La 77:8 - BAIBLO ALOO NGMAMI KLƆUKLƆU Ɔ

⁸ Anɛ e mɔbɔ nami ɔ se po jehanɛ lo? Anɛ e pa be e si womi ɔmɛ a nɔ yee hu lo?

La 77:8 ပူးပေါင်းရင်းမြစ်များ

2 Petro 3:9

Nɔ́ nɛ Nyɔmtsɛ ɔ wo si ke e maa pee ɔ, pi tsle nɛ e ngɛ toe ngɛ he kaa bɔ nɛ ni komɛ ngɛ susue ɔ; e tsui si kɛkɛ lɛ e ngɛ toe ha nyɛ. Ejakaa e sume nɛ nɔ ko nɔ ko hɛ mi nɛ kpata, se mohu nɔ tsuaa nɔ nɛ tsake e tsui.

Romabi 9:6

I tsɔɔ we kaa Mawu siwo ɔ peeɔ yaka. Ejakaa pi Israel ma a tsuo ji Israel bi anɔkuale mi.

Mose IV, 23:19

Mawu ɔ, pi nɔmlɔ ji lɛ nɛ e ngɔɔ nya, pi nɔmlɔ ji lɛ nɛ e tsakeɔ e yi mi tomi. Anɛ ke e de nɔ́ ko ɔ, e pee we lo? Aloo e woɔ si nɛ e yi nɔ lo?

Mose IV, 14:34

Nyɛ slaa zugba a ligbi nyingmi eywiɛ, se nyɛ ma na nyɛ yayami ɔmɛ a he tue gblami jeha nyingmi eywiɛ; ligbi kake ma plɛ pee jeha ha nyɛ. Nɛ nyɛ maa na kaa i je nyɛ se.

Yeremia 15:18

Mɛni he je i ngɛ nɔ́ nae kɛ mwɔɔ? Mɛni he je ye pa amɛ be tsa ba a? Mɛni he je a gbo we ɔ? Anɛ o ngɛ hlae nɛ o sisi mi kaa pa nɛ gbli latsa be mi lo?”

Yesaya 27:11

Tso kɔni ɔmɛ gbli, nɛ a ku kɛ pueɔ si; yi ɔmɛ ya buaa nya kaa lɛ́ nɛ a ma slɛ, ejakaa ma a nui nɔ́ ko nɔ́ ko sisi. Mawu, a bɔlɔ ɔ mi mi be lɛ sãe ngɛ a he, nɛ e be mɛ mɔbɔ nae hulɔ.

Samuel II, 14:14

Gbenɔ fɔɔ si kɛ ha wɔ tsuo; wa ngɛ kaa nyu nɛ a kpa pue si nɛ be hie muɔmi hu. Mawu lɛɛ e kpataa we susuma hɛ mi; se mohu e toɔ ga, konɛ nɔ ko nɛ a je lɛ we ɔ, e ko ba pee nɔmlɔ nɛ tlɔ nga pɛsɛpɛsɛ.

La 13:2

Mɛni be ma na nɔ́ kɛ yaa si? Aywilɛho ma hyi ye tsui mi daa ligbi kɛ yaa si mɛni be? Ye he nyɛli ma ná ye he blɔ daa nɛ kɛ yaa si mɛni be?

La 74:1

Mawu, mɛni he je lɛ o hɛ wɔ ngɔ fɔ he ɔ? Anɛ o mi mi ma fu mo nitsɛ o ma a daa kikɛ nɛ ɔ lo?

La 85:6

Ha nɛ waa ba nɔ ekohu, konɛ wɔ, o ma a, wa je o yi.