La 78:51 - BAIBLO ALOO NGMAMI KLƆUKLƆU Ɔ

⁵¹ E gbe bitɛtehi tsuo ngɛ we tsuaa we mi ngɛ Egipt zugba a nɔ.

La 78:51 ပူးပေါင်းရင်းမြစ်များ

La 105:23

Kɛkɛ nɛ Yakob pue nɔ kɛ ho Egipt ya ya to nubwɔ ngɛ jamɛ a zugba a nɔ.

La 135:8

Lɛ nɛ e gbe kekleekle bimɛ tsuo ngɛ Egipt, nimli adesahi a bimɛ, kɛ lohwehi a bimɛ.

La 106:22

Hyɛ nyakpɛ níhi nɛ e tsu ngɛ lejɛ ɔ! Hyɛ ní nguanguahi nɛ e pee ngɛ Wo Tsu ɔ nya!

La 136:10

Lɛ nɛ e gbe Egipt bi ɔmɛ a kekleekle bimɛ; ejakaa e suɔmi ɔ ngɛ kɛ yaa neneene!

La 105:36

Jehanɛ, e gbe bitɛtehi nɛ ji Egipt nyumuhi a kekleekle ngmɛduhi tsuo ngɛ zugba a nɔ.

Mose II, 13:15

Benɛ Farao ɔ kplii e tsui nɛ e kplɛɛ we kaa waa ho ɔ, Yawɛ gbe Egipt kekleekle bimɛ tsuo; nimli a bitɛtehi, kɛ lohwehi a kekleekle bihi. Enɛ ɔ he ɔ, lohwe ku tsuaa lohwe ku nɛ bliɔ fɔmi nya a, i kɛ sãã bɔ ngɔ haa Yawɛ; se ye bitɛte ɔmɛ lɛɛ i danii mɛ.

Mose II, 12:12

“Jamɛ a nyɔ ɔ mi ɔ, ma gu Egipt zugba a nɔ kɛ be, nɛ ma gbe bitɛtehi tsuo nɛ ngɛ Egipt zugba a nɔ ɔ, kɛ a lohwe ɔmɛ hu a kekleekle bi kuhi. Egipt mawu ɔmɛ lɛɛ ma kpata mɛ tsuo pɛpɛɛpɛ a hɛ mi. Imi ji Yawɛ.

Mose I, 49:3

“Ruben, mo ji ye bitɛte; mo ji ye he wami, kɛ ye nihe mi kekleekle bi. Mo ji nɔ nɛ bu ngɛ o he, nɛ o ngɛ he wami pe ye bimɛ ɔmɛ tsuo.

Hebribi 11:28

Hemi kɛ yemi lɛ Mose kɛ to Hetsɔmi ɔ sisi, nɛ e fã Israel bi ɔmɛ ke a ngɔ muɔ kɛ fĩa a sinya tso ɔmɛ a he, bɔ nɛ pee nɛ bɔfo nɛ kpataa nɔ hɛ mi ɔ ko ba gbe Israel bi ɔmɛ a bitɛte ɔmɛ.

La 105:27

Mawu ha nɛ a pee okadihi, kɛ nyakpɛ níhi ngɛ Egipt zugba a nɔ.

Mose I, 10:6

Ham bimɛ ji Kush, Egipt, Libia, kɛ Kanaan bi.