La 78:19 - BAIBLO ALOO NGMAMI KLƆUKLƆU Ɔ

¹⁹ A tu munyu kɛ si Mawu, nɛ a bi ke, “Anɛ Mawu ma nyɛ ma ha wɔ niye ní ngɛ nga a nɔ lo?

La 78:19 ပူးပေါင်းရင်းမြစ်များ

Mose IV, 21:5

nɛ a tu munyu kɛ si Mawu kɛ Mose ke, “Mɛni he je nɛ nyɛ kpaka wɔ kɛ je Egipt nɛ wa ba gbo ngɛ nga nɛ ɔ nɔ, he nɛ niye ní, loo nyu ko be ɔ? Kikɛmɛ a niye ní gbogboe nɛ ɔ lɛɛ wa sume oo, wa sume!”

Mose IV, 11:4

E ba mi kaa de lo ba bɔni futufututsɛmɛ nɛ ngɛ Israel bi ɔmɛ a kpɛti ɔ jlomi. Israel bi ɔmɛ nitsɛ hu wo yana ekohu nɛ a bi ke, “Ao, wa be de lo nae maa ye lo?

La 23:5

O ngmɛɔ mi okplɔɔ ngɛ he nɛ ye he nyɛli tsuo maa na mi. O pɔɔ ye yi mi nu, nɛ o woɔ ye kplu ɔ nɛ e hyiɔ banebane.

Mose II, 16:3

nɛ a de ke, “Wa ná nɛ Yawɛ gbe wɔ mohu ngɛ Egipt zugba a nɔ, he nɛ wa hii si ngɛ pɔ buɛhi a he, nɛ wa yeɔ ní wa tɔɔ ɔ. Hyɛ kaa nyɛ ngɔ wɔ kɛ ba nga nɛ ɔ nɔ, konɛ nyɛ ba gbe asafo nɛ ɔ tsuo kɛ mi mi hwɔ.”

Mose IV, 20:3

nɛ a kɛ Mose pɛ, nɛ a de ke, “Wa ná nɛ wa piɛ wa nyɛmimɛ ɔmɛ a he kɛ gbo ngɛ Yawɛ hɛ mi.

Mose IV, 11:13

Jije ma ná de lo ngɛ kɛ ha ma nɛ ɔ tsuo? Ejakaa a wo yana kɛ wo mi, nɛ a ngɛ mi dee ke ma ha mɛ de lo nɛ a ye.

Hiob 34:37

Hiob tsɔ atuã kɛ piɛ e yayami ɔmɛ a he, nɛ e tu munyuhi babauu ngɛ wa hɛ mi kɛ si Mawu.

Kpojemi 13:6

E bɔni musu bɔmi munyuhi tumi kɛ si Mawu, Mawu biɛ ɔ, Mawu hi he ɔ, kɛ nihi tsuo nɛ ngɛ hiɔwe ɔ.

Romabi 9:20

Se mo nɔmlɔ adesa, mɛnɔ ji mo nɛ o ma de Mawu ke nɔ́ nɛ e de ɔ dɛ? Anɛ buɛ ma de nɔ nɛ puɛ lɛ ɔ ke, “Mɛni he je o puɛ mi kaa kikɛ nɛ ɔ?”

Kronika II, 32:19

Tsɔli nɛ ɔmɛ tu Yerusalem Mawu ɔ he munyu kaa nɔ́ nɛ je ma amɛ a mawu ɔmɛ nɛ nimli kɛ a nine pee ɔ eko ji lɛ.

Matsɛmɛ II, 7:2

Matsɛ ɔ we asafoatsɛngua a de Mawu nɔmlɔ ɔ ke, “Ke Yawɛ nitsɛ ma ha hiɔmi maa nɛ tlukaa po, nɔ́ nɛ ɔ be mi bae.” Elisha he nɔ ke, “Mo nitsɛ o maa na nɔ́ nɛ ɔ kɛ o hɛngmɛ, se o be ní ɔ eko yee!”