔ wa tɔɔ, kɛ nyu hu nɛ wa nuɔ kɛkɛ ji vo nyu.

La 89:47

Mo kai kaa ye wami be ɔ ngɛ kuku. Mɛni he je lɛ o bɔ nɔmlɔ adesa yaka gu ɔ?

Kɔmɔ Yemi 5:22

Aloo pe o kua wɔ kulaa? Anɛ o we abofu ɔ nyagbe be lo?

Zakaria 1:12

Kɛkɛ nɛ Yawɛ bɔfo ɔ de ke, “Yawɛ Tabohiatsɛ, jeha nyingmi kpaago sɔuu ji nɛ ɔ nɛ Yerusalem kɛ Yuda ma amɛ ha nɛ o mi mi wo la. Mɛni be nɛ o bua maa jɔ, nɛ o maa na mɛ mɔbɔ?”