La 78:8 - BAIBLO ALOO NGMAMI KLƆUKLƆU Ɔ

⁸ konɛ a ko ba wa tue, nɛ a ko ba tsɔ atuã kaa bɔ nɛ a nɛmɛ ɔmɛ pee ɔ. Mɛɛ a ngɔɛ a hɛ kɛ fɔɛ Mawu nɔ kɛ pi si; anɔkuale hu a yi lɛ bɔ nɛ sa.

La 78:8 ပူးပေါင်းရင်းမြစ်များ

La 78:37

A yi lɛ anɔkuale ɔ, somi nɛ e kɛ mɛ so ɔ hu a yi nɔ.

Mose II, 32:9

Yawɛ ya nɔ nɛ e de Mose ke, “I kpa si nɛ i na kaa ma nɛ ɔ ji nimli komɛ nɛ a kuɛ wa saminya!

Ezekiel 20:18

Se i bɔ a bimɛ ɔmɛ kɔkɔ mohu ke, mlaahi nɛ nyɛ nɛmɛ ɔmɛ wo ɔ, nyɛ ko ye a nɔ, nɛ nyɛ ko ngɔ a we amaga amɛ kɛ ble nyɛ he.

Matsɛmɛ II, 17:14

Se a bui tete; a kuɛ wa kaa a nɛmɛ ɔmɛ nɛ he we Yawɛ, a Mawu ɔ yi ɔ pɛpɛɛpɛ.

Mose V, 31:27

I le kaa a kuɛ wa, nɛ a tsɔɔ atuã. Be mi nɛ i ngɛ je mi ɔ, a tsɔ Yawɛ hɛ mi atuã, nɛ ke i gbo lɛɛ kɛ e ma ba hi kɛɛ?

Ni Tsumi 7:51

Stefano ya nɔ nɛ e de ke, “Nyɛ kuɛ wa kaa amaga jali, nɛ nyɛ tsui, kɛ nyɛ tue wa kaa nɔ́ ko! Nyɛ ngɛ kaa nyɛ nɛmɛ ɔmɛ pɛ! Nyɛ hu nyɛ kplɛɛ we nɛ Mumi Klɔuklɔu ɔ nɛ tsu nyɛ he ní.

Ezekiel 20:8

Se a tsɔ ye hɛ mi atuã; a kplɛɛ we nɛ a bu mi tue; nɔ ko nɔ ko sakee we yakayaka ní ɔmɛ ngɔ pue he; a hɛɛ Egipt amaga amɛ a mi wawɛɛ. Kɛkɛ nɛ i to ye yi mi kaa ma ha nɛ a nu ye we abofu gbeyegbeye ɔ he ngɛ Egipt.

Kronika II, 30:7

Nyɛ ko pee kaa nyɛ nɛmɛ ɔmɛ, kɛ nyɛ nyɛmimɛ ɔmɛ nɛ a pee yayami kɛ si Yawɛ, a Mawu ɔ. Kaa bɔ nɛ nyɛ na a, Mawu gbla a tue wawɛɛ nitsɛ.

Mose V, 9:24

Kɛ je be nɛ i le nyɛ ɔ, Yawɛ hɛ mi atuã sɔuu nyɛ ngɛ tsɔe.

Mose V, 9:13

“Jehanɛ, Yawɛ de mi ke, ‘I le kaa ma nɛ ɔ kuɛ wa.

Mose II, 33:5

Yawɛ fa Mose ke e de ma a ke, “Ma nɛ kuɛ wa ji nyɛ; ke i kɛ nyɛ nyɛɛ hɛngmɛfia po, ma kpata nyɛ hɛ mi pɛsɛpɛsɛ. Lɔ ɔ he ɔ, nyɛ je nyɛ june ní ɔmɛ ngɛ nyɛ he, konɛ ma hyɛ bɔ nɛ ma pee nyɛ ha.”

Mose II, 33:3

nɛ bɔfo ɔ ma kpaka nyɛ kɛ ya zugba nɛ hi, nɛ baa ní saminya hulɔ ɔ nɔ. Imi nitsɛ lɛɛ i kɛ nyɛ be yae, bɔ nɛ pee nɛ ma ko ya kpata nyɛ hɛ mi ngɛ blɔ ɔ nɔ, ejakaa ma nɛ kuɛ wa ji nyɛ.”

