La 78:71 - BAIBLO ALOO NGMAMI KLƆUKLƆU Ɔ

⁷¹ E je lɛ kɛ je to yihi, kɛ a bi tsɔwitsɔwihi a se. E wo lɛ matsɛ ngɛ Israel, konɛ e hyɛ lɛ, Mawu ɔ e ma a nɔ kaa bɔ nɛ to hyɛlɔ tsɔɔ to ɔ.

La 78:71 ပူးပေါင်းရင်းမြစ်များ

Samuel II, 5:2

Be ko nɛ be benɛ Saul ngɛ tsɛ yee ngɛ wa nɔ po ɔ, mo lɛ o nyɛɛɔ Israel hɛ mi kɛ yaa kɛ baa. Yawɛ wo mo si kaa mo lɛ o ma ba nyɛɛ e ma Israel ɔ hɛ mi, nɛ o maa ye ganɔ ha mɛ.”

Kronika I, 11:2

Be ko nɛ be ɔ, benɛ Saul ngɛ tsɛ yee ngɛ wa nɔ ɔ, mo lɛ o nyɛɛɔ Israel hɛ mi kɛ yaa kɛ baa. Yawɛ wo mo si kaa mo lɛ o ma ba nyɛɛ e ma Israel ɔ hɛ mi, nɛ o maa ye ganɔ ha mɛ.”

1 Petro 5:2

Mawu asafo ɔ nɛ e ngɔ ha nyɛ ɔ, nyɛɛ hyɛ nɔ saminya kaa bɔ nɛ to hyɛlɔ lɛɔ e to kuu ɔ. Nyɛɛ pee enɛ ɔ kɛ je nyɛ tsui mi, se pi kaa a nyɛ nyɛ nɔ kɛ pee. Nyɛ tsu ní, pi ngɛ hiɔwo nɛ nyɛ ma na a he, se mohu kaa nyɛ ná nɔ́ nɛ nyɛ ngɛ pee ɔ he bua jɔmi. Bɔ nɛ Mawu to kaa nyɛɛ pee ji nɛ ɔ nɛ.

Yesaya 40:11

E maa lɛ e to kuu ɔ kaa to hyɛlɔ kpakpa; e ma bua e to bi ɔmɛ a nya, nɛ e maa hɛɛ mɛ ngɛ e bɔkɔ mi; to nyɛ ɔmɛ hu e ma tsɔ̃ mɛ blɛuu.

La 28:9

Yawɛ, he o ma a yi wami; moo gbaa o nina a. Moo hyɛ mɛ kɛ ya neneene kaa bɔ nɛ to hyɛlɔ hyɛɛ e tohi.

Mose I, 33:13

Yakob he nɔ ke, “Ye nyɔmtsɛ, mo nitsɛ o na kaa jokuɛwi ɔmɛ a hɛ mi fa we lolo. Jehanɛ hu, tohi kɛ nahi nɛ a bimɛ ji nyɔ nya lolo ɔ hu a he ní tsumi fɔɔ si ngɛ ye kuɛ nɔ. Ke a ha nɛ a nyɛɛ tsɔ pe nine ligbi kake po ɔ, lohwe ɔmɛ tsuo pɛpɛɛpɛ ma gbo.

Samuel II, 7:8

“Lɔ ɔ he ɔ, mo de ye tsɔlɔ David ke, imi Yawɛ Tabohiatsɛ ɔ, i ngɛ lɛ dee ke, ‘Imi nɛ i ya ngɔ mo kɛ je lohwe lɛmi he, kɛ je tohi a se, konɛ o ba ye ganɔ ngɛ ye ma, Israel nɔ.

Samuel I, 10:1

Kɛkɛ nɛ Samuel plɛ nu ngɛ tɔ ko mi kɛ pue Saul yi mi. Lɔ ɔ se ɔ, e fua lɛ atuu, nɛ e de lɛ ke, “Yawɛ hla mo kaa e ma Israel ganɔ. O maa ye e ma a nɔ, nɛ o ma kpɔ mɛ kɛ je he nyɛli nɛ bɔle mɛ ɔ a dɛ mi. Okadi nɛ o kɛ maa na kaa Yawɛ nɛ hla mo ke o ba pee e ma, Israel ganɔ ji nɛ ɔ nɛ.

Mateo 2:6

‘Mo Betlehem ma, ngɛ Yuda zugba a nɔ ɔ, mo ji ma nyafii pe kulaa ngɛ Yuda ma amɛ a kpɛti; se o mi lɛ matsɛ maa je kɛ ba ye ye ma Israel ɔ nɔ.’ ”

Samuel II, 20:19

Wa ma nɛ ɔ, ma nguaa ji lɛ; tue mi jɔmi ngɛ mi, nɛ e ji mahi nɛ yeɔ Israel anɔkuale ɔ a kpɛti kake. Nɛ moo o ngɛ hlae nɛ o kpata ma a hɛ mi! Mɛni he je o ngɛ hlae nɛ o puɛ Yawɛ nitsɛ blɔ fa mi nɔ́ ɔ?”

Samuel II, 24:17

David na bɔfo ɔ nɛ ngɛ ma a nɔ́ fiae, nɛ e de Yawɛ ke, “O nɛ, imi lɛ i pee yayami ɔ nɛ; imi lɛ i tɔ̃. Nimli nɛ ɔmɛ nɛ a ngɛ kpoo kaa jijɔ ɔ, mɛɛ lɛɛ mɛni a pee? I kpa mo pɛɛ nɛ o gbla i kɛ ye weku li kɛkɛ wa tue.”