La 78:6 - BAIBLO ALOO NGMAMI KLƆUKLƆU Ɔ

⁶ konɛ yi nɔhi nɛ maa ba ngɛ se ɔ nɛ kase, nɛ mɛ hu a tsɔɔ a bimɛ.

La 78:6 ပူးပေါင်းရင်းမြစ်များ

La 102:18

A maa ngma nɔ́ nɛ ɔ kɛ to ha yi nɔ bi nɛ maa ba ngɛ se, konɛ nihi nɛ a na we nɛ a fɔ mɛ lolo ɔ nɛ a ba je Yawɛ yi.

Yoel 1:3

Nyɛɛ sɛɛ ha nyɛ bimɛ. Nyɛ bimɛ nɛ a sɛɛ ha a bimɛ, konɛ nyɛ bimɛ a bimɛ hu nɛ a sɛɛ ha yi nɔ nɛ maa nyɛɛ a se ɔ.

La 145:4

Yi nɔ kake ma je níhi nɛ o tsu ɔ a yi kɛ tsɔɔ yi nɔ nɛ nyɛɛ se ɔ; nɛ he wami níhi nɛ o tsu ɔ, a maa sɛɛ kɛ ha mɛ.

La 90:16

Ha nɛ wɔ, o tsɔli ɔmɛ, waa na o ní tsumi ɔmɛ. Ha nɛ wa bimɛ ɔmɛ nɛ a na o he wami kpetekpleenyɛ ɔ.

La 22:31

Bimɛ nɛ a na we nɛ a fɔ mɛ lolo po, a maa sɛɛ ha mɛ ke, “Yawɛ he e ma a yi wami.”

La 71:18

Lɔ ɔ he ɔ, amlɔ nɛ ɔ nɛ i bwɔ, nɛ ye yi mi hiɛ futaa kɛ mua a, Mawu, ko kua mi! O kɛ mi nɛ hi si kɛ yaa si ma sɛɛ nyakpɛ ní nguanguahi nɛ o tsu ɔ kɛ ha yi nɔhi nɛ maa ba ngɛ se ɔ.

La 48:13

nyɛɛ slaa gbogbo ɔmɛ, nɛ nyɛɛ to mɔ ɔmɛ a he hɛ saminya; bɔ nɛ pee nɛ nyɛɛ sɛɛ ha yi nɔ nɛ nyɛɛ nyɛ se ɔ ke,

Ester 9:28

A fua fɔ nɔ kaa Yuda bi a weku tsuo, ngɛ yi nɔhi nɛ maa ba a a mi, ngɛ nɔ yemi he ɔmɛ tsuo, kɛ ma amɛ tsuo a mi ɔ, a kai nɛ a ye Purim ligbi nɛ ɔmɛ daa.

Mose V, 4:10

kaa ligbi ɔ nɛ nyɛ da si ngɛ Sinai yo ɔ he ngɛ Yawɛ, nyɛ Mawu ɔ hɛ mi ɔ, Yawɛ de mi ke, ‘Bua ma a nya. Ha nɛ a bu nɔ́ nɛ ma de mɛ ɔ tue, konɛ a ye mi gbeye a wami be tsuo; nɛ a tsɔɔ a bimɛ, nɛ mɛ hu a ye mi gbeye.’

Mose II, 10:2

konɛ okadihi nɛ i pee ngɛ Egipt, kɛ bɔ nɛ i ha nɛ Egipt bi ɔmɛ pee a he kuasia ha a, nyɛɛ sɛɛ nɛ nyɛ bimɛ, kɛ nyɛ bibimɛ nɛ a nu, konɛ nyɛ na nɛ nyɛɛ le kaa imi ji Yawɛ.”