Ni Tsumi 11:23

Benɛ e ya su lejɛ ɔ, nɛ e na bɔ nɛ Mawu gbaa ni ɔmɛ ɔ, e bua jɔ e he, nɛ e tu munyu tsɔɔ mɛ tsuo ke a ye Nyɔmtsɛ ɔ anɔkuale kɛ a tsui tsuo.

Yesaya 30:9

Ejakaa ma atuã tsɔli ji mɛ; lakpatsɛmɛ, kɛ nihi nɛ bui Yawɛ mlaa a ji mɛ.

La 106:7

Nyakpɛ níhi nɛ Hiɔwe No ɔ pee ngɛ Egipt ɔ, wa nɛmɛ ɔmɛ nui sisi. Suɔmi babauu nɛ e je kpo kɛ tsɔɔ mɛ ɔ, a kaii we. Mohu ɔ, a te si wo lɛ ngɛ Wo Tsu ɔ nya.

La 68:6

Nihi nɛ nɔ ko be mɛ ɔ, Mawu haa mɛ we nɛ a hii mi. E jeɔ pamitsɛmɛ kɛ jeɔ tsu mi, nɛ e haa a bɔɔ. Se atuã tsɔli lɛɛ e haa a hii zugba gbogboe nɛ bɛ ní nɔ.

Hiob 11:13

Hiob, tsake o tsui, nɛ o bua o nine nya nɛ o fa kue ha Mawu.

Kronika II, 30:19

“Yawɛ, wa nɛmɛ a Mawu nɛ o naa mɔbɔ lee! Nihi tsuo nɛ a ngɛ mo jae kɛ a tsui tsuo, se kɛ̃ ɔ a he tsɔ we ɔ, ngɔɔ a he yayami ɔmɛ kɛ pa mɛ.”

Kronika II, 20:33

Se kɛ̃ ɔ, e hule we jami he ɔmɛ, nɛ ma a kpale we nɛ a ba nyɛɛ Yawɛ, a nɛmɛ a Mawu ɔ se kɛ a tsui tsuo.

Kronika II, 19:3

Se kɛ̃ ɔ, su kpakpa komɛ ngɛ o mi; o je yo mawu Ashera amaga amɛ tsuo kɛ je zugba a nɔ, nɛ o bɔ mɔde kaa o maa pee Mawu suɔmi nya ní.”

Kronika II, 12:14

Rehoboam pee yayami, ejakaa e pee we Yawɛ suɔmi nya ní.

Mose V, 4:4

Se nyɛ nihi tsuo pɛpɛɛpɛ nɛ nyɛ mɛtɛ Yawɛ, nyɛ Mawu ɔ he ɔ, nyɛ ngɛ wami mi kɛ mwɔɔ.

Mose II, 34:9

E de ke, “Yawɛ, ke niinɛ nɛ o ngɛ ye he bua jɔmi ɔ, lɛɛ i kpa mo pɛɛ nɛ o kɛ wɔ nɛ ya. E ngɛ mi kaa ma nɛ ɔ kuɛ wa mohu, se moo ngɔ wa tɔmi ɔmɛ, kɛ wa he yayami ɔmɛ kɛ pa wɔ, nɛ o ngɔ wɔ kɛ pee mo nitsɛ o ma.”

Yoshua 22:15

A ba Gilead nɛ a ba na Ruben wɛtso ɔ, Gad wɛtso ɔ, kɛ Manase wɛtso fa a.

Samuel I, 8:8

Kɛ je be mi nɛ i je mɛ kɛ je Egipt ɔ, a je ye se ya ngɛ mawu kpahi jae. Nɔ́ nɛ a pee mi ɔ, lɔ ɔ a ngɛ mo hu pee ɔ nɛ.

La 78:40

Hyɛ bɔ nɛ a tsɔ e hɛ mi atuã si abɔ ngɛ nga a nɔ! Hyɛ bɔ nɛ a pee lɛ nidɔ ní si abɔ ngɛ nga kplanaa a nɔ!

La 78:56

Se a ka Mawu, Hiɔwe No ɔ; a tsɔ e hɛ mi atuã, nɛ a yi e mlaa amɛ a nɔ.