La 77:12 - BAIBLO ALOO NGMAMI KLƆUKLƆU Ɔ

¹² Ma susu níhi tsuo nɛ o pee ɔ a he; nyakpɛ níhi nɛ o pee blema a, ma kai.

La 77:12 ပူးပေါင်းရင်းမြစ်များ

La 145:11

A maa sɛɛ o matsɛ yemi ɔ hɛ mi nyami ɔ he ní, nɛ a ma de ke o kle saminya.

La 71:24

Ma ye odase daa ke o yeɔ dami sane. Ejakaa nihi nɛ hlaa kaa a maa gbe mi ɔ, zo gbe mɛ, nɛ ahlua hu bɔ mɛ.

Mose V, 6:7

Nyɛɛ tsɔɔ nyɛ bimɛ. Nyɛɛ sɛɛ he ní be nɛ nyɛ ngɛ we mi, be nɛ nyɛ hia blɔ, be nɛ nyɛ hwɔɔ si, kɛ be nɛ nyɛ te si.

La 145:4

Yi nɔ kake ma je níhi nɛ o tsu ɔ a yi kɛ tsɔɔ yi nɔ nɛ nyɛɛ se ɔ; nɛ he wami níhi nɛ o tsu ɔ, a maa sɛɛ kɛ ha mɛ.

La 143:5

I kaii sa blema a, nɛ i susuɔ níhi tsuo nɛ o tsu ɔ a he; i susuɔ níhi nɛ o pee ɔ a he.

La 105:2

Nyɛ la kɛ je Yawɛ yi, nyɛɛ sɛɛ nyakpɛ níhi nɛ e pee ɔ.

La 104:34

Susumi kpakpa nɛ i ngɛ ngɛ e he ɔ, i na nɛ lɛ tsuo sa e hɛ mi, ejakaa lɛ ji nɔ nɛ haa mi bua jɔmi.

Mose V, 7:18

Nyɛ ko ye mɛ gbeye; nyɛ kai nɔ́ nɛ Yawɛ, nyɛ Mawu ɔ pee Egipt bi ɔmɛ tsuo, kɛ a matsɛ ɔ.

Mose V, 7:19

Nyɛ kai gbenɔ hiɔhi nɛ a nya wa nɛ nyɛ na kɛ nyɛ hɛngmɛ ɔ. Nyɛ kai okadihi, kɛ nyakpɛ níhi nɛ Yawɛ, nyɛ Mawu ɔ kɛ kɔni si wami pee kɛ kpɔ̃ nyɛ ɔ. Bɔ nɛ Yawɛ kpata Egipt bi ɔmɛ a hɛ mi ɔ, jã kɛ̃ e maa pee je ma amɛ tsuo nɛ nyɛ ngɛ mɛ gbeye yee ɔ.

La 105:5

Nyɛ, Mawu tsɔlɔ Abraham nina! Yakob nina, nyɛ nɛ Mawu hla! Nyɛ kai nyakpɛ níhi nɛ Mawu pee, kɛ bɔ nɛ e kojo je ma amɛ.

La 119:52

Yawɛ, nyakpɛ níhi nɛ o tsu blema lokoo ɔ, ke i susu a he ɔ, ye bua jɔɔ saminya.

Yesaya 63:11

Kɛkɛ nɛ ma a kai blema, Yawɛ tsɔlɔ Mose be ɔ, nɛ a bi ke, “Yawɛ nɛ́ je ma a, kɛ a hɛ mi nyɛɛli ɔmɛ kɛ je wo ɔ mi ɔ, jije e ngɛ? Jije nɔ nɛ ngɔ e mumi klɔuklɔu ɔ kɛ wo a mi ɔ ngɛ?