La 78:18 - BAIBLO ALOO NGMAMI KLƆUKLƆU Ɔ

¹⁸ A bi Mawu ke e ha mɛ niye ní nɛ mɛɛ a ngɛ hlae ɔ, nɛ a kɛ nɔ́ nɛ ɔ peemi ka Mawu.

La 78:18 ပူးပေါင်းရင်းမြစ်များ

Mose V, 6:16

“Nyɛ ko ka Yawɛ, nyɛ Mawu ɔ kaa bɔ nɛ nyɛ pee ngɛ Masa a.

Mose IV, 11:4

E ba mi kaa de lo ba bɔni futufututsɛmɛ nɛ ngɛ Israel bi ɔmɛ a kpɛti ɔ jlomi. Israel bi ɔmɛ nitsɛ hu wo yana ekohu nɛ a bi ke, “Ao, wa be de lo nae maa ye lo?

1 Korintobi 10:9

Wa ko ka Nyɔmtsɛ ɔ kaa bɔ nɛ a ti ni komɛ pee, nɛ sinɔ kpata a hɛ mi ɔ.

1 Korintobi 10:6

Ní nɛ ɔmɛ tsuo ba mi kaa okadihi nɛ a to wɔ, konɛ wa ko ha yayami nɛ pee wɔ akɔnɔ kaa bɔ nɛ e pee mɛ ɔ.

La 95:9

Nyɛ nɛmɛ ɔmɛ na níhi nɛ i pee ha mɛ. Se kɛ̃ a tsɔ̃ ye nya, nɛ a ka mi ngɛ lejɛ ɔ.

Mose II, 17:2

Lɔ ɔ he ɔ, ma a pia Mose, nɛ a de lɛ ke, “Ha wɔ nyu nɛ waa nu!” Mose de mɛ ke, “Mɛni he je nyɛ ngɛ mi piae? Mɛni he je nɛ nyɛ ngɛ Yawɛ kae ɔ?”

Mose II, 17:7

Mose wo lejɛ ɔ biɛ ke Masa kɛ Meriba, nɛ e de ke, “I wo kikɛmɛ a biɛ nɛ ɔ, ejakaa lejɛ ɔ nɛ Israel bi ɔmɛ pia Yawɛ ngɛ, nɛ lejɛ ɔ nɔuu a ka lɛ ngɛ benɛ a bi ke, ‘Anɛ Yawɛ ngɛ wa kpɛti, aloo e be?’ ɔ.”