La 78:10 - BAIBLO ALOO NGMAMI KLƆUKLƆU Ɔ

¹⁰ Somi nɛ Mawu kɛ mɛ so ɔ, a yi nɔ; e mlaa a hu a kua nɔ yemi.

La 78:10 ပူးပေါင်းရင်းမြစ်များ

Mose V, 31:20

I ma kpaka mɛ kɛ ya zugba kpakpa nɛ baa ní saminya nɛ ɔ nɔ kaa bɔ nɛ i wo a nɛmɛ ɔmɛ si ɔ. A ma na niye ní bɔ nɛ a ngɛ hlae ngɛ lejɛ ɔ. A maa ye ní nɛ a maa tɔ, nɛ a ma na bua jɔmi. Se kɛ̃ ɔ, a maa je ye se kɛ ya ja mawu kpahi. A ma kua mi, nɛ a be somi nɛ i kɛ mɛ so ɔ nɔ yee,

Mose V, 31:16

Yawɛ de Mose ke, “E be kɛe nɛ o ma gbo; nɛ o gbenɔ se ɔ, Israel ma a be mi anɔkuale yee hu; a be somi nɛ i kɛ mɛ so ɔ nɔ yee. A maa je ye se ya ja ma se mawuhi nɛ ngɛ zugba a nɔ he nɛ a yaa a.

Yeremia 31:32

Somi nɛ ɔ maa je kpa ngɛ somi nɛ i kɛ a nɛmɛ ɔmɛ so ɔ he. Benɛ i kɛ a nɛmɛ ɔmɛ so ɔ, jamɛ a be ɔ nɛ i nu a kɔni si nɛ i kpaka mɛ kɛ je Egipt zugba a nɔ. I kɛ mɛ hi si kaa a huno, se somi nɛ i kɛ mɛ so ɔ lɛɛ a yi nɔ fɛɛ.

Mose II, 16:28

Nɛ Yawɛ de Mose ke, “Kɛ yaa si mɛni be nɛ nyɛ maa ya nɔ ma gbo mi tue nɛ nyɛ ma kua ye mlaa amɛ a nɔ yemi?

Nehemia 9:17

A kplɛɛ we nɛ a bu mo tue; a hɛ je níhi tsuo nɛ o pee ɔ a nɔ, nyakpɛ níhi tsuo nɛ o pee ha mɛ ɔ, a hɛ je nɔ. Ngɛ a he nɔ womi ɔ mi ɔ, a hla hɛ mi nyɛɛlɔ konɛ e kpale mɛ kɛ ya Egipt nyɔguɛ yemi ɔ mi. Se moo lɛɛ Mawu nɛ ngɔɔ tɔmi ngɔ paa ji mo; dloolɔ kɛ mɔbɔ nalɔ ji mo, nɛ o mi mi fu we mla. O mɔbɔ nami ɔ kle; o kua we o ma a.

Ezekiel 20:21

“Se jamɛ a yi nɔ bi ɔmɛ hu tsɔ ye hɛ mi atuã; a nyɛɛ we ye blɔ nya tomi ɔmɛ a nɔ, nɛ a yi ye mlaa amɛ a nɔ. A ble ye Hejɔɔmi ligbi ɔmɛ hulɔ. Níhi nɛ ke nɔmlɔ pee nɛ e yi ma na wami ɔ, a pee we. Lɔ ɔ he ɔ, i to ye yi mi kaa ma ha nɛ a nu ye we abofu gbeyegbeye ɔ he ngɛ nga a nɔ